3
Anutu go babafic‐nane
1 O Wofuŋ, guguriŋfâc‐nane jaŋe guru sâko;
bocjahazi fahare râsi enareŋgopieŋ.
2 Bocjahazi nore kecʒiŋuc mueŋgopieŋ:
“E Anutuzi sâcne mi bafickeocmu.”
3 Wofuŋ go ine rârec rârec sabecnuekic,
â keteŋ‐nane juhuc hâbi‐nane henareekic.
4 No hahaŋne bahuc Wofuŋ wiracneekopac,
eme tiri tiki‐ticnao domahuc micnaneo roekac.
5 No waha fope guŋzi qâmâcnujec.
Eme Wofuŋzi dopecnuekacte ɋârepac.
6 Ŋic teŋ tauseŋ jaŋe râsi enarehuc orâŋnuhapie,
no jaŋere sifu mi hâwicnuocmu.
7 O Wofuŋ go faharec! Anutu‐nane, bataracnuc!
Go râsifâc‐nane mauc‐jeŋicko jopaekic,
ŋic hehesicne micsiec‐jeŋic qazuekic.
8 Sisipirickonec babatara i Wofuŋtao fokac.
Jambuŋgezi gurufâcge qârufa‐jarezejec.