1 Ngim ummoy si Jesus ud Bilig Olivo. 2 Labigat pun, lakawisngit langulin si templo ot ilalibungbungan cha achuʼn tagu siya. Ot ummamuy lantudtuchu kan chicha. 3 Ot inggetong cha mimistulun chi lintog ya cha Pariseo osaʼn byebyaiʼn inchesanchaʼn lakachegchegas ot pilasikedcha si sangwalancha losan. 4 Oli pun kalancha kan Jesus, “Mistulu, allaya osaʼn byebyai un inchesanmi un lakachegchegas. 5 Si lintog taku, imbilin Moses un masapuɏʼn binbintukon chi kamatlaʼn byebyai inggala matoy. Lu sika, simma maibyegam kan siya?” 6 Imbyegacha laoy ta sikapancha si Jesus ta awed mambyatayancha un mampabyasuɏ kan siya. Ngim lan-okog si Jesus un langgilila tammuchulad chi pita.

7 Si summisikkachen cha intuytuɏuycha lan-im-imus kan siya, summiked si Jesus ot kalala kan chicha, “Lu silu lappun byasuɏla kan chikayu, siya umulaʼn mamintuk kan siya.” 8 Oli pun kasin lan-okog si Jesus ot langgilila tammuchula si pita.

9 Chingngeɏcha pun chi imbyegala, lasin-ossacha ummoyon, impangun chi kalakayan kan chicha. Ot ummabus si Jesus ya hachiʼn byebyai latelan un sissiyan summisiked si sangwalanla.

10 Hachi ked, summiked si Jesus ot kalala kan siya, “Byebyai, chimman cha? Ha lappun latelan un malusa kan sika?”

11 “Lappun Apu,” kalala. Ot kalan Jesus, “Ulay sakon, achipunku sika chusaon. Ingkan ngim achika mambyasuɏ kasin.”

12 Kasin bo lan-ugud si Jesus kan cha Pariseo, “Sakon chi silaw chi lubung. Lu silu mitun-ud kan sakon maidchen si silaw chi biyeg, ked achipun inggew si gikbot.”

13 Ot kalan cha Pariseo kan siya, “Sika mangitalung mantistigu si long-eglu. Chakampun si katuttuwaan chi ibyegbyegam.”

14 Kalan Jesus, “Ulay lu italungku tistiguwan chi long-egku, tuttuwa ibyegbyegak ti ammuk chi leɏpuwak ya ammuk chi ayak. Ngim chikayu, achipunyu ammu chi leɏpuwak ya ayak. 15 Manguis kayu un isun chi tumimbuɏuy si kokòon chi tagu. Ngim sakon, chakampun si manguisak si ulay siluʼn tagu. 16 Ngim lu kuisok chi tagu, ustu mangkukuisku, ti chakampun si sakon abus chi manguis ngim chikamin chuwa kan Amak un langibuun kan sakon. 17 Liigili si lintogyu un lu man-ulud chi ibyegan cha chuwaʼn tistigu, tuttuwa ibyegacha.*8:17 Deuteronomy 19:15 18 Tistiguwak chi long-egku ya si Amak un langibuun kan sakon tistiguwala bo sakon.”

19 Ot ilimuscha kan siya, “Chimma awechen amam?” Summongbyat si Jesus, “Achipunyu ammu sakon ya achipunyu bo ammu si Amak. Lu ammuyu sakon, katchi boʼn am-ammuyu si Amak.”

20 Imbyegan Jesus cha laoy si lantudtuchuwala si lugeɏ un mangiggaancha si pilak si templo. Ngim lappun lalokma kan siya ti chaampun chumtong chi timpula.

21 Ot kalan bo Jesus kan chicha, “Chumtong chi timpuʼn inyakon, ked singtonyu sakon. Ngim achipun kayu makaoy si ayak, ti matoy kayuʼn achipun mapakawan chi byasuɏyu.”

22 Oli pun kalan cha papangat cha Judio, “Palaggey ibyegaʼn achipun taku makaoy si ayala? Ha otoyola lin chi long-egla?”

23 Ot kalan Jesus kan chicha, “Chikayu, utla lubung chi lampeɏpuwanyu ked ha ammuyu ked mipanggop si lailubungan. Ngim sakon, lampeɏpuwak ud langit, ked ha somsomokku ked lailangitan. 24 Siya langibyeg-ak kan chikayu un matoy kayuʼn achipun mapakawan chi byasuɏyu lu achipun kayu mamati un Sakon chi imbyegak.”

25 Ot ilimuscha, “Silu ka lù?”

Summongbyat si Jesus un kalala, “Ha imbyegbyegak kan chikayu malipud si chamchamu inggala si sala. 26 Achu mibyegak mipanggop kan chikayu ya achu bo ipabyasuɏk kan chikayu. Ngim tuttuwa langibuun kan sakon, ti ibyegak kan cha tagu si lubung cha chingngeɏk kan siya.”

27 Ngim achipun cha laawatan un si Amalaʼn Apudyus chi imbyegbyegala. 28 Ot kalan Jesus kan chicha, “Sakon un Alak chi Tagu lu ilansaak kan chikayu si krus, siya mangammuwanyu un sakon chi ibyegbyegak. Katchi boʼn lappun kook un iyabusku, ngim ibyegak chi intudtuchun Amak kan sakon. 29 Ked ha langibuun kan sakon, iinggew kan sakon. Achipunla sakon telan ti pasigku koon cha pipiola.” 30 Achu cha lamati kan siya si chingngeɏcha imbyegala.

31 Ot kalan Jesus kan cha Judio un lamati kan siya. “Lu potgonyu losan un intudtuchuk, chikayu chi tuttuwaʼn disipulusku. 32 Ked maammuwanyu katuttuwaan, ked ha katuttuwaan chi manwayawaya kan chikayu.”

33 Ot kalan cha Judio, “Galak chikami kan Abraham ya lappun lammusassuwanmi. Puggey ibyegan mawayawayaan kami?”

34 Ot kalan Jesus kan chicha, “Tuttuwa allaʼn ibyegak kan chikayu. Lu silu ig-iggalan makabyasuɏ, siya musassun chi byasuɏ. 35 Ha musassu, ked achipun mibilang un chogan chi paminya ing-inggala. Ngim ha tuttuwaʼn alak, ked mibilang un chogan chi paminya si ing-inggala. 36 Ked lu Alak Apudyus chi manwayawaya kan chikayu, tuttuwaʼn mawayawayaan kayu.

37 “Ammuk un galak chikayu kan Abraham. Ngim pionyuʼn otoyolak, ti issanyu chi tudtuchuk. 38 Siya uguchok chi chingngeɏk kan Amak, ngim chikayu, siya koonyu imbyegan amayu.”

39 Ot kalan cha Judio, “Si Abraham chi amami.”

Kalan Jesus kan chicha, “Lu tuttuwaʼn galak chikayu kan Abraham, koonyu otyan chi killingwala. 40 Lappun uchum si imbyegak kan chikayu lu achi abus chi katuttuwaan un chingngeɏk kan Apudyus. Ngim pilanggopyuʼn otoyon sakon. Lappun katchi si killingwan Abraham. 41 Pin-ayu koon chi kokòon amayu.” Ot kalancha kan siya,

“Chakampun si aggabyak kami ti ossaan chi amami, si Apudyus mismu.”

42 Ot kalan Jesus kan chicha, “Lu tuttuwaʼn Apudyus chi amayu, ay-ayatonyu otyan sakon ti leɏpuwak kan Apudyus, siya un awechak utla si sala. Chakampun si ummaliyak si uwak un angos, ngim imbuulak kan Apudyus. 43 Payuggey achi maawatan chi ibyegbyegak? Simman ti achipunyu pion un chongɏon chi ugudku. 44 Aalak chikayu kan Satalas un amayu ked pionyu boʼn koon chi piola. Kapapatoy siya lalipud si chamu inggala sala ya lappun mansagungala si katuttuwaan ti lappun katuttuwaan kan siya. Lu mantuli, koola lisigud un kokòola ti latuli siya ya siya bo puun cha tuli. 45 Ngim sakon, ibyegak chi katuttuwaan kan chikayu, ked siya achipunyu mamatiyan kan sakon. 46 Awed osa kan chikayu un mampaloklok un lakabyasuɏak? Lappun. Lu ibyegak chi katuttuwaan kan chikayu, pakayuggey achi mamati? 47 Ha tuttuwaʼn aalak Apudyus ked chongɏoncha ya mamaticha si ugud Apudyus. Ngim chakampun si aalakla chikayu, hachi gapulaʼn achipun kayu chumngeɏ ya mamati.”

48 Oli pun kalan cha Judio kan Jesus, “Ha chakampun kamman si tuttuwa imbyegami un iSamariaka†8:48 Cha Judio ak-akitoncha cha iSamaria ked issanchaʼn makabibiɏun kan chicha. Ha langibyeg-ancha un iSamaria si Jesus, siya in-ilonchaʼn mangam-amsiw kan siya. ya laaɏanka bo?”

49 Ot kalan Jesus, “Achipulak laaɏan, ti pachayawak si Amak. Ngim chikayu, imbibiinyu sakon. 50 Chakampun si singsingtok chi michayawak ngim awed chi osaʼn mangiyis-isngit si michayawak, ya siya mismu manguis kan cha mangibibiin kan sakon. 51 Tuttuwa allaʼn ibyegak kan chikayu, lu silu mamati si ugudku, ked achipun matoy si ing-inggala.”

52 Kalan cha Judio kan siya, “Lapaloklokanmi si salaoy un laaɏanka. Latoy mit si Abraham ya cha propeta, ked ibyegam un lu silu mamati si ugudku achipun pulus matoy. 53 Ha langatngatuka kamman lu si Abraham un amami ya cha propeta? Latoy cha mit losan. Silu malomsomkam si long-eglu?”

54 Oli pun summongbyat si Jesus, “Lu italungku ichayaw chi long-egku, lappun simbin chi katchin chayaw. Ti ha mangipachayaw kan sakon, ked si Amak un kalanyuʼn Apudyusyu. 55 Ngim achipunyu am-ammu siya, ngim am-ammuk siya. Lu ibyegak un achipunku tagammu siya, latuliyak un isuyu. Ngim am-ammuk siya ya tumuttuwaak si ugudla. 56 Lagalas si Abraham un apuyu, ti lamlamaola un mitullong chi gumatngak utla ot intullongla ot laganggalasan.”

57 Kalan cha Judio kan siya, “Ma in-ilom un langitullong kan Abraham, un chaan malimampuɏu tawonlu?”

58 Ot kalan Jesus, “Tuttuwa allaʼn ibyegak kan chikayu, chaampun miyalak si Abraham, ked sigud un illiinggewak.” 59 Oli pun langagamkamcha si byetu ta bintukon cha siya, ngim lantaɏu si Jesus ot ummoyon si templo.‡8:59 Ha osaʼn piolaʼn uguchon laseilan si Jesus.