120
Sie Pre In Suk Kasru
1 Ke nga muta in ongoiya, nga pang nu sin LEUM GOD
A El topukyu.
2 LEUM GOD moliyula
Liki mwet kikiap a mwet kutasrik.
3 Kowos, mwet kikiap, mea God El a oru nu suwos?
El a kai kowos fuka?
4 Ke sukan pisr kosro nutin sie mwet mweun,
A mulut firir!
5 Ke nga muta inmasrlowos, arulana koluk oana nga in muta in acn Meshech
Ku muta inmasrlon mwet Kedar.*Meshech ... Kedar: mutunfacl luo inge loes in masrlo, ac mwet we mwet na sulallal.
6 Loesla pacl nga muta
Inmasrlon mwet su srunga misla.
7 Ke pacl nga sramsram ke misla,
Elos ac lungse mweun.