Ⅰ Eehuu hipimuus, incuk simaleekoo sipaakiil insisiiŋiye ti sitonkoŋ sa sipaakiil sa siti etaam ya. Insicok eyam ya éefulii ya ti tonkoŋ óo tonkoŋ✡7:1 Jeremiya 49:36; Dañel 7:2; Sakaliya 6:5 sipikit eyam óo eyam ésapii ti etaam ya niŋ ti kaatii ka niŋ ti enuun óo enuun. Ⅱ Insiwufanee sempe siti hípucu etaam ya niŋ kaatii ka. Fiye, incuk ekee maleekoo ti éfulii pa caanak ca íncifulii pa, neeyekan éhinuma lánkamaasi ya eti Pútuun pa peeyem pa kaloŋa. Néeyonkalii simaleekoo sa sipaakiil sa niŋ hilim heeceeke, Ⅲ neesok: “Timpi nípuc fala etaam ya niŋ kaatii ka niŋ punuun pa taamanta uwasut lánkamaasi ti píyit pimiikan pa pakati Pútuun pa putuunaa.”✡7:3 Esekiyel 9:4-6 Ⅳ Fiye ínsi nii pakan kayema síwuli keme niŋ áwii ésupak niŋ pakapaakiil (144,000) káhinee lánkamaasi ti písii pa púlooŋ piti Israyel.

Ⅴ Ti síi ya eti Juda, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Ruben, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Gad, pakan síwuli ŋaasuwan niŋ pákasupak (12,000) káhinee lánkamaasi;

Ⅵ ti síi ya eti Asel, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Nafatali, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Manase, pakan síwuli ŋaasuwan niŋ pákasupak (12,000) káhinee lánkamaasi;

Ⅶ ti síi ya eti Simeyon, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Lewi, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Isakaal, pakan síwuli ŋaasuwan niŋ pákasupak (12,000) káhinee lánkamaasi;

Ⅷ ti síi ya eti Sepulun, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Josef, pakan síwuli ŋaasuwan niŋ pákasupak (12,000) káhinee lánkamaasi;

ti síi ya eti Benjamin, pakan síwuli ŋaasuwan niŋ pákasupak (12,000) káhinee lánkamaasi.

Ⅸ Eehuu hipimuus, incuk hátikinam kayoŋ kenfakat enka an naayinaat kafinu, kéefulii ti mah óo mah, ti síi óo síi, ti pakan óo pakan, niŋ ti híleeluuf óo híleeluuf, nkasiiŋiye hátikin elemeyu ya niŋ Císaacii ca. Nkawaso kúsool kenfakat keehiina, nkayekanal ti sipeesii ékunt. Ⅹ Nkáceekii meemak, kapusok:

Ⅺ Pumaleekoo pa púlooŋ mpisiiŋo pípikiipool elemeyu ya, mpíkiipool lompo ñíhampaatiin ña niŋ waah wa upaakiil wa weeyem wa kaloŋa. Nkákilipo ñuhooŋuyii t’etaam hátikin elemeyu ya, nkámul Pútuun pa. Ⅻ Nkasok:

ⅩⅢ Fiye akee ti ñíhampaatiin ña naacakanam: “Kéesooliye ka wañ wa weehiina wa kayem pakayme? Peyme nkáfulii?” ⅩⅣ Iññahanoo: “Ahámpaatiin, awe meya.” Naasokam: “Payenke kayem kéefulii ka ti kaakallanee ka kenfakat ka.✡7:14 Dañel 12:1 Kañowaañow wañ wa uteyii ti hísim ha hiti Císaacii ca núuhiiniyanee. ⅩⅤ Ekina ewune,