1 Go diat a umana tutana nina dia ga varagur ma David uro Siklag, ba Saul natu i Kis i ga tur bat ra lavur vinavana kai David; dia ga ki varurung ma ra umana lebe nina dia ga maravut David ta ra vinarubu. 2 Dia ga varubu ma ra panak, ma dia ga. vavaian ma dia ga papanak ma ra ura lima i diat tikatikai; ma diat ma Saul kai ra vuna tarai Beniamin.

3 A luaina ta diat Akieser, ma namur Ioas natu i Sema maro Gibea, Iesiel ma Pelet ra ura natu i Asmavet, Beraka, Ieu ra te Anatot; 4 Ismaia ra te Gibeon, a rangrang na tutana, i ga tur varurung ma ra utul a vinun, ma i ga kure diat; Ieremia, Iakasiel, Iokanan, Iosabad ra te Gederat, 5 Elusai. Ierimot, Bealia, Semaria, Sepatia ra te Karup; 6 Elkana, Isia, Asarel, Ioeser, ma Iasobeam, ra umana tutana ta ra apik na tarai Kora; 7 Ioela ma Sebadia, ra ura natu i Ierokam maro Gedor.

8 Ma ta umana tutana Gad, a umana melemuna nina dia ga vartovo ta ra vinarubu, dia ga tadav David ta ra babang aro ta ra bil; dia ga kap ra ramravit ma ra rumu, ma ra mata i diat i ga karangap da ra mata i ra kon. ma dia ga vutvut da ra umana kuabar na me ta ra lualuana: 9 Eser a luaina, Obadia a vauruana, Eliab a vautuluna, 10 Mismana a vaivatina, Ieremia a vailimana, 11 Atai a valaptikaina, Eliel a valavuruana, 12 Iokanan a valavutuluna, Elsabad a valavuvatina, 13 Ieremia a vavinununa, Makbanai a vavinununa ma tikai. 14 Go diat kai ra tarai Gad dia ga kure ra umana loko na tarai na vinarubu, ma nina i ga bilua ta diat par i ga topa tika na mar na tutana, ma nina i ongor ta diat par i ga topa tika na arip na marmar na tutana. 15 Go diat dia ga bolo ra Iordan ta ra luaina gai, ba ra tava alir i ga lubu lake ra paparaina, ma dia ga korot vue ra tarai ta ra umana male ta ra papar a taur ma ra papar a taoai tana.

16 Ma ta umana bula ta ra ura vuna tarai Beniamin ma Iuda dia ga vana tar ta ra babang kai David. 17 Ma David i ga vana pi na barat diat, ma i ga biti ta diat: Gala ava pot piragu ma ra malmal upi avat a maravut iau, a balagu na ki petep ta vavat; ba gala ava pot upi avat a vagu pa iau pire kaugu umana ebar, boina ba ra God kai ra umana tama i dat na nuk pa ia, ma na kure, tago pa iau ga pait ta nirara. 18 Ma ra tulungen i ga irop taun Amasai ra lualua ta diat ra utul a vinun, ma i ga biti:

19 Ma ta umana ta ra vuna tarai Manase dia ga lop pire David ba David i ga varagur ma ra tarai Pilistia ba dia ga tut ure Saul, ta ra bung ba David pa i ga maravut diat tago ra umana luluai Pilistia, ba dia ga tar tata papa ure, dia ga tulue tago dia ga nuk ia. ba na maravut Saul, ma diat a virua tana. 20 Ma ba David i ga vanavana uro Siklag ta umana luluai kai ra tarai Manase dia ga lop pirana: Adna, Iosabad, Iediael, Mikael, Iosabad, Eliku, ma Siletai. 21 Ma dia ga maravut David ba i ga varubu ma diat dia ga tut upi ra ra varpa, tago a umana lebe diat; ma diat a umana lualua ta ra loko na tarai na vinarubu.

22 A loko na tarai na vinarubu i ga ngala vanavana, tago ra tarai dia ga tadav vanavana David ta ra bungbung, tuk tar ia ra ngala na kor, da ra kor kai God.

23 Ma go a niluluk na tarai na vinarubu ta kadia vunavuna tarai tikatikai nina dia ga barat David.aro Kebron pi diat a tul tar ra varkurai kai Saul pirana, da ra Luluai i ga tatike. 24 Ta ra vuna tarai Iuda, nina dia kap ra ramravit ma ra rumu, laptikai na arip ma lavutul na mar; 25 ta ra vuna tarai Simeon, lavurua na arip ma tika na mar na lebe; 26 ta ra vuna tarai Levi, a ivat na arip ma laptikai na mar; 27 ta ra apik na tarai kai Aron, a utul a arip ma lavurua na mar, ma Ieoiada i ga lualua ta diat; 28 ma Sadok, a barmana ka ma a lebe, varurung ma a ura vinun ma a ura luluai ta ra apik na tarai kai tamana; 29 ta ra vuna tarai Beniamin, ra vuna tarai kai Saul, a utul a arip na marmar ika, tago a peal ta diat dia ga ki petep boko ta ra apik na tarai kai Saul; 30 ta ra vuna tarai Epraim, a ura vinun na arip ma lavutul na mar diat, a umana rangrang na tutana ta kadia umana apik na tarai; 31 ta ra ngungu vuna tarai Manase, a vinun ma lavutul na arip na marmar, nina ba di ga vatang tikatikai ma ra iangina, ma dia ga pot upi diat a vaki David pi na king; 32 ta ra vuna tarai Isakar, a ura mar na luluai nina dia ga kapa ure nam ra e ma ure bula ra magit ba na boina ba Israel na pait ia; kadia tarai par dia ga varagur ma diat; 33 ta ra vuna tarai Sebulun, a ilima na vinun na arip na marmar nina dia ga tale ra vinarubu ma dia ga vanavana ta ra vinarubu ma ra lavur magit na vinarubu, a ngala na kor diat ma i kopono ko ra nuknuk i diat; 34 ta ra vuna tarai Naptali, tika na arip na marmar na luluai, ma dia ga lue rap ra utul a vinun ma lavurua na arip na marmar nina dia kap ra ramravit ma ra rumu; 35 ta ra vuna tarai Dan, a ura vinun ma lavutul na arip ma laptikai na mar nina dia ga tale ra vinarubu; 36 ta ra vuna tarai Aser, a ivat na vinun na arip na marmar nina dia ga tale ra vinarubu; 37 ma kan ra papar a Iordan maro, ta ra vuna tarai Ruben ma ra vuna tarai Gad ma ra ngungu vuna tarai Manase, tika na mar ma a ura vinun na arip na marmar nina dia kap ra lavur magit na vinarubu.

38 Go parika ra tarai na vinarubu nina dia ga mong ure ra vinarubu dia ga vana uro Kebron ma ra kopono mamainga ta ra nuknuk i diat, upi diat a vaki David pi na king ure Israel par; ma ra tarai Israel par bula i ga kopono ra nuknuk i diat ba da vaki David upi na king. 39 Ma dia ga ki varurung ma David abara a utul a bung, ma dia ga iaian ma dia ga momamomo, tago ra umana tura i diat dia ga vaninara ure diat.

40 Ma ra umana talai diat maro iat Isakar ma Sebulun ma Naptali, dia ga kap ra nian ta ra umana as ma ra umana kamel ma ra umana miul*A miul, ia ra natu i ra os dir ma ra as. ma ra umana bulumakau, a gem tuna, ma ra gem di pait ia ma ra vuai na lovo, ma ra umana kura vuai na vain nina di ga vuare, ma ra polo na vuai na vain, ma ra dangi, ma ra umana bulumakau, ma ra umana sip nina ba pa dia ga luk valar pa diat, tago a gugu i ga ki ta ra gunan Israel.