95
Wosila yakaula
1 Kumaisi bitayakawolaisi Guyau.
Bitawosisi deli mwasawa baisa Yaubada kada Tokwalasi.
2 Bitamaisi baisa omatala deli nokagutoki,
e bitawosisi wosila yakaula deli mwasawa.
3 Paila Guyau matauna Yaubada Topeuligaga.
Matauna Guyau Topeuligaga odubasi avai yaubada avai yaubada.
4 Iguguyoi komwaidona valu watanawa
metoya avai uveya osikowala pwaipwaia bila odabala avai koya saina kwaiveka.
5 Iguyoi bolita makwaina eibubuli,
e tuvaila pwaipwaia makwaina ibubuloki yamala.
6 Kumaisi bitakululusi bitatapwarorusi baisa matauna.
Bitapopula kwaitutudasi baisa omatala Guyau kada tobubulaisi.
7 Matauna goli da Yaubadasi.
Yakidasi la tomota e ivaulaidasi,
e yakidasi la yawa, ikamovaidasi. 95.7-8 Ib 3.15; 4.795.7-11 Ib 3.7-11
Ka, yam lagaila bukulagaisi la biga avaka bilukwaidasi.
8 Kawala, “Taga bikasai dubami makawala tubumia mapilana Meriba,
makawala yam makwaina mapilana Masai oviloupakala. 95.8-9 Sun 17.1-7; Baw 20.2-13
9 Mapilana valu eiwakolaigusi imnabaigusi,
kalubikoya eigisaisi avaka lavagi paila matausina.
10 E kweluwovasi taitu akasilali tomota matausina,
kawagu, ‘Saina tokowolova matausina,
bogwa eipakaisi bikabikuwolaisi ulo karaiwaga makwaisina.’
11 Mapaila agibuluwa e alivala biga katotila saina mwau,
kawagu, ‘Yokomi gala avai tuta bukusuvisi mapilana valu,
mapilawena mwada basakaimi mi kabovaiwasi.’ ” 95.11 Baw 14.20-23; Kak 1.34-36; 12.9-10; Ib 4.3,5