128
Anutu araŋ bacnehuc sâcne juhâmozo
1 Wofuŋ araŋ bacneeŋgopieŋ jaŋere manape ʒerine ekac,
ere hata âtehuc juniŋmu jaŋe hâcne.
2 Megezi gie bacmu irec fârine fuame nâcmu,
erâ bubiaŋ manahuc sâcne juhâmocmu.
3 Ŋonâŋgezi ficmaŋgao domaocmu,
i waiŋ jâcne fâri rarau iŋucne.
Ɋiefâcge jaŋe oliwa gitecne iŋucne
teboge râreckerâ ŋeraniŋmu.
4 Manakic, ŋic moc Wofuŋ araŋ bacneocmu,
erao jambuŋ iŋuc hâcne fuaocmu.
5 Wofuŋ e Zioŋko juhuc jambuŋguzejec!
Jerusalem haere mazuc mâriri
i jufecmu sâc ʒoaŋne ʒoaŋne honezemec!
6 Ŋosafâcge fuapie honec‐jopazemec!
Israe kikefuŋko wama fozejec!