Ⅰ Ehe kiti Nowe epuukoo, Sem, Ham niŋ Yafet, niŋ miin ma miteyii. Pamuusal kaahootan ka, nkataakal lompo epuuk.

Ⅱ Ehe Yafet epuukoo pákayiin: Komel, Makok, Matay, Yawan, Tupal, Mesek niŋ Tilas.

Ⅲ Ehe Komel epuukoo pákayiin: Askenas, Lifat niŋ Tokaama.

Ⅳ Ehe Yawan epuukoo pákayiin: Elisa niŋ Taasis, pakati Kit niŋ pakati Totan. Ⅴ Yawan keesokoo maamaa nkahancoolo nkáyenoonii písii pa piti pucon pa niŋ piti kaatii ka, síi óo síi neetaak mah eteyyo niŋ kaŋ eteyyo niŋ miin eteyyo.

Ⅵ Ehe Ham epuukoo pákayiin: Kus, Esipt, Put niŋ Kanaan.

Ⅶ Ehe Kus epuukoo pákayiin: Sepa, Hawila, Saputa, Laama niŋ Saputeka. Epuuk Laama: Sapa niŋ Tetan.

Ⅷ Kus lompo apuke Nimulot eeyeniye ya akama ya enfakat a áyaañ a ti etaam ya. Ⅸ Naayeno aleemaya enfakat ti ñíkin Ateeteyo. Ekina ewune nkasok tan óo tan: “Alímaati Ateeteyo áhini aleemaya enfakat samat nii Nimulot.” Ⅹ Pisaatee pa píyaañ pa piti cáwii ca citeyoo piyeniye: Babel, Elek, Akat niŋ Kalune ti mah ma miti Sinaal. Ⅺ Nimulot náaful ti mah emmuu naakaay ti mah ma miti Asili naalut pisaatee pa piti Ninew, Lehopot, Kalah, Ⅻ niŋ Lesen eeyem ya ti pututa Ninew niŋ Kalah, saatee ya eehaŋe ya pafom.

ⅩⅢ Esipt ayem maamaa ati Lut, Anem, Lehap, Nafutuh, ⅩⅣ Patulus, Kasuluh niŋ Kafutol. Kasuluh ayem maamaa ati pakati Filistin.

ⅩⅤ Kanaan añiinoo áyaañ ayem Siton, Het ayem Siton atuwoo. ⅩⅥ Kanaan ayem lompo maamaa ati pakati Yepus, Amol niŋ Kilukas, ⅩⅦ pakati Hiw, Alak, Sin, ⅩⅧ Alawat, Semal niŋ Hamat. Po hátikin pakan paka pakati Kanaan nkahancoolo. ⅩⅨ Mah ma miti Kanaan ímmiyaañii Siton mupuwant Kelal fo Gasa. Fiye, ummuwant Sotom, Komola, Atuma niŋ Sepoyim immikaay fo Lesa.

ⅩⅩ Payenkuu kayem miin ma miti Ham pákayiin paka. Nkáyenoonii písii; síi óo síi neetaak miin eteyyo niŋ kaŋ eteyyo niŋ mah eteyyo.

ⅩⅪ Sem eeyem ya Yafet púnuwoo naataak lompo epuuk. Naayeno maamaa ati Epel niŋ keesokoo púlooŋ maamaa.

ⅩⅫ Ehe Sem epuukoo pákayiin: Elam, Asul, Aapakusat, Lut niŋ Alam.

ⅩⅩⅢ Ehe Alam epuukoo pákayiin: Us, Hul, Ketel niŋ Mas.

ⅩⅩⅣ Aapakusat naapuk Selah, Selah naapuk Epel.

ⅩⅩⅤ Epel naataak pikampaani pákasupak: áyaañ a caacawoo Pelek (ekina eyem “pípaacinool”), kaatuko ti caanak ca citeyoo pakan paka ti etaam ya kápaacinoolaa-páacinoolo. Atuwoo caacawoo Yokotan.

ⅩⅩⅥ Ehe Yokotan epuukoo pákayiin: Alumotat, Selef, Hasaamawet, Yelah, ⅩⅩⅦ Hatolam, Usal, Tikala, ⅩⅩⅧ Opal, Apimayel, Sapa, ⅩⅩⅨ Ofil, Hawila niŋ Yopap. Payenkuu púlooŋ, miin ma miti Yokotan pákayiin paka. ⅩⅩⅩ Nkakin ti saatee ya eti Mesa fo Sefal, saatee ya eti pítintiŋ pa, pa caanak ca íncifulii pa.

ⅩⅩⅪ Payenkuu kayem miin ma miti Sem pákayiin paka. Nkáyenoonii písii; síi óo síi neetaak miin eteyyo niŋ kaŋ eteyyo niŋ mah eteyyo.

ⅩⅩⅫ Payenkuu púlooŋ kayem miin ma miti keesoke ka Nowe maamaa, an óo an niŋ síi ya eteyoo niŋ miin ma miteyoo. Teyii písii pa púlooŋ mpúfulii mpihancaloolo ti etaam ya púlooŋ pamuusal kaahootan ka.