Manqat Mbomambaqape
Metiu
gepeawam
Megeat Manqat-qase
Nqanek emanqat Yesu-qa yaq-te, ndego Mbumbukiam-ge Yo, Metiu ndøpeawám. Yesu-gi paev ezoqam tuelv, nøme ndégo tegoám. Iz nøme qambogoam, Livaí. Yesu gembo-akha, tembopavat, ndego teks moni upøgim ezoqam ndøgoám. Lom gaman mbosasaetám.
Nakhoa mbaín, uni tizi꞉nøten, Metiu nqanek manqat gekha manqei-tē gēpeawam. Éisa, ndego Izlael manqei-tē o Antiok taon-tē, Silia manqei-te ndøgo, gepøtē-peawam-a?
Metiu nqanek manqat, Yesu-qa yaq-te, Zu ezoqam nonqo ndøpeawám. Ndigu bètezøtéz neka bè-unimanqatiním, av nqægo, Yesu ndégo, Mbumbukiam nupøkhan mba geveatav. Ndego Mesayá. Ndégo, Zu ezoqam oskia gimbøe-kewagam. Yaq nakémbá, Metiu manqat andé kandambá, taqa yaq-te nqánek gene-peawám, Mbumbukiam-gi manqa vevezam ezoqam ibugukhokhof Mesaya-qa yaq-te gipeaumam, yaq ndakin Yesu mokho-te vø̄-unimanqatin.
Yesu Mbumbukiam-qa Megeat Matev neka matev kandakanda nøme-qa yaq-te, manqat kopoáv gemanqatam. Yaq Metiu gèpeawám.
1
Yesu-gi atanakha-zapazapa-za
(Luk 3:23-38)
1:1 1 Chr 17:11; Gen 22:18Yesu Keliso-gi atanakha-zapazapa-za gindu-manazømem, tiqa iziz nqánek. Ngenek Yesu, Deivid-gé zeó neka Eibleem-gé zeó.
Eibleem gendomanaz, Aezek vø̄qan.
Aezek gendomanaz, Zekop vø̄qan.
Zekop gendomanaz, Zuda, tegi zaim neka emekheis namba, vø̄qaz.
1:3 Gen 38:27-30; Rut 4:18-22Zuda gendomanaz, Pelez neka Zela vø̄qaz. Tigu evo, Tamá.
Pelez gendomanaz, Ezlon vø̄qan.
Ezlon gendomanaz, Lam vø̄qan.
Lam gendomanaz, Aminadab vø̄qan.
Aminadab gendomanaz, Nason vø̄qan.
Nason gendomanaz, Salmon vø̄qan.
1:5 Rut 4:13-17Salmon gendomanaz, Boaz vø̄qan. Tegu evo, Leiáb.
Boaz gendomanaz, Obed vø̄qan. Tegu evo, Lút.
Obed gendomanaz, Zesi vø̄qan.
Zesi gendomanaz, Deivid vø̄qan. Ngenek Deivid, Izlael ezoqam kawa zøgoám.
 
1:6 2 Sam 12:24Deivid gendomanaz, Solomon vø̄qan. Tegu evo, ibugukhokhof Ulia-gú zas ndøgoám.
Solomon gendomanaz, Leoboam vø̄qan.
Leoboam gendomanaz, Abaeza vø̄qan.
Abaeza gendomanaz, Asa vø̄qan.
Asa gendomanaz, Zeosafat vø̄qan.
Zeosafat gendomanaz, Zeolam vø̄qan.
Zeolam gendomanaz, Uzia vø̄qan.
Uzia gendomanaz, Zotam vø̄qan.
Zotam gendomanaz, Eiaz vø̄qan.
Eiaz gendomanaz, Ezekaya vø̄qan.
10 Ezekaya gendomanaz, Manase vø̄qan.
Manase gendomanaz, Amon vø̄qan.
Amon gendomanaz, Zosaya vø̄qan.
11  1:11 2 King 22–24; 2 Chr 36:10; Jer 27:20Zosaya gendomanaz, Zeoyakin,* 1:11 Iz nøme qambogoam, Zekoniá emekheis namba, vø̄qaz.
Ta khøuwa-te ndøgo, Bebilon manqei-ak, Izlael ezoqam, Bebilon manqei-té ginø-upøzó. Pingim-ák.
 
12  1:12 Ezra 3:2Izlael ezoqam Bebilon manqei-te gi-upøzo, nakhag-te gizøgeagim, taqa zita-te, ezoqa nøme gifakhaz, ngínik:
Zeoyakin gendomanaz, Sealtiel vø̄qan.
Sealtiel gendomanaz, Zelubabel vø̄qan.
13 Zelubabel gendomanaz, Abiud vø̄qan.
Abiud gendomanaz, Eliakim vø̄qan.
Eliakim gendomanaz, Azo vø̄qan.
14 Azo gendomanaz, Zadok vø̄qan.
Zadok gendomanaz, Akim vø̄qan.
Akim gendomanaz, Eliud vø̄qan.
15 Eliud gendomanaz, Eleaza vø̄qan.
Eleaza gendomanaz, Matan vø̄qan.
Matan gendomanaz, Zekop vø̄qan.
16 Zekop gendomanaz, Zosef vø̄qan. Ngenek Zosef, Meli-gé zivís. Neka Meli ngunuk, Yesu-gú evó. Yesu, ngének, Keliso nqazimbo-akhayam.
17 Eibleem gendo-manazam, atema Deivid vømø̄fakhan, atanakha-zapazapa-za ate gi꞉goam 14́. Yaq Deivid gendo-manazam, atema Bebilon manqei-ak, Izlael ezoqam Bebilon manqei-te gi-upøzo, nakhag-te gizøgeagim, até ndøgó-a, atanakha-zapazapa-za ate gi꞉goam 14́. Neka ta khøuwa-te ndøgo, Izlael ezoqam Bebilon manqei-te gi-upøzo, nakhag-te gizøgeagim, atema Keliso vømø̄fakhan, até ndøgó-a, atanakha-zapazapa-za ate gi꞉goam 14́.
Yesu ge꞉qan, taqa emanqat
(Luk 2:1-7)
18  1:18 Luk 1:27, 35Yesu Keliso āv geneqán nqǽgo: Tegu evo, Meli, søvøta mba mbogoám, Zosef-te. Geté ndigu uni nøkepøteáv neka venanqei nonqo tøkuateáv. Geté Meli emu é-møndæ-itán. Nqanek matev qambo-fakhan, Nqova Mbomambaqape mbøisasáe. 19 Meli-ge zivis, Zosef, teqa matev mbomambaqapé, yaq ndego poeveáv, ndugu ezoqam-qa bøi-te to꞉-ivav, mivi vømbó-etoām. Yaq ndego khonoam-te ivøve-qa ndøgoám. 20 Zosef ate av-té gembøe-matavupat, yaq Evezøza-gé enzol ezoqam mbofakhán. Venanqei-tam-té genømbo-fakhán, gembo-ein, “Zósef, Deivid-ge zeo, qo ndøfofògea᷄p, Meli toqo-okɨ, qogu sævam tugoat. Zapa ndǿgo, ndugu emu nduiyæt, ndøgo Nqova Mbomambaqape ndømatanám. 21  1:21 Luk 1:31; 2:21Nanduv tui-ova, nakhasam anganeam mbóqán. Yaq iz Yesu 1:21 Yesu, taqa manqa mokho nqánek: Evezøza ezoqa ndø̀khandí꞉z. qombó-akhá. Zapa ndǿgo, ngenek ekeza ezoqam, gékhandí꞉z, ndigu manqa-zapazapa-us ndiyage.”
22 Nqanek matev ate nqægo, tøne-fakhanám ndǿgo: Manqat ndøgo, Mbumbukiam ekeza manqa vevezam ezoqam mokho-te ge-ein, ta manqat ndøgo, tàbete-unimanqatín, qa-ein av nqægo, 23  1:23 Isa 7:14“Mbasønakam zivis namba venanqei nonqo, naqanøká gétøkuanemák. Geté ndugu emu é-ndæ-itán. Yaq ndugu nakhasam anganeam mbóqán. Neka teqa iz ‘Emanuel’ mbó-akhá.” Emanuel, taqa manqa mokho nqánek, “Mbumbukiam ngêgó, ni namba.”
24 Zosef gendosuzam, yaq ndego matev āv tenegó, av enzol ezoqam gembøe-ein, neka Meli vø̄-okɨ. 25  1:25 Luk 2:21Geté ndigu venanqei nonqo tøkuateáv, atema Meli vø̄e-ova, nakhasam anganeam vø̄ndaf. Yaq nakhasam geqan, Zosef, iz Yesu mbo-akhá.

1:1 1:1 1 Chr 17:11; Gen 22:18

1:3 1:3 Gen 38:27-30; Rut 4:18-22

1:5 1:5 Rut 4:13-17

1:6 1:6 2 Sam 12:24

1:11 1:11 2 King 22–24; 2 Chr 36:10; Jer 27:20

*1:11 1:11 Iz nøme qambogoam, Zekoniá

1:12 1:12 Ezra 3:2

1:18 1:18 Luk 1:27, 35

1:21 1:21 Luk 1:31; 2:21

1:21 1:21 Yesu, taqa manqa mokho nqánek: Evezøza ezoqa ndø̀khandí꞉z.

1:23 1:23 Isa 7:14

1:25 1:25 Luk 2:21