5
འུ༌སྐྱོང༌ དང༌ ཁྱོག༌ཏོང༌ གུན༌ལ༌ ལབ༌ཞ༌།
5:1 ནེ༌ 11
1 ངའང༌ མ༌ཤི༌ཀའེ༌ ཆོས༌ཚོགས༌སི༌ གོ༌ཁྲིད༌, ཁོང༌ངི༌ རྡུག༌ངལ༌ལི༌ སྤང༌པོ༌ ཡང༌ ཁོང༌ སྔོན༌ ཟ༌ནེ༌, ཁོང༌ངི༌ སྤལ༌ལི༌ ནང༌ང༌ དྲེས༌ཤེས༌ཅན༌ནི༌, ཁྱོ༌ཞའེ༌ ཕྲོའ༌ ཆོས༌ཚོགས༌སི༌ འུ༌སྐྱོང༌གུན༌ལ༌ ཞུ༌ཝ༌ རིག༌ ཡོད༌: 2 ལུག༌རྫི༌ ཙོགས༌ལ༌ ཁྱོ༌ཞའེ༌ ལག༌ག༌ དཀོན༌མཆོག༌གི༌ སྟད༌ད༌ ཛད༌ཁན༌ནི༌ ལུག༌གུན༌ལ༌, གྱལ༌ལ༌ ཅོས༌ཏེ༌ ལྟ༌སྟོག༌ ཅོ༌ཤིག༌། ཁྱོ༌ཞ༌གུན༌ནི༌ ཏེ༌བོ༌ ཝང༌ ཏངས༌ཏེ༌ ཅོ༌ཅུག༌ཁན༌ ཙོགས༌ལ༌ མ༌ཅོའ༌, འུ༌སྐྱོང༌ཞིག༌གི༌ ཚུལ༌ལ༌ རང༌ ཐད༌ཏེ༌ ཅོ༌ཤིག༌། འི༌ ལས༌གུན༌ ནོར༌ ཡ༌ པེ༌ནེའ༌ ལྟས༌ཏེ༌ མ༌ཅོ༌, ཨིན༌ནའང༌ དཀོན༌མཆོག༌ག༌ ཞབ༌སྟོག༌གི༌ ཆག༌ལས༌ ཨིན༌ སམ༌ཏེ༌ ཅོ༌ཤིག༌། 3 ཁྱོ༌ཞའེ༌ ལག༌ག༌ སྟད༌ཁན༌ནི༌ ཆོས༌ཚོགས༌པོ༌ ཝང༌ ཉམ༌པོ༌ ཁྲིད༌ མ༌ཁྲིད༌ད༌, ཏེ༌གུན༌ནི༌ ཕིའ༌ སྤེ༌ཞིག༌ག༌ གྱུར༌ཤིག༌། 4 ལུག༌རྫི༌ ཚང༌མའེ༌ སྤོན༌བོ༌, ཡེ༌ཤུ༌ སྐྱོད༌ ཟ༌ནེ༌, ཁྱོ༌ཞ༌གུན༌ལ༌ དཀོན༌མཆོག༌གི༌ ཆོགས༌ནེ༌ ཏུས༌གྱུན༌ ལུས༌ཤེས༌སི༌ སྤལ༌ལི༌ ཐོར༌ཤོག༌པོ༌ ཐོབ༌ཨིན༌།
5 ཏེན༌ན༌ ཙོགས༌ལ༌ ཁྱོག༌ཏོང༌གུན༌ནི༌, ཁྱོ༌ཞ༌རང༌ འུ༌སྐྱོང༌གུན༌ནི༌ ཝང༌ངི༌ ཡོག༌ག༌ བོར༌ཏེ༌ ཁའ༌ཉོན༌ཤིག༌། ཡང༌ པས༌མོ༌ ཉམ༌པོ༌ ཅིག༌ དང༌ ཅིག༌ག༌ ཞབ༌སྟོག༌ ཞུ༌ཤིག༌, ཅིའ༌ཟེར༌ན༌ དཀོན༌མཆོག༌གི༌ དམ༌པའེ༌ སུང༌རབས༌སི༌ ནང༌ང༌ མོལ༌ཏེ༌ དུག༌,
"ངའེ༌ ཕོ༌སོ༌ཅན༌གུན༌ལ༌ གྱབ༌གལ༌ ཅོའད༌།
ཨིན༌ནའང༌ ཉམ༌ཤུང༌གུན༌ལ༌ ཐུག༌རྗེ༌ ཏང༌ངད༌"*5:5 ཏམ༌སྤེ༌ སྤེ༌ཆའེ༌ 3:34 །
6 ཏེ༌བོའེ༌ཕིའ༌ དཀོན༌མཆོག༌གི༌ སྟོབས༌ཅན༌ ཆག༌གི༌ ཡོག༌ག༌ སེམས༌ པས༌མོ༌ ཉམ༌པོ༌ དུག༌ཤིག༌, ཏེ༌ནེ༌ ཏུས༌རན༌ན༌དང༌, ཁྱོ༌ཞ༌གུན༌ལ༌ དཀོན༌མཆོག༌གི༌ རྩི༌ཝ༌ སལ༌ལ༌ ཛད༌ཨིན༌། 7 རང༌ངི༌ ཚེར༌ཁ༌ དང༌ རྡུག༌ངལ༌ ཚང༌མ༌ དཀོན༌མཆོག༌གི༌ ཆག༌ག༌ སྟོད༌, ཅིའ༌ཞུ༌ན༌ ཁོང༌ངི༌ ཁྱོ༌ཞའ༌ ལྟ༌སྟོག༌ ཛད༌ད༌ནོག༌། 8 ཁྱོ༌ཞ༌གུན༌ནི༌ ཤང༌ ཅོས༌ཏེ༌, རང༌སེམས༌ ཅུན༌ཏེ༌ བོར༌ཤིག༌, ཅིའ༌ཟེར༌ན༌ རྡུད༌གུན༌ནི༌ གོ༌བ༌ ཁྱོ༌ཞའེ༌ གྲ༌འོ༌ ནི༌ ཀུ༌ཅོ༌ ཏང༌ཁན༌ནི༌ སིང༌གེ༌ ཙོགས༌ལ༌, མི༌གུན༌ ཁྲེས༌སྟོར༌ ཅོས༌ཏེ༌ ཟའ༌ཅེས༌སི༌ ཕིའ༌ ཙལ༌ཨིན༌ གྲུལ༌དུག༌། 9 ཏད༌པ༌ སྟན༌པོ༌ ཉམ༌པོ༌ ཁོའེ༌ གྱབ༌གལ༌ལ༌ ནོལ༌ཤིག༌, ཅིའ༌ཟེར༌ན༌ ཇིག༌རྟེན༌ གང༌པོའེ༌ ནང༌ང༌ ཁྱོ༌ཞའེ༌ སྤུན༌གུན༌ལའང༌, ཏེན༌ན༌ ཙོགས༌སི༌ རྡུག༌ངལ༌ ཐོང༌ཨིན༌ ཡོད༌ཁན༌བོ༌, ཁྱོ༌ཞའ༌ གྱུས༌ ཨིན༌ནོག༌།
10 ཐུག༌རྗེ༌ དང༌ ལྡན༌ཁན༌ནི༌ དཀོན༌མཆོག༌གི༌, མ༌ཤི༌ཀ༌ གྱུད༌ཏེ༌, ཁྱོ༌ཞ༌གུན༌ ཁོང༌ངི༌ ཐའ༌མེད༌པའེ༌ སྤལ༌ལི༌ ནང༌ང༌ དྲེས༌ཤེས༌ལ༌ བོད༌ད༌ ཛདས༌། ཏ༌ ཁྱོ༌ཞ༌གུན༌ལ༌ སྐབས༌སྟོགས༌ཤིག༌ རྡུག༌ངལ༌ ཉུངས༌ཏེ༌ སྟིང༌ནེ༌ དཀོན༌མཆོག༌ ཁོང༌རང༌ངི༌ ཁྱོ༌ཞ༌གུན༌ལ༌ ཅི༌ཚང༌མ༌ ལོགས༌ཏེ༌ སལ༌ལ༌ ཛད༌ཨིན༌, ཡང༌ སྟོབས༌ཅན༌, སྟན༌པོ༌ སྐུལ༌མི༌ཉན༌ཅེས༌ ཅོའ༌ ཛད༌ཨིན༌། 11 ཏུས༌གྱུན༌ནེ༌གྱུན༌ལ༌ ཝང༌ ཚང༌མ༌ ཁོང༌ངི༌ ཆག༌ག༌ ལུས༌ཤིག༌། ཨ༌མེན༌།
སྟིང༌ཇུག༌གི༌ ཇུ༌།
5:12 ནེ༌ 14
12 ངའེ༌ ལོ༌ཁྱེལ༌ཅན༌ ཐེ༌ཁན༌ནི༌ སྤུན༌ སི༌ལས༌སི༌ †5:12 སི༌ལས༌ལ༌ གིརིས༌སི༌ སྐད༌རིག༌གི༌ ནང༌ང༌ སིལ༌ཝ༌ནས༌ ཟེར༌ཏེ༌ བྲིས༌ཏེ༌ དུག༌། རོགས༌ ཉམ༌པོ༌ འི༌ ཨི༌གེ༌ ཐུ༌ངུན༌བོ༌ བྲིའད༌། འི༌ ཨི༌གེ༌ བྲི༌ཅེས༌སི༌ གྱུན༌ཚན༌བོ༌, ཁྱོ༌ཞ༌གུན༌ལ༌ སྤོས༌པ༌ ཏང༌ཅེས༌ དང༌ ཁྱོ༌ཞ༌གུན༌ལ༌ བྱུང༌ཨིན༌ ཡོད༌ཁན༌གུན༌, དཀོན༌མཆོག༌གི༌ ཐུག༌རྗེ༌ ཁག༌ཞིག༌ ཨིན༌ཁན༌བོའེ༌ སྤང༌པོ༌ ཏང༌ཅེས༌པོ༌ ཨིན༌། འི༌ ཐུག༌རྗེའེ༌ ནང༌ང༌ སྟན༌པོ༌ དུག༌ཤིག༌།
13 ཁྱོ༌ཞའ༌ ཉམ༌པོ༌ ལྡམས༌ཁན༌ནི༌ བ༌བེ༌ལོན༌ནི༌ ‡5:13 སུང༌རབས༌ སོ༌མའེ༌ ཞལ༌ཆད༌དི༌ ནང༌ང༌ མ༌ཤི༌ཀ༌པ༌གུན༌ནི༌ རོམ༌མི༌ གྱལ༌ས༌ བ༌བེ༌ལོན༌ ཟེར༌ཏེ༌ ཨིན༌ནོག༌། ཆོས༌ཚོགས༌སི༌ ཁྱོ༌ཞ༌གུན༌ལ༌ ཇུ༌ ཀལ༌དུག༌། ངའེ༌ བུ༌ཚ༌ ཙོགས༌ མར༌ཀུས༌སིའང༌ ཁྱོ༌ཞའ༌ ཇུ༌ ཞུ༌རུག༌། 14 ཅིག༌ དང༌ ཅིག༌ག༌, མ༌ཤི༌ཀ༌པའེ༌ ཅམས༌པ༌ ཉམ༌པོ༌ ཇུ༌ ཞུ༌ཤིག༌། §5:14 གིརིས༌སི༌ སྐད༌དི༌ ནང༌ང༌ "ཅིག༌ དང༌ ཅིག༌ག༌ ཅེས༌པའེ༌ པུག༌ ཏངས༌ཏེ༌ ཇུ༌ ཅོ༌ཤིག༌" བྲིས༌ཏེ༌ དུག༌།
མ༌ཤི༌ཀའེ༌ ནང༌ང༌ ཨིན༌ཁན༌ ཚང༌མ༌ལ༌ ཞི༌དེ༌ ཐོབ༌ཤིག༌། ཨ༌མེན༌།།
*5:5 5:5 ཏམ༌སྤེ༌ སྤེ༌ཆའེ༌ 3:34
†5:12 5:12 སི༌ལས༌ལ༌ གིརིས༌སི༌ སྐད༌རིག༌གི༌ ནང༌ང༌ སིལ༌ཝ༌ནས༌ ཟེར༌ཏེ༌ བྲིས༌ཏེ༌ དུག༌།
‡5:13 5:13 སུང༌རབས༌ སོ༌མའེ༌ ཞལ༌ཆད༌དི༌ ནང༌ང༌ མ༌ཤི༌ཀ༌པ༌གུན༌ནི༌ རོམ༌མི༌ གྱལ༌ས༌ བ༌བེ༌ལོན༌ ཟེར༌ཏེ༌ ཨིན༌ནོག༌།
§5:14 5:14 གིརིས༌སི༌ སྐད༌དི༌ ནང༌ང༌ "ཅིག༌ དང༌ ཅིག༌ག༌ ཅེས༌པའེ༌ པུག༌ ཏངས༌ཏེ༌ ཇུ༌ ཅོ༌ཤིག༌" བྲིས༌ཏེ༌ དུག༌།