Ataam keesokoo maamaa fo ti Nowe
Ⅰ Ehe heekiicee ha kiti Ataam niŋ keesokoo maamaa. Ta Pútuun pa mpiliile ta pakan mpíhinii kápuful po. Ⅱ Mpiliilii áyiin niŋ aal mpisampanii mpuluwii caacaw ca “pakan” ti hinoom eeha mpiliilii ha.
Ⅲ Ataam ta naataake ta sitiil keme niŋ áwii niŋ ŋaasuwan (130), naapuk cikampaani céefuloo naalu co caacaw ca Set. Ⅳ Pamuusal hipukuyee ha hiti Set, Ataam nene aloŋ sitiil sikeme isak niŋ síhaaciil (800) naapuk pakakee epuuk pikampaani niŋ púmaacul. Ⅴ Ataam eloŋoo púlooŋ neeyeno sitiil sikeme isak niŋ sipaakiil niŋ áwii niŋ ŋaasuwan (930). Púful toko naaket.
Ⅵ Set ta naataake ta sitiil keme niŋ isak (105) naapuk cikampaani naalu co caacaw ca Enos. Ⅶ Pamuusal hipukuyee ha hiti Enos, Set nene aloŋ sitiil sikeme isak niŋ síhaaciil niŋ isak niŋ súsupak (807) naapuk pakakee epuuk pikampaani niŋ púmaacul. Ⅷ Set eloŋoo púlooŋ neeyeno sitiil sikeme isak niŋ sipaakiil niŋ ŋaasuwan niŋ súsupak (912). Púful toko naaket.
Ⅸ Enos ta naataake ta sitiil áwii epaakiil niŋ ŋaasuwan (90) naapuk cikampaani naalu co caacaw ca Kenan. Ⅹ Pamuusal hipukuyee ha hiti Kenan, Enos nene aloŋ sitiil sikeme isak niŋ síhaaciil niŋ kaat (815) naapuk pakakee epuuk pikampaani niŋ púmaacul. Ⅺ Enos eloŋoo púlooŋ neeyeno sitiil sikeme isak niŋ sipaakiil niŋ isak (905). Púful toko naaket.
Ⅻ Kenan ta naataake ta sitiil áwii éhaaciil niŋ ŋaasuwan (70) naapuk cikampaani naalu co caacaw ca Mahalaleel. ⅩⅢ Pamuusal hipukuyee ha hiti Mahalaleel, Kenan nene aloŋ sitiil sikeme isak niŋ síhaaciil niŋ áwii ésupak (840) naapuk pakakee epuuk pikampaani niŋ púmaacul. ⅩⅣ Kenan eloŋoo púlooŋ neeyeno sitiil sikeme isak niŋ sipaakiil niŋ ŋaasuwan (910). Púful toko naaket.
ⅩⅤ Mahalaleel ta naataake ta sitiil áwii éhaaciil niŋ isak (65) naapuk cikampaani naalu co caacaw ca Yelet. ⅩⅥ Pamuusal hipukuyee ha hiti Yelet, Mahalaleel nene aloŋ sitiil sikeme isak niŋ síhaaciil niŋ áwii niŋ ŋaasuwan (830) naapuk pakakee epuuk pikampaani niŋ púmaacul. ⅩⅦ Mahalaleel eloŋoo púlooŋ neeyeno sitiil sikeme isak niŋ síhaaciil niŋ áwii epaakiil niŋ kaat (895). Púful toko naaket.
ⅩⅧ Yelet ta naataake ta sitiil keme niŋ áwii éhaaciil niŋ súsupak (162) naapuk cikampaani naalu co caacaw ca Enok. ⅩⅨ Pamuusal hipukuyee ha hiti Enok, Yelet nene aloŋ sitiil sikeme isak niŋ síhaaciil (800), naapuk pakakee epuuk pikampaani niŋ púmaacul. ⅩⅩ Yelet eloŋoo púlooŋ neeyeno sitiil sikeme isak niŋ sipaakiil niŋ áwii éhaaciil niŋ súsupak (962). Púful toko naaket.
ⅩⅪ Ta Enok naataake ta sitiil áwii éhaaciil niŋ isak (65) naapuk cikampaani naalu co caacaw ca Metuselah. ⅩⅫ Pamuusal hipukuyee ha hiti Metuselah, Enok naacok pítin pa piti Pútuun pa fo sitiil sikeme síhaaciil (300) naataak pakakee epuuk pikampaani niŋ púmaacul. ⅩⅩⅢ Enok eloŋoo púlooŋ neeyeno sitiil sikeme síhaaciil niŋ áwii éhaaciil niŋ isak (365). ⅩⅩⅣ Enok naacok pítin pa piti Pútuun pa, hikee hinoom nene acukutee kaatuko Pútuun pa píseepinoo patiila.
ⅩⅩⅤ Metuselah ta naataake ta sitiil keme niŋ áwii epaakiil niŋ isak niŋ súsupak (187) naapuk cikampaani naalu co caacaw ca Lemek. ⅩⅩⅥ Pamuusal hipukuyee ha hiti Lemek, Metuselah nene aloŋ sitiil sikeme isak niŋ súsupak niŋ áwii epaakiil niŋ súsupak (782), naataak pakakee epuuk pikampaani niŋ púmaacul. ⅩⅩⅦ Metuselah eloŋoo púlooŋ neeyeno sitiil sikeme isak niŋ sipaakiil niŋ áwii éhaaciil niŋ isak niŋ sipaakiil (969). Púful toko naaket.
ⅩⅩⅧ Ta Lemek naataake ta sitiil keme niŋ áwii epaakiil niŋ súsupak (182) naapuk cikampaani. ⅩⅩⅨ Naalu co caacaw ca Nowe (ekina eyem “kayihan”), naasok: “Ateeteyo añanaañan etaam ya, pale cikampaani ence eficiyihan unaa ti ñáhin unaa niŋ ti ñíyoka eñña nuuñaŋaa ña hicuku.” ⅩⅩⅩ Pamuusal hipukuyee ha hiti Nowe, Lemek nene aloŋ sitiil sikeme isak niŋ áwii epaakiil niŋ kaat (595), naapuk pakakee epuuk pikampaani niŋ púmaacul. ⅩⅩⅪ Lemek eloŋoo púlooŋ neeyeno sitiil sikeme isak niŋ súsupak niŋ áwii éhaaciil niŋ kaat niŋ súsupak (777). Púful toko naaket.
ⅩⅩⅫ Ta Nowe naataake ta sitiil sikeme isak (500), naapuk epuuk pákayiin pákahaaciil poko kayem: Sem, Ham niŋ Yafet.