1 ཚང༌མའེ༌སང༌ སྔུན༌ལ༌, མི༌ཚང༌མའེ༌ ཕིའ༌ མོས༌ལམ༌ ཞུ༌ཅེས༌ལ༌ ངའེ༌ ཏད༌པ༌ཅན༌ ཚང༌མ༌ལ༌ མ༌སྲན༌ཏྲེ༌ སྤོས༌པ༌ ཏང༌ངད༌; མོས༌ལམ༌མི༌ ནང༌ང༌ དཀོན༌མཆོག༌ག༌ ཁོང༌གུན༌ལ༌ རོགས༌ ཛད༌ ཟེར༌ཅེས༌, ཁོང༌གུན༌ནི༌ ཏོན༌ལ༌ ཞུ༌ཝ༌ ཕུལ༌ཅེས༌ དང༌ ཐུག༌རྗེ༌ཆེ༌ ཞུས༌ཅེས༌ གུན༌ ཡོང༌གོས༌། 2 ཏེན༌ན༌ ཙོགས༌ལ༌, དཀོན༌མཆོག༌གི༌ སྕོད༌ལམ༌ དང༌ དམ༌པའེ༌ ལམ༌མི༌ཀ༌ གྲུལ༌ཨིན༌ ང༌དང༌གུན༌ ཞི༌དེ༌ དང༌ ཁམ༌ཟང༌ངི༌ མི༌ཚེ༌, ཕུད༌ ཉན༌ཅེས༌ལ༌ གྱལ༌པོ༌ དང༌ ཝང༌ ཡོད༌ཁན༌ ཚང༌མའེ༌ ཕིའ༌ མོས༌ལམ༌ ཕུལ༌ཤིག༌། 3 འི༌ཙོགས༌ལ༌ མོས༌ལམ༌ ཕུལ༌ཅེས༌པོ༌, གྱལ༌ལ༌ཞིག༌ ཨིན༌ནོག༌, ཡང༌ ང༌དང༌གུན༌ནི༌ སྐྱབ༌གོན༌ དཀོན༌མཆོག༌ ཐུགས༌ཐད༌ད༌ནོག༌། 4 མི༌ཚང༌མ༌ སྐྱོབ༌ཅེས༌ དང༌ དཀོན༌མཆོག༌གི༌ དེན༌བ༌ ཤེ༌ཤེས༌པོ༌ ཁོང༌ངི༌ ཐུགས༌དོད༌ ཨིན༌ནོག༌། 5 དཀོན༌མཆོག༌ ཅིག༌ཅིག༌ ཞུགས༌ཏེ༌ ཨིན༌, ཡང༌ དཀོན༌མཆོག༌ དང༌ མི༌ཚང༌མའེ༌ བར༌ལ༌ བར༌མི༌ ཅིག༌པོ༌ ནི༌ མ༌ཤི༌ཀ༌ ཡེ༌ཤུ༌, མི༌བོ༌ ཞུགས༌ཏེ༌ ཨིན༌ནོག༌། 6 ཚང༌མའེ༌ ཕིའ༌ ཐར༌ལམ༌ ཉོའ༌ ཛད༌ཅེས༌ལ༌ ཁོང༌ངི༌ ཁོང༌རང༌ངི༌ མི༌ཚེ༌བོ༌ ཕུལ༌ལ༌ ཛདས༌། འི༌བོ༌ ནི༌ དཀོན༌མཆོག༌གི༌ ཇིག༌རྟེན༌ནི༌ མི༌གུན༌ལ༌ ཁོང༌རང༌ངི༌ ལྡམ༌མ༌ ཛད༌ཁན༌ནི༌ ཏུས༌པོའེ༌ཀ༌ སལ༌ལ༌ ཛད༌ཁན༌ནི༌ ལོན༌བོ༌ ཨིན༌ནོག༌། 7 ཡ༌ཧུ༌དཱ༌པ༌ མན༌ཁན༌གུན༌ལ༌ ཏད༌པ༌ དང༌ དེན༌བའེ༌ སྐོར༌ལ༌ འི༌ ལོན༌གུན༌ ཤད༌ཁན༌ དང༌ སྐུ༌ཚབས༌ལ༌ ང༌ ལྡམ༌མ༌ ཛདས༌། ངའེ༌ ཟུན༌ ཏང༌ང༌མེད༌ དེན༌བ༌ ཟེར༌རད༌།