1 Kpelim noŋi taaba wenne baꞌabiis ne. 2 Da bas saam diꞌesugo, ka ala ka sieba maal maleknam sauŋ ka pu baŋ ye ba ane maleknama. 3 Tenri bane be sarega ni la yela, wenne wuu fu laꞌam be ne ba ne, ne bane ka ba namisidi ba, wenne fu laꞌam namisid ne ba ne.

4 Tenꞌesimi ka poꞌadiir dolisi li suer suꞌuŋa, ka da ke ka dianꞌad tuuma bee; ka Winaꞌam na kad poꞌasaꞌuŋ dim ne niŋgoonda la saria. 5 Ka da ke ka ligidi noŋir kpenꞌe yaa. Ke ka ya sunya malis ne yaname more siꞌel la; ka Winaꞌam yel ye,

7 Tenri ya tuongatib bane pianꞌade Winaꞌam pianꞌad tisidi ya la. Ya nye ba nyovur beilim n daa a siꞌem, ka me tuꞌasi ne ba yadda niŋir la. 8 Yesu Kiristo pu tiakeda. On sa a siꞌem suꞌos la, o ane ala zina, ka na kpelim aa ala saŋa mekama.

9 Da dol ziri paꞌala line a konꞌob konꞌoba; ka li a suꞌum ka ya sunya kpeꞌeŋ ne Winaꞌam popielim piini ka kaꞌane diib wada line pu tisid bane dit la nyoode. 10 Yesu nok o meŋ maal maani tisi ti ka bane tum Jew dim maan zinꞌigin la pu mor suere n na diꞌe.

11 Ka bunkonbid niŋgbina bane ziim ka maalmaan kpeenm more kpenꞌed Winaꞌam maan zinꞌisuŋin tuumbeꞌed yela la, ka ba nyuꞌe li teŋ la kpeŋ. 12 Ala men ka Yesu namis teŋ la kpeŋ ye o meŋ ziim la ke ka nidib lieb Winaꞌam nidib bane a nyain. 13 Dinzugo keli ka ti yii paae teŋ kpeŋ la n laꞌam namis ne o tuꞌud la; 14 ka dunia nwa ni ti pu mor teŋ kane na yuuge ka boodne teŋ kane na kena la.

15 Ne Yesu suŋire keli ka ti maal maan n tis Winaꞌam. Ka li a ti zunꞌor n tis o, ka yi tinam bane siak ye Winaꞌam aa ti Zugsob la. 16 Da bas tuumsuma niŋire, ka da tam taaba yelaa, ka tuum bamanami maꞌed Winaꞌam suunr.

17 Siakimi ya tuongatib noya ka tum ban yeli ya siꞌel; ka dap bama guri ya ka a bane na yel Zugsobi ba tuuma a siꞌem la. Siakimini ba, ka ba na tumi ne sumalisim ka da nyonaa. Ka ba yaꞌa nyonin, lin ku moren nyood tisi yaa.

18 Puꞌusum Winaꞌam tisi ti; ka ti miꞌ ye ti mor popielim yaꞌam, ka bood ye ti tum siꞌel wusa suꞌuŋa. 19 M kpeꞌeŋidi ya bedego sa ye ya puꞌusum, ka m na nyaŋe lebi ya saꞌan na toꞌoto.

20 Winaꞌam one soꞌe sumalisim ka vuꞌugi ti Zugsob Yesu kumin la, one aa ti peꞌegur kpeenm la, one ziim ke ka ti mor nonaar ne Winaꞌam, saŋa kane kaꞌ ben la. 21 Winaꞌam na maali ya suꞌuŋa ne siꞌel mekama ni ye ya tumi o boodim, ka tumi ya poogin line maꞌedi o sunf ka yi Yesu Kiristo one na diꞌe naꞌasi saŋkane kaꞌ ben la. Ami.

22 M baꞌabiise, saꞌalkan ka m sob la, m bood ye ya noki li; ka m sobi line giŋa.

23 Baŋimi ye ba yiisi ti baꞌabiig Timoti sarega ni bas, ka o yaꞌa leb toꞌoto na, on ne mam na laꞌam kena kaae ya.

24 Puꞌusimi ya tuongatib la wusa ne Winaꞌam nidib la men wusa. Bane yi Itali teŋin la puꞌusidi ya.

25 Winaꞌam yelsum na be ne ya wusa. Ami.