Anka — Taragl yumbun dongwa sip atnekra kanekogl mundi nigl atne endigo ana sip akegi dungo nigle bolamugl pangwa.

Aposel — Yesus kongun dendungo ere endeingwa yomba.

Baklain — Kan kande bai akingwa towiye moglkwa.

Baptais — Yesus wedi pirngi dindre ana bitno nigl biglkwa mo nigl paingwa.

Basket — Dengigl gagl.

Bis — Taragl memgo kembra kembra wigl ende nunguno mina tengingwa.

Biukul — Bu bendingwa taragl.

Blesing — Yomba nomano ya nangino pre God taragl wakai kane kane ere akepledi tongwa.

Boma nuglo — Endi nuglo kama sidangingwa.

Bot — Arnga kande nigle bolamugl wu ikine ikine engwa.

Buk — Muno beglkwa yaundo merkinde pangwa.

Bugla-kamel — Bugla-kau mereyegl moko mina sunguno begine orkwa.

Diglimbi — Pepa yaundo olto ake perikwa.

Disaipel — Yesus aglendi yungwa ya mokomugl eingwa yomba.

Fis — Buglo bagle.

Gavana — Provins mina yagl kande mogl ende okuna ongwa.

God, god kimbi — Neno Kande God pre ka gumamugl “G” kande pangwa. Ana god kimbi pre “g” kembra pangwa.

God kingdomo — Heven suna taragl prapra meglkwa ya yomba prapra God mina atnekra mounga.

Gon — Di kumba prak nekrumara.

Heven — Kamun mitna i yene God dumomo.

Hibru — Juda yomba kangino ta ya te ye kanno.

Holi — Yomba du-yene ya aglau ta paikrukwa. Ana taragl ta mundu moglkwa mo yongwa God ongumuglo mina deglimbi yeikrukwa.

Holi Spirit — God Murumbuglomo, Murumbuglo Wakai, Mundu Murumbuglo.

Kamda — Yungu wakai kengwa yagle.

Kantri — Kamun kande Austrelia mereyegl.

Kaunsol — Juda yomba kande kamambuno ende okna pindre ka digi dingwa yomba.

Kingdom — King kamunmo mina taragl kanekane meglkwa ya yomba prapra ye mina atnekra meglkwa.

Kot — Aglau erikwa ka tange akedu endingwa.

Kristen — Yesus wedi pirngidi baptais erikwa yomba.

Kum endungwa — Okuna no yegl ere-ere onga, nombo gogl ya kama nuglono usuwara embrika, ake kum endungo i kokun gagl mina engrikwa. Pisin ka mina kum endungwa i kangiye “purpel” wendumga.

Lo — Binga ka ya te ka kindine.

Lotu — Kristen wagle makaisi God dembiye karaugl ereteingwa.

Mastet mongo — Kiglawa mongo kembra mo endi poglko mongo kembra mereyegl.

Ofa — God Wam yomba pre tongo ana yomba taragl kanekane God pre teingwa.

Okupo — Kombuglo kembra kinde merkinde. Pisin ka mina nono waisan wedumga.

Pasova — God kuko yei Israel yomba akepledi ere yongwa, ipre ye gunyei kaiya mokna ere neingwa.

Pentikos — Holi Spirit ende atne ungwa engemo.

Pepa — Muno beglkwa yaundo suwara, te muno beglkwa yaundo merkinde pangwa.

Pretorim — Gavman yunguno kande mina kula ta katange tange di pra di-di erimara.

Pris — Kamambuno kongun orkwa yagle, Juda yomba ofano kombuglange gagl God te-te orkwa yagle.

Propet — God ka ditongo pirtre ana ye di yomba teingwa mongomo pai yungwa.

Provins — Dumo kande ta Rom makanmo ikine sugl moglkwa.

Rabai — Hibru kanno mina ka beke tongwa yagle.

Sabat — Moglpirkwa enge i ande enge 6 kongun ertre ana ande enge 7 mina moglpirkwa. Juda yomba ye God lomo ditomere ere ana Sarere wakan mogl God dembiye sitengwa.

Sanda — Kungo demine orkwa.

Sawol — Ikan.

Silva — Ain kaneta pesungwa moni mongo bekingwa.

Sios — Yesus wedi pirngi dingwa yomba yungu ombuno.

Siti — Dumo kande yungu togl yei winambo dungwa.

Spirit — Murumbuglo yomba mina moglkwa.

Spirit kinde — Murumbuglo kinde, gigl kinde, gigl kumo kangiye.

Takis — Yomba monino gavman teingwa.

Tisa — Ka beke tongwa yagle.

Wit — Kugl ta pango mongo dikir mereyegl. Ye si dendi wagle ere plawa bekingwa.

Yaglkande, yagl kande — God ya Yesus pre ka gumamugl “Y” kande pangwa. Ana yomba kande pre “y” kembra pangwa.