Ŋicfâc‐nane bâmiriŋ‐jopahuc bubiaŋ dâŋ jazaniŋ!

erâ hahaŋne bahuc mupie manazejec:

Kiŋaŋ qaqa juju‐ticne tarawec

â kiŋ bahac‐ticne behecnekicne,

i Wofuŋte meonec sâqocne‐ticne sasawa

irec okacne fehuc rowecte iŋuc ecnekicne.

“Mâreŋ tuhuo Wofuŋte hata bâʒâweniŋ,

â mâreŋ sawao Anutu‐nâŋecte hata sâko moc hepie wâneŋkeoc.

tikine facne hezu hewâneŋ ezo,

hehesicne hetiŋnezo â babahacne hefâsâezo.

mâreŋŋic jaŋe ʒeŋgoma honenʒepieŋ,”

Wofuŋte mickonec dâŋ iŋuc wahawec hâcne.

Eme mupo: “No wemo dâŋ muromackepemu?”

Mâreŋŋic jaŋe ʒeŋgoma kecɋaŋ iŋucne,

â hawari biaŋ‐jeŋic i ʒariŋ gieo domakac irec sâc.

kecɋaŋ e hâmo ɋaŋac eekac â ʒariŋ e ururuckeekac;

jâmbomac, ŋic jaŋe kecɋaŋ iŋucne hâcne.

Anutu‐nâŋecte dâŋ ine fohuc juocmu sanaŋ.

Jerusalem biŋe biaŋ mumu, go dâŋ ɋicwânʒâŋnehec muc,

go dâŋ hahaŋne bahuc mi hâwicguzejec;

ehuc Juda hae ŋerakac jaŋe ʒiŋuc jazac:

“Honeniŋ, Anutu‐ŋeŋic jukac i!”

meticne sanaŋkeme guriŋ bapa gie bakac;

honeniŋ, furi‐ticne ehec mâmâc ware fisikac

â wiac hure hemârec ewec izi bâniecnekac.

hone soŋaŋ ejareocmu;

lama motecne meticnezi qâzuc‐joparâ amec‐jopa rahuc

neŋgocne jaŋe ine aimuŋ jowac‐jopaocmu.

me mozi memotec‐ticne qaratiehuc sambâŋte sâc baocmu,

me mozi mâreŋko rufe fokac i sâc bapa otoo fiame sâcne hufâreocmu,

me mozi tiki â facne facne sigelio sâcne râeme feme ŋemâc‐jeŋic manaocmu?

me mozi bafickehuc dâŋ birickecnewec?

me mozi tiŋne hatare fuŋne âzâcne mutâc ewec,

me mozi mamana tara qazucnewec,

me mozi maŋɋârâŋte hata âzâcne jâutuc ewec?

pakeonec opâ ʒâmbâŋne moc wahaekac irec sâc eŋgopieŋ,

erâ moŋgeŋ uucne moc sigelio fokac iŋucne;

manaŋgopieŋ, nucne nucne jaŋere sâc i gâc iŋucne mac.

erâ qowi wiac‐ticne i bâzi ririkere sâc wâc mi ezac.

jaŋere maname wiac omane â jawane eŋgopieŋ ekac.

Me wemo wiac mo ba akic epie ere hawari iŋucne eocmu?

â golzi eri wiac bapa eki golzi foŋkerâ

sahacnao siliwazi kâpâcwâru basanaŋkeekac i me?

ine jâcsanaŋ moc gârecke ʒaŋ mi eene bâwosâeocmu.

Erâ metâ bapa saric ŋic moc bâfuarâ

ɋâŋ qâqâtâc sanaŋne domaocmu iŋucne moc fasaecneocte jâc i râcneocmu.

Fuŋnaonecteaŋ mi ŋazakicne me?

Me mâreŋte hobeteŋnezi weniŋuc nâzâ nâwotuc ekac

i hone wosâc mi embiŋ me?

ehame mâreŋ ŋecjucfâc‐ticne jaŋe ine ɋirikiŋ iŋucne erâ juŋgopieŋ;

eki sambâŋ i qoruc iŋucne qaratiekac

â selific ŋiczi maŋnao ŋec juc eene irec sâc fârekac.

â mâreŋte guriŋ bapa ŋic tâpiri‐jeŋic bawahame arictac eocmu.

erâ fuŋne‐jeŋiczi mâreŋko ɋâricne mac jaha gâtâ bahame

ficne suec‐jopame hâmo ɋaŋac eniŋmu,

eme mâŋâŋ sâkozi padi jawa iŋucne bawisec‐jopaocmu.

ehec sâc hecnuzo muŋgopieŋ?

Tiri runezi iŋuc muhuc wiokac.

Bâpiŋ ŋeraŋgopieŋ i mozi bâfuac‐jopawec?

Mume guru‐jeŋicko furu jaha fua taniŋkeeŋgopieŋ

â ʒâŋe‐jeŋic mufâreekac eki hâcne bâfuac‐jopawec;

e tâpiri sâko‐ticnehec â sasanaŋ‐ticne bipinehec

irec moczi moc mi sifuckeocmu.

â Israe go wemocte dâŋ ʒiŋuc ekomec:

“Wofuŋ e hata‐nane kâuc baekac

â Anutu‐nanezi dâŋnane sâcne mi dopeckeekac?”

Wofuŋ e juju sanaŋ Anutu juweczi jukac,

eki hâcne mâreŋ qaŋeŋne bâfuawec;

e docke pârâc mi eekac

â maŋɋârâŋ‐ticne i mamana tarane aricne.

â rokawekicne jaŋe sasanaŋ bâsoka‐jareekac.

â ŋicmotec jaŋe wâc docke pârâc ehuc rândiŋkeniŋmu.

jaŋe tucwipe iŋucne fafakechec erâ

furuc furuc qahuc feniŋmu,

jaŋe gasackeku mi dockeniŋmu

erâ hata raku wâc mi betaŋkeniŋmu.