3
Nia dama di King David
1-3 Aanei i lala, e hagatau eia i di mmaadua, nia dama daane a David ala ne haanau i dono madagoaa nogo noho i Hebron:
Amnon, dono dinana go Ahinoam mai Jezreel,
Daniel, dono dinana go Abigail mai Carmel,
Absalom dono dinana go Maacah, tama ahina ni Talmai go di king o Geshur,
Adonijah, dono dinana go Haggith,
Shephatiah, dono dinana go Abital,
Ithream, dono dinana go Eglah.
4 Digaula huogodoo dogoono ne haanau i Hebron i lodo nia ngadau e hidu mo di baahi a David nogo dagi i golo.*2-Samuel 5.4-5; 1-Kings 2.11; 1-Chronicles 29.27
Mee nogo dagi i Jerusalem gadoo be di king i nia ngadau e motolu maa dolu. 5 Ana dama daane dogologo ne haanau i golo.
Dono lodo go Bathsheba, tama ahina a Ammiel, ne haanau ana dama daane dogohaa: go Shimea, Shobab, Nathan mo Solomon.*2-Samuel 11.3
6 David guu hai ana dama daane dogohiwa labelaa i golo, go Ibhar, Elishua, Elpelet, 7 Nogah, Nepheg, Japhia, 8 Elishama, Eliada, mo Eliphelet. 9 Hagapuni ang gi nia dama daane huogodoo aanei, David guu hai ana dama daane gi ana ahina hege ala e noho i dono baahi. Mee guu hai labelaa dana dama ahina go Tamar.
Nia hagadili o King Solomon
10 Deenei di hagatau o nia hagadili o King Solomon mai tamana gaa dau gi tama daane: Solomon, Rehoboam, Abijah, Asa, Jehoshaphat, 11 Jehoram, Ahaziah, Joash, 12 Amaziah, Uzziah, Jotham, 13 Ahaz, Hezekiah, Manasseh, 14 Amon mo Josiah. 15 Josiah ana dama daane dogohaa go Johanan, Jehoiakim, Zedekiah, mo Joahaz. 16 Jehoiakim ana dama daane dogolua go Jehoiachin mo Zedekiah.
Nia hagadili o King Jehoiachin
17 Aanei nia hagadili o King Jehoiachin, dela ne lahi ga galabudi go digau o Babylon. Jehoiachin ne hai ana dama daane dogohidu go Shealtiel, 18 Malchiram, Pedaiah, Shenazzar, Jekamiah, Hoshama mo Nedabiah. 19 Pedaiah ne hai ana dama daane dogolua go Zerubbabel mo Shimei. Zerubbabel la go tamana o nia dama daane dogolua go Meshullam mo Hananiah, mo tama ahina e dahi go Shelomith. 20 Mee ana dama daane dogolima labelaa go Hashubah, Ohel, Berechiah, Hasadiah, mo Jushab-Hesed.
21 Hananiah guu hai ana dama daane dogolua go Pelatiah mo Jeshaiah. Jeshaiah la go tamana o Rephaiah, dela go tamana o Arnan, tamana o Obadiah, tamana o Shecaniah. 22 Shecaniah ne hai dana dama daane e dahi go Shemaiah ge dogolima dama daane mmaadua go Hattush, Igal, Bariah, Neariah mo Shaphat. 23 Neariah guu hai ana dama daane dogodolu go Elioenai, Hizkiah mo Azrikam. 24 Elioenai guu hai ana dama daane dogohidu go Hodaviah, Eliashib, Pelaiah, Akkub, Johanan, Delaiah mo Anani.