98
Anutu mâsi bapa e muteŋkezo
1 Ŋicbureŋ, Wofuŋ gae ɋâricne hecneniŋ,
e mâsi wawarecnehec bawec!
E mefâre‐ticnezi â tiri meombâŋ‐ticnezi
râsi sanaŋke‐jarewec.
2 Ʒika giere fârine fuawec i Wofuŋzi mufuawec,
e qâpuc jaŋere maio bâbâtiŋ‐ticnere fuŋne rituwec.
3 E Israe kikefuŋ aki anonoc â jauŋ fâri
ejare warehuc jukicne, irec manasuwec.
Mâreŋ qaŋeŋnao juŋgopieŋ, jaŋe sasawa
Anutu‐nâŋecte bâbâpiaŋ gie honembiŋ.
4 Mâreŋŋic sasawa, Wofuŋ ʒeri ecnehuc semuja heniŋ!
Samarierâ ʒeri gae hehuc e muafeckeniŋ!
5 Wofuŋ mumuafec gae hecnehuc gita qaniŋ,
gita qahuctecne musi sâko baniŋ.
6 Qeŋ dâŋeha mimi ŋokac ficneniŋ,
erâ Wofuŋ Sâko Wofuŋ semuja hecneniŋ.
7 Hâweczi fânâŋkeoc,
â maŋnao qiriŋ qaŋgopieŋ jaŋe fânâŋkeniŋ.
Mâreŋ e iŋuc jaha eoc,
eme fainao juŋgopieŋzi bafickeniŋ.
8 Opâ rumi jaŋe me qaniŋ,
tiki jaŋe qâturerâ ʒeri gae heniŋ.
9 Wofuŋzi warekacte ere maio eniŋ,
e mâreŋ guriŋne baocte warekac.
E mâreŋ dâŋne mutiŋnehuc mutaraocmu,
ŋicne ŋicne jaŋere dâŋ sâcjeŋicko mutaraocmu.