1 जे जेखार्ल तोबो बनै युँ माजामो माचाव य़ेन ताद ले दी लिन्‍या प़ाइँदा ज़ थास्‍द ले। निताव य़ेन परमेस्‍वरए ओपाँ मादैवराए खार्ल ब माले। जेनी तोबोए ओबाबुए कान्‍छी ओज्‍यालाई लाँद होस लिज़्‍यानी दी लिन्‍या ङाथैज़्‍या।5:1 ब्य २२:३० 2 जेखार्ल निताव य़ेन लिज़्‍यावत ब जे कै जैद स॰द जेसघ्योःसिज़्‍याव? बुरू जेयुँ माचाव दाद नो मिँलाई जेखार्नी पले·न्‍या ओल्‍यो। 3 ङाक्‍याँ जेल्‍योङ ओमालिदी ब ङायुँ ते जेस ज़ लिज़्‍या। है जैद ङा जेल्‍योङ ङालिज़्याव मिताव नो मिँए ओय़ेन ङाफाल्‍धुके। 4 जे गेप्रभु येसुए उमिनत जेदुप्‍सिक, ङा ब गेप्रभु येसुए ओसक्तीस जेखार्ल ज़ ङालिज़्‍याव सम्‍जिद, 5 जे नो मिँलाई सैतानए उकुइत सूँपिचिके। हो ताकिन युँ माजामो ओय़ेनरानी निताव दुखर सहिद गेप्रभुए फाल्‍न्‍या छ्याम कसा उपुरूस माबाँचिए।

6 जे काताए जूँनी सघ्योःसिन्‍या? मुछिसिउ कनेल तकेज़ा सोगोइन्‍या वासः झाःकिन कने भरी सरालिज़्‍याव लिन्‍या जेमासैंए रो? 7 जे पुराँदो सरालिज़्‍याव वासःलाई हाइद ख्‍याव ताके। ख्रीसए निस्‍तार पर्ब छ्यामकाव पाथा जैसिद उजिउ झाःद ओयासिउए जेखत माल्‍यो साःरोर जेताज़्या।5:7 प्रस १२:५ 8 है जैद जे नो पर्ब चावस मानिन्‍याए जूँनी जेखार्लाव पुराँदो सरालिज़्‍याव वासः मिताव जेयुँलाव पापर, बले·न्‍या य़ेनर ख्याद साःरो छैंव युँनी सतस दोव ताके।5:8 प्रस १३:७; ब्य १६:३

9 ङ़ादाङाव ङापरींव चिथील, जे पातर्‍या पातर्नी जैसिज़्‍यावरास खदेप तालिच्‍यो लिद ङासरो। 10 नो है ङाल्‍यो आव मानुवाताव लुभीर, धुतैद ज़्याज़्यावर, अङग्‍या पुजा दाज़्‍यावरालाई माःक। नोराए ल्‍योनी पुलुस्‍न्‍या ताकिन आव मानुवाताव प़ाइँ मिँरानी ब अछतङ ल्‍यो परिखेहो। 11 खास है ङादाचिउ ते आव ची, जेसकाव यायुँ हुबो जैसिज़्यावर पातर्‍या पातर्नी जैसिज़्यावर, मँःए मँःए बाऱिज़्‍यावर, अङग्‍या पुजा दोज़्‍यावर, थल्‍ज़्‍यावर, लुभीर, धुतैद ज़्‍याज़्‍यावर यालिकिन, नितावरास सिप ब तालिच्‍यो, सिप ब ताज़्‍युच्‍यो। 12 गेकिन पाखाङावराए याय़ेन फाल्‍न्‍या गे माःक। गे गेराजाँचिज़्‍यावर ते गेसकावरालाई वाज़। 13 है जैद,