8
Nia hagadili o Benjamin
1 Benjamin guu hai ana dama daane dogolima: E hagatau ia i di mmaadua, go Bela, Ashbel, Aharah, 2 Nohah mo Rapha.
3 Nia hagadili o Bela la go Addar, Gera, Abihud, 4 Abishua, Naaman, Ahoah, 5 Gera, Shephuphan mo Huram.
6-7 Nia hagadili o Ehud go Naaman, Ahijah, mo Gera. Digaula nia dagi o nia madahaanau ala nogo noho i Geba, gei digaula ne hagabagi gi daha gaa hula gaa noho i Manahath. Gera, tamana o Uzza mo Ahihud, la go tangada dela ne lahi digaula i di hai deenei ne hai.
8-9 Shaharaim ne kili gi daha ono lodo dogolua go Hushim mo Baara. Nomuli gei mee gaa noho i lodo tenua o Moab, gaa lodo gi Hodesh, gaa hai nau dama daane dogohidu go Jobab, Zibia, Mesha, Malcam, 10 Jeuz, Sachia mo Mirmah. Nia dama daane a maa huogodoo guu hai nia dagi madahaanau.
11 Mee guu hai labelaa ana dama daane dogolua gi Hushim, go Abitub mo Elpaal.
12 Elpaal guu hai ana dama daane dogodolu go Eber, Misham mo Shemed. Ma go Shemed dela ne hau nia waahale o Ono mo Lod mo nia dama guongo ala e haganiga mai i daha.
Digau a Benjamin i lodo Gath mo Aijalon
13 Beriah mo Sema la nia dagi o nia madahaanau ala e noho i lodo di waahale o Aijalon, ga hagabagi gi daha nia daangada ala e noho i lodo di waahale o Gath. 14 Nia hagadili o Beriah go Ahio, Shashak, Jeremoth, 15 Zebadiah, Arad, Eder, 16 Michael, Ishpah, mo Joha.
Digau a Benjamin i lodo Jerusalem
17 Nia hagadili o Elpaal, go Zebadiah, Meshullam, Hizki, Heber, 18 Ishmerai, Izliah, mo Jobab.
19 Nia hagadili o Shimei, go Jakim, Zichri, Zabdi. 20 Elienai, Zillethai, Eliel, 21 Adaiah, Beraiah mo Shimrath.
22 Nia hagadili o Shashak, go Ishpan, Eber, Eliel, 23 Abdon, Zichri, Hanan, 24 Hananiah, Elam, Anthothijah, 25 Iphdeiah mo Penuel.
26 Nia hagadili o Jeroham, go Shamsherai, Shehariah, Athaliah, 27 Jaareshiah, Elijah mo Zichri.
28 Aanei nia dagi namua o nia madahaanau mo nadau hagadili hagalabagau ala nogo noho i lodo Jerusalem.
Digau Benjamin i lodo Gibeon mo Jerusalem
29 Jeiel ne daamada ne hau di waahale go Gibeon gaa noho i golo. Di lodo o maa go Maacah. 30 Tama daane madua a maa go Abdon, nia dama daane a maa ala i golo, go Zur, Kish, Baal, Ner, Nadab, 31 Gedor, Ahio, Zecher, 32 mo Mikloth, tamana o Shimeah. Nia hagadili o digaula nogo noho i lodo Jerusalem e hoohoo gi nia hoo madahaanau o di nadau madahaanau damana.
Di madahaanau o King Saul
33 Ner go tamana o Kish, Kish go tamana o King Saul. Saul guu hai ana dama daane dogohaa go Jonathan, Malchishua, Abinadab mo Eshbaal*Eshbaal: E haga ingoo labelaa go Ishbosheth i di beebaa 2-Samuel 2.8 mo nia gowaa ala i golo i 2-Samuel. 34 Jonathan go tamana o Meribbaal†Meribbaal: E haga ingoo labelaa go Mephibosheth i di beebaa 2-Samuel 4.4 mo nia gowaa ala i golo i 2-Samuel, dela go tamana o Micah.
35 Micah guu hai ana dama daane dogohaa go Pithon, Melech, Tarea mo Ahaz. 36 Ahaz go tamana o Jehoaddah, dela go tamana o nia dama daane dogodolu go Alemeth, Azmaveth mo Zimri. Zimri la go tamana o Moza. 37 Moza tamana o Binea, Binea go tamana o Raphah. Raphah go tamana o Eleasah, gei Eleasah go tamana o Azel.
38 Azel guu hai ana dama daane dogoono go Azrikam, Bocheru, Ishmael, Sheariah, Obadiah mo Hanan. 39 Tuaahina daane o Azel go Eshek guu hai ana dama daane dogodolu go Ulam, Jeush, mo Eliphelet.
40 Nia dama daane a Ulam la digau dauwa e dau mo e dau labelaa e modogologolo di puupuu i di maalei. Digaula guu hai nadau dama daane mo nia dama daane o nadau dama daane e lau mada lima (150) huogodoo. Digau huogodoo ala nadau ingoo i nua la digau ni di madawaawa Benjamin.