12
Maria e Jesu opâ âsu biaŋ ruacnewec
(Mat 26: 6-13” Maò 14: 3-9)
1 Aakic hombaŋ juwicnao šoaŋ gie bapa 6 fohame Jesuzi Betania haeo ra fisiwec. E hae ira hâcne Lazaro hâmockonec bâɋârewec. 2 Eme Jesu tiwâ bâzi rikecnepie Matazi râe bâmoc ejareme Lazarohec mâmâc ŋehuc nâmbiŋ. 3 Ŋehapie Mariazi kiruŋ moc opâ âsu biaŋ furi sâko jâmbâŋ i rorâ Jesu kikene ruacnerâ qizec susuc-ticnezi bâkereŋkewec. Eme fic âsu biaŋ fifârewec. 4 Eme motec jaŋere âgo moc Juda Karioto haeonec docbapa ŋic, eki šiŋuc muwec: 5 “Opâ âsu izi 30 kina kitâcneme ŋic hapetac jarepene sâckezac me!” 6 E dâŋ i hapetac jaŋere manasuhuc mi muwec, e moneŋ kânoŋ wirec-jeŋic bajuhuc moneŋ hume ro soŋsoŋ ejujec, irec muwec. 7 Eme Jesuzi muwec, “Ŋoŋe ŋokac dâŋ mi mucneniŋ, e opâ âsu i sahac-nane ruacneme hâmope ducnuniŋte irec biŋe hâcne bajuwec. 8 Ŋic hapetac dameŋ sâc ŋoŋerao juhuc juniŋmu, no ine ŋoŋerao boc mi jupemu.”
9 Eme Judaŋic bocjaha jaŋe hae ira jume manarâ ijaha fisimbiŋ. Erâ Jesure sawa mâcne, Lazaro hâmockonec bâɋârewec e mâmâc honeniŋte fisimbiŋ. 10 Eme irec taha bapa micne jaŋe Lazaro mâmâc qaniŋte dâŋgie bambiŋ. 11 Judaŋic bocjahazi ere erâ rarâ Jesurao qohotambiŋte iŋuc embiŋ.
Jesu Jerusalem haeo feme ofac hecnembiŋ
(Mat 21: 1-11” Maò 11: 1-10” Luë 19: 29-40)
12 Hae fureme ŋic guru sâko hombaŋte biac Jerusalem haeo fisimbiŋ jaŋe dâŋ biŋe šiŋuc manambiŋ: “Jesu warehuc jukac.” 13 Dâŋ i manarâ šariŋ bazu amec erâ hatao bâfuaniŋte rambiŋ. Erâ bâfuarâ ofac hecnehuc šiŋuc mumbiŋ: “Ohec, Wofuŋte micte ware-nârekac e mumbiaŋkenaŋ, Israe ŋicwofuŋ ohec!” 14 Jesu e doŋgi motecne bâfuacnepie fainao ŋehuc rawec. I findaŋdâŋ kecšiŋuc fokac irec sâcko ewec:
15 “Zioŋte otâ, go mi hâwicguoc;
manakic, ŋicwofuŋgezi fakac,
doŋgi motecnere âsio fakac.”
16 Dâŋ i motecfâc-ticne jaŋe mârâc mi mana-hâmombiŋ. Juku Jesu sambâŋ tatamac-ticnao risie feme dâŋ irec manasurâ šiŋuc mana tarambiŋ: I ere qâreŋkekicnere sâc ijaha ecnembiŋ. 17 Jesu e Lazaro wiracneme šâŋeruŋkonec wahame honembiŋ ŋic guru sâko i jaŋe gâcne dâŋ binaŋ ejarembiŋ. 18 Eme mâsi irec biŋe manambiŋte bocjahazi hatao ra bâfuambiŋ hâcne. 19 Eme farisaio ŋic jaŋe jaŋackoaŋ šiŋuc muhuc muc manac embiŋ: “Manaŋgopieŋ. ŋoŋe dâŋgie bâipiehapie ŋic mâmâc sasawa erao qohota-fâreŋgopieŋ ine!”
Jesu hâmome huriri qâreŋ-ticne fuaocte mukicne
20 Judaŋic hombaŋte Jerusalem haeo fisimbiŋ jaŋere ŋondeŋko Grikŋic qâpuc moc moc mâmâc juhuc Anutu mai ecnembiŋ. 21 Eme jaŋe Filipo Besaida haeonec Galilaia mâreŋkonec erao rarâ šiŋuc âzâcnembiŋ: “Ŋicbomboŋ, nâŋe Jesu honezo muŋgopeneŋ.” 22 Mupie Filipozi Anderea âzâcneme mâmâc Jesurao rarâ dâŋ i âzâcnepic. 23 Âzâcnepire šiŋuc muwec: “Ŋic Fâri Wâtuŋne huriri qâreŋ-ticne fua tâcneocte šâfo maickekac hâcne. 24 Jâmbomac jâmbâŋ ŋazape mananiŋ, jacgoŋ hândâŋ e mâreŋko mi hurâ mâc foku foocmu, mâreŋte nânâ eme ine fârine bocjaha fuaocmu. 25 Moc e juju-ticne âgo ecneme sifuckecneocmu, moc e mâreŋko juhuc juju-ticne râsi ecneme juju sanaŋte biŋe focneocmu. 26 Moc e nore kiŋaŋ qaqa ezo murâ bâjâpecnuzejec, eme no jupemuoa kiŋaŋ qaqa-nanezi juocmu. Moc e no kiŋaŋ qanareocmu, e Mamac-nanezi erickeocmu. 27 Ʒi maŋnane fâfârerâ ɋarac ɋarac qakac. Ehame weniŋuc mupemu? `Mamac go dameŋ maicnukac i bâsuecƷ iŋuc mupe? Misac, iŋuc aricne, dameŋ i hâcne maicnuocte mukicne. 28 Irec Mamac go mutec šâŋe biŋegere huriri qâreŋ fua tâcnezejec.” Mume sambâŋkonec dâŋ šiŋuc wahawec: “I huriri qâreŋ-ticne fuawec erâ huriri qâreŋ jaha fua raocmu.” 29 Eme ŋicguru domambiŋ jaŋe manarâ mumbiŋ, “Ɋuŋ hejec.” Á gâcnezi mumbiŋ, “Aŋelo moczi dâŋ âzâcnejec.” 30 Mupie Jesuzi micjeŋicko rorâ šiŋuc jazawec: “Dâŋ i nahacnere mâcne ŋoŋere erâ fuajec. 31 Ʒi mâreŋko ââke râwiŋ dameŋ maickekacte mâreŋ širec ŋicbomboŋ e hetuŋkezo. 32 Mâreŋkonec bâfeŋnupie mâreŋ sâc ŋic fârec-jopape norao fisiniŋmu.” 33 I hâmoc weniŋucne hâmoocmu irec dâŋ suŋsuŋne iŋuc muwec. 34 Mume ŋicguru domambiŋ jaŋe šiŋuc âzâcnembiŋ: “Nâŋe mitio dâŋ kecšiŋuc manaeŋgopeneŋ: Kristo e mi hâmohuc jurašihuc juocmu. Eme goki wemocte šiŋuc mukic: `Ŋic Fâri Wâtuŋne e bâfeŋneniŋmu'? Ŋic Fâri Wâtuŋne e mo?” 35 Eme Jesuzi dâŋ šiŋuc bâtikie-jarewec: “Ʒoctamac e ŋondeŋ-ŋeŋicko dameŋ bembeŋne mac tamaeocmu. Irec dapâczi foŋŋopazacte šoctamac foŋarehame e maickerâ junšepieŋ. Moc e dapâcko rahuc hata mi hone taraocmu. 36 Irec šoctamac foŋarehame maŋzi sakarehuc kikefuŋfâc-ticne enšepieŋ.” Jesu e dâŋ iŋuc murâ ra soŋsoŋko juwec.
Judaŋic maŋsanaŋ-jeŋicte miti qikiŋnembiŋ
37 Jesu e mâsi fuŋne fuŋne šâŋe fai-jeŋicko bame hone-bipiehuc sifu erao mi roweckembiŋ. 38 I porofete Jesajare dâŋ sanaŋkeocte iŋuc embiŋ. E dâŋ šiŋuc qâreŋkewec:
“Wofuŋ, biŋedâŋge mupene mozi mana šakieekac?
Á Wofuŋte me i morao fua taniŋkeekac?”
39 Erâ Jesure dâŋ mi mana šakiembiŋ i Jesajare dâŋqâreŋ moc fokacte embiŋ ine kecšiŋuc:
40 “E šâŋe-jeŋic tiŋtuŋ barâ maŋjeŋic bâzickewec,
jaŋe šâŋezi wiac hone taranšipiŋte,
â maŋzi wiac mana taranšipiŋte,
ehuc maŋjeŋic bârisiepie bâpiaŋ-jopazipore.”
41 Jesaja dâŋ muwec, i Jesu sambâŋ tatamac-ticne honerâ muwec. 42 Eme micne bapa jaŋeraonec gâcne jaŋe Jesu manasiŋkembiŋ wâc. Erâ mufuapie farisaio jaŋe miti sakare-jarenšipiŋte hâwic-jopame hesoŋkembiŋ. 43 Jaŋe šâŋe biŋe-jeŋic ŋic jaŋerao waha qaqane ezacte manapie ŋemâckewec, â Anuturao waha qaqane ezacte manapie afeckewec.
Jesure dâŋ manahuc Mamac-ticnere dâŋ manazo
44 Jesu e hahaŋne bahuc dâŋ šiŋuc muwec: “Moc e no manasiŋnuocmu, e no sawa mâcne, sorecnuwec e mâmâc manasiŋkeocmu. 45 Á moc e no honecnuocmuzi sorecnuwec e mâmâc honeocmu. 46 No šoc tatamaczi mâreŋko wahapo, eme moc e no manasiŋnuocmuzi dapâckonec wefuocmu. 47 Moc e dâŋnane manarâ beheme okacne mi râcnepemu, no ŋic okacne jarepemurâ mâcne, bâpiaŋ-jopapemurâ wahapo. 48 Moc e no qikiŋnuhuc dâŋnane beheocmu, e mumutara fuacneocmu, dâŋ muekopac izi juku dameŋ sâkoo mumutara ecneocmu. 49 No dâŋ i no nahacne maŋte mi muekopac, Mamac sorecnuwec e jahac dâŋ mufuapemurâ sâcmutâc enarewec. 50 Erâ no manakopac, micdâŋ-ticnezi juju sanaŋ bâfuaekac. Dâŋ muekopac i Mamaczi mutâcne-narewec sâc muekopac.”