123
Talodalo e madau tumaalia* Taahili dela e daahili go digau ala e hula gi Jerusalem belee daumaha i golo
Meenei Dimaadua, au e daumada aga Goe gi di langi i do gowaa dela e dagi.
E hai gadoo be tangada hai hegau daane be ahina dela e gana gi dono dagi,
deelaa gadoo di madau hai e gana adu gi di Goe, meenei Dimaadua,
gaa dae loo gi do dumaalia mai gi gimaadou.
 
Meenei Dimaadua, Goe dumaalia mai, dumaalia mai gi gimaadou.
Gimaadou guu hai haga huaidu huoloo.
Gimaadou gu waalooloo huoloo di madau haganneennee go digau maluagina,
mo di haga balumee go digau e hagaamu ginaadou ala e hai haga huaidu gimaadou.

*^ Taahili dela e daahili go digau ala e hula gi Jerusalem belee daumaha i golo