149
Wofuŋ muteŋkehuc ʒikare ʒawiembiŋ
1 Wofuŋ muteŋkeniŋ!
Wofuŋ gae ɋâricne moc hecneniŋ,
mitiŋic jaŋere tutumaŋko mumuteŋ gae hecneniŋ.
2 Israezi bâbâfua‐ticne bubiaŋ manacneoc,
Zioŋte ŋokâfâc Wofuŋ Sâko‐jeŋic ʒeri ecneniŋ!
3 Gae wohuc ʒâŋe‐ticne mumbiaŋkeniŋ,
woŋgâŋ qahuc gitazi musi bacneniŋ.
4 Wofuŋ e ŋicfâcne mana‐jareme biaŋkekac,
ere maio rumerâ juŋgopieŋ jaŋe sasanaŋzi eric‐jopakac.
5 Mitihec jaŋe ʒeri ehuc kiwaeniŋ,
fofo‐jeŋicko fohuc mumuteŋ gae heniŋ.
6 Micjeŋicko Anuture mumumbiaŋzi fooc,
â mejeŋiczi sâqe bune râpene mictara i baniŋ.
7 Ehame ŋicne ŋicne jaŋerao kiŋ babatara,
â ŋic gurune gurune jaŋerao okac babazu fuazejec.
8 Â ŋicwofuŋfâc‐jeŋic kâpâcwâru bacjopazo,
fekicnefâc‐jeŋic aeŋzi basanaŋ‐jopazo.
9 Jaŋerao mumutara dâŋ qanaŋ qâreŋkekicne irec fârine bâfuazo.
Izi mitiŋicfâcne sasawa jaŋere eri qoqonaŋ eocmu.
Wofuŋ muteŋkeniŋ!