128
Di hui tangada hagalongo gi Dimaadua* Taahili dela e daahili go digau ala e hula gi Jerusalem belee daumaha i golo
E maluagina go digau ala e hagalongo gi Dimaadua, ge e daudali ana haganoho.
 
Goe gaa kae o hagahumalia mai i au hegau ala ne hai.
Goe ga tenetene ga humalia adu gi di goe.
Doo lodo gaa hai gadoo be di laagau ‘grape’ dela e huwa daulogo i lodo doo hale,
gei au dama daane gaa hai gadoo be nia dama laagau olib ala e haganiga dau deebele.
Taane dela e hagalongo gi Dimaadua le e hai loo gi haga maluagina gadoo beenei.
 
Dimaadua gi haga maluagina ina goe mai i Zion!
Goe gii mee hualaa di mmada gi di gila humalia o Jerusalem
i di waalooloo o do mouli!
Goe gi mouli hualaa gii mee goe di mmada gi nia dama o au dama!
 
Di aumaalia gi noho hua beelaa i baahi Israel!

*^ Taahili dela e daahili go digau ala e hula gi Jerusalem belee daumaha i golo