1 Kanan Diyos en Moses, 2 “Ibagam sin am-in ay Israelita, ‘Naey di inbilin Diyos: Masapol ay nasantoan kayo, tan sak-en si Yahweh ay Diyos yo et nasantoanak. 3  4  5  6  7  8 

9 “ ‘Mo man-ani kayo sin payew yo, adi yon palaloan ay anien din wadas benget na ya sageyen din nilabsan yo. 10 Mo manbolas kayo abe si obas, adi yon taolien di nilabsan yo ya piditen di nag-as. Bay-an yo abe iman ta waday okan di nabiteg ya mangili. Sak-en si Yahweh ay Diyos yo, et siya say kanak.

11 “ ‘Siya abe ay masapol ay adi yon ak-akewan, sosowitiken ono iet-etekan di ib-a yo. 12 Adi yo aben os-osalen din ngadan ko ay mantistigo si baken kosto ta adi maibabain di ngadan ko, tan sak-en si Yahweh ay Diyos yo.

13 “ ‘Mo wada abe di poldiyaen yo, adi yo taktaken ay mangidawat si lagbo da olay pay mo sinlabi, tan mo taktaken yo et kaman yo met laeng sinowitik ono inakewan si daida. 14 Adi yo aben babbaosan di naomel ono sapatien di nagodab, mo adi et patgen ya egyatan yo si sak-en ay Diyos yo, tan sak-en si Yahweh.

15 “ ‘Mo wada di kasoen yo, din kosto koma di iyat yo ay mangowis. Adi yon pabpaboran di nabiteg yan adi yo aben palaloan ay patgen di baknang. 16 Mo mantistigo kayo, adi yo aben palawlawaen di ib-a yo ono amagen di olay sino ay baken kosto ay maiturong sin makeddengan da ay matey.*Di mabalin ay amagen di mantistigo ta say makeddengan di ib-a na et mantistigos baken tet-ewa ono igiginek na di tet-ewa. Inparit Diyos din dowa. Sak-en si Diyos ay nangibagas na.

17 “ ‘Mo wada di pansaksakitan di nemnem yo si ib-a yo, adi yo ililiget, mo adi et mankakapya kayo ta say adi kayo manbasbasol begew en daida.†Di esa abe ay kaiologan nina sin Hebreo et: mo adi et bagaan yo ta say adi kayo makilak-am sin basol na. 18 Adi yo aben ibabbaes di lawa si ib-a yo ono ililiget si daida, mo adi et laylayden yo di ib-a yo ay kaman din pananglayad yo sin awak yo.‡Mateo 22:39; Roma 13:9; Galacia 5:14. Sak-en si Diyos et siya say kanak en dakayo. 19  20  21  22  23  24  25  26  27  28  29  30 

31 “ ‘Adi kayo manpasip-ok ono manpatolong si man-gengey, tan komadodogis kayo begew met laeng en daida. Say patien yo din nay inbagak, tan sak-en si Yahweh ay Diyos yo.

32 “ ‘Mo pay abe din nankakay ya nankababkes, patgen ya dayawen yos daida. Patgen yo ay sipapakombaba si sak-en ay Diyos yo, tan sak-en si Yahweh.

33 “ ‘Adi yo palpaligaten din mangili ay makiili en dakayo. 34 Di iyat yo pay et ibilang yo ay kaman dedan ib-a yo ay Israelita. Laylayden yo si daida ay kaman din pananglayad yo sin awak yo. Nemnemen yo koma ay mangili kayo abe ed Egipto ed idi. Sak-en si Yahweh ay Diyos yo ay nangibilin sina.

35 “ ‘Adi yo sowitiken di ib-a yo si baken kosto ay panlokod, kiloan ono salopan, 36 mo adi et din kosto di osalen yo. Tan si sak-en si Yahweh ay Diyos yo ay nangibela en dakayo ed Egipto. 37 Kasinak kanan en sak-en si Yahweh ay Diyos yo. Tongpalen yo am-in ay linteg ya bilin ko.’ ”