Salmo 13
13
Kararag Di Nadismaya Ay Ipogaw
1 Apo, kas-anoy kabayag na ay bomaybay-an ka?
Ay bomaybay-an ka si eng-enggana?
Pig-an pay ay somagong ka?
2 Pig-an ay mapap-eng nan panlak-amak si ligat ko
ya innagew ay ladingit ko?
Kas-anoy kabayag nan omam-amisan di kalaban ko?
3 Nemnemem komas sak-en, Yahweh ay Diyos ko,
ya patgam din kararag ko.
Omipabikas ka ta adi masokpot nan leng-ag ko.
4 Adim ipalobos ay kanan da en inmabak da
et begew sidi yan manragsak da.
5 Ngem mantalekak sin adi manbalbaliw ay layad mo,
manragsakak to sin panangisalakan mo.
6 Mankantaak ay mangidaydayaw en sik-a, Apo,
gapo sin inpailam en sak-en ay kinasiged mo.