10
1 འི༌གུན༌ ནི༌ ནོ༌ཨཱའེ༌ བུ༌ཚ༌ ཤེམ༌, ཧེམ༌ དང༌ ཡབ༌ཕེད༌ གུན༌ནི༌ མིར༌གྱུད༌གུན༌ ཨིན༌ནོག༌། ཆུ༌ལོག༌གི༌ སྟིང༌ནེ༌, ཁོང༌གུན༌ལ༌ ཕྲུ༌གུ༌ མང༌པོ༌ ཇོར༌།
ཡབ༌ཕེད༌དི༌ པུར༌གྱུད༌གུན༌།
10:2 ནེ༌ 5
2 ཡབ༌ཕེད༌ ནི༌, གོ༌མེར༌, མ༌གོག༌, མ༌དའི༌, ཡ༌ཝན༌, ཏུ༌བལ༌, མེ༌ཤེག༌ དང༌ ཀྲི༌རས༌ གུན༌ནི༌ ཨ༌བ༌ ཨིན༌པིན༌། 3 གོ༌མེར༌ ནི༌, ཨེཤ༌ཀི༌ནེཟ༌, རི༌ཕད༌ དང༌ ཏོ༌གར༌མ༌ གུན༌ནི༌ ཕ༌མེས༌པོ༌ ཨིན༌པིན༌། 4 ཡ༌ཝན༌ ནི༌, ཨེ༌ལི༌ཤ༌, ཏར༌ཤིཤ༌, ཀིཏ༌ དང༌ རོ༌ད༌ གུན༌ནི༌ ཕ༌མེས༌པོ༌ ཨིན༌པིན༌། 5 ཡ༌ཝན༌ ནི༌, ཚོའེ༌ ཐའ༌མ༌ དང༌ ཚོ༌ལིང༌ངི༌ཀ༌ དུག༌ཁན༌ནི༌ མིར༌གྱུད༌ གུན༌ནི༌ ཕ༌མེས༌པོ༌ ཨིན༌པིན༌། འི༌གུན༌ ཡབ༌ཕེད༌དི༌ མིར༌གྱུད༌གུན༌ ཨིན༌ནོག༌ ཀ༌གུན༌ལ༌ རང༌རང༌ངི༌ རིགས༌, སྐད༌ དང༌ ཡུལ༌ གུན༌ ཡོད༌པིན༌།
ཧེམ༌མི༌ པུར༌གྱུད༌གུན༌།
10:6 ནེ༌ 20
6 ཧེམ༌མི༌ བུ༌ཚ༌གུན༌ ཀུཤ༌, ཨི༌ཇིབ༌, ཕུཏ༌ དང༌ ཀེ༌ནན༌ གུན༌ ཨིན༌པིན༌། 7 ཀུཤ༌ ནི༌ སི༌བ༌, ཧ༌ཝི༌ལ༌, སབ༌ཏ༌, ར༌མཧ༌ དང༌ སབ༌ཏི༌ཀ༌ གུན༌ནི༌ ཕ༌མེས༌པོ༌ ཨིན༌པིན༌། ཡང༌ ར༌མཧ༌ ནི༌ ཤི༌བ༌ དང༌ དི༌དན༌ གུན༌ནི༌ ཕ༌མེས༌པོ༌ ཨིན༌པིན༌།
8 ཀུཤ༌ ནིམ༌རོད༌དི༌ ཨ༌བ༌ གྱུར༌། ནིམ༌རོད༌ ནི༌ ཇིག༌རྟེན༌ནི༌ ནང༌ང༌ ཞན༌ཡང༌ མིར༌གྱུད༌གུན༌ལ༌ ཕམ༌ཀལ༌ཁན༌ནི༌ མག༌མི༌ མ༌ ཀྲག༌པོ༌ ཏང༌པོ༌བོ༌ གྱུར༌། 9 ནིམ༌རོད༌ ནི༌ ལིངས༌པ༌ མ༌ ཁས༌པ༌ཞིག༌གའང༌ ཨིན༌པིན༌། ཏེན༌ན༌བོའེ༌ཕིའ༌ མི༌གུན༌ནི༌, "ཁོ༌ ཇིག༌རྟེན༌ནི༌ ལིངས༌པ༌ ཀྲག༌པོ༌, ནིམ༌རོད༌ ཙོགས༌ དུག༌" ཟེར༌རད༌པིན༌། 10 ཏང༌པོ༌རང༌ ཁོའེ༌ ཝང༌སྲུལ༌ཁན༌ནི༌ གྱལ༌ས༌གུན༌ ནི༌, ཤི༌ནར༌རི༌ ཡུལ༌ལི༌ ནང༌ང༌ ཡོད༌ཁན༌ བ༌བེལ༌, ཨི༌རིག༌, ཨ༌ཀད༌ དང༌ ཀལ༌ནེཧ༌ གུན༌ ཨིན༌པིན༌། 11 ཏེ༌ཀ༌ནེ༌ ཁོའེ༌ ཨ༌སི༌རི༌ཡཱའེ༌ ཡུལ༌ལི༌ ནང༌ང༌ ཁོ༌རང༌ངི༌ གྱལ༌སྲིད༌པོ༌ གྱས༌ཅུགས༌ཏེ༌ ནི༌ནེ༌ཝ༌, རེ༌ཧོ༌བོཐ༌-འིར༌ དང༌ ཀ༌ལའ༌ ཟེར༌ཁན༌ནི༌ གྱལ༌ས༌གུན༌ རྩིག༌ཅུགས༌། 12 ཡང༌ ནི༌ནེ༌ཝ༌ དང༌ ཀ༌ལའ༌ ཉིས༌ཀོའེ༌ ཞུང༌ང༌ ཆགས༌ཏེ༌ ཡོད༌ཁན༌ནི༌ རི༌སིན༌ ཟེར༌ཁན༌ནི༌ གྱལ༌ས༌ ཀྲག༌པོ༌བོའང༌ རྩིག༌ཅུགས༌།
13 ཨི༌ཇིབ༌ ནི༌ ལུད༌པ༌གུན༌, ཨ༌ནམ༌པ༌གུན༌, ལེ༌ཧབ༌པ༌གུན༌, ནབ༌ཏུ༌པ༌གུན༌, 14 ཕ༌ཏུ༌རུས༌པ༌གུན༌, ཀེས༌ལུ༌པ༌གུན༌ ༼ཀ༌བོའེ༌ པུར༌གྱུད༌ ཕི༌ལིས༌ཏི༌པ༌གུན༌ ཨིན༌ནོག༌༽ དང༌ ཀེབ༌ཐོར༌པ༌གུན༌ནི༌ ཕ༌མེས༌པོ༌ ཨིན༌པིན༌། 15 ཀེ༌ནན༌ ནི༌, སི༌དཱོན༌ ༼ཁོའེ༌ བུ༌ཚ༌ གོ༌བི༌༽ དང༌ ཧེད༌ གུན༌ནི༌ ཨ༌བ༌ ཨིན༌པིན༌། 16 ཀེ༌ནན༌ ནི༌ ཡེ༌བས༌པ༌གུན༌, ཨ༌མོར༌པ༌གུན༌, གིར༌གཤ༌པ༌གུན༌, 17 ཧིཝ༌པ༌གུན༌, ཨར༌ཀ༌པ༌གུན༌, སིན༌པ༌གུན༌, 18 ཨར༌བིད༌པ༌གུན༌, ཟི༌མར༌པ༌གུན༌ དང༌ ཧ༌མད༌པ༌གུན༌ནིའང༌ ཕ༌མེས༌པོ༌ ཨིན༌པིན༌། སྟིང༌ནེ༌ ཀེ༌ནན༌ནི༌ མིར༌གྱུད༌གུན༌ ནས༌ས༌ མང༌པོའེ༌ ནང༌ང༌ ཕེལ༌། 19 ཡང༌ ཀེ༌ནན༌པ༌གུན༌ནི༌ དུག༌སའེ༌ ས༌ཀྱད༌བོ༌ སི༌དཱོན༌ནེ༌ ཏངས༌ཏེ༌ གེ༌རར༌, མ༌ཚད༌ ག༌ཟ༌ ཚོག༌པའང༌ ཕེལ༌ཏེ༌ སོང༌། ཡང༌ ཤར༌ ཆོགས༌ལ༌ སོ༌དོམ༌, གོ༌མོ༌ར༌, ཨད༌མ༌, ཟི༌བོ༌ཡིམ༌ དང༌ ལ༌ཤ༌ ཚོག༌པའང༌ ཕེལ༌།
20 ཏེ༌གུན༌ ནི༌, ཧེམ༌མི༌ པུར༌གྱུད༌གུན༌ ཨིན༌ནོག༌། ཁོང༌གུན༌ མི༌རིགས༌ གྱུར༌ ཡང༌ མི༌རིགས༌གུན༌ནི༌ ནང༌ང༌ སྡེ༌སོ༌སོའ༌ རང༌རང༌ སོ༌སོའེ༌ སྐད༌ དང༌ ས༌ཀྱད༌ གུན༌ ཡོད༌པིན༌།
ཤེམ༌མི༌ པུར༌གྱུད༌།
10:21 ནེ༌ 32
21 ཡབ༌ཕེད༌དི༌ ཨ༌ཅོ༌ ཤེམ༌མའང༌ བུ༌ཚ༌ མང༌པོའེ༌ ཨ༌བ༌ གྱུར༌། ཡང༌ ཤེམ༌ ནི༌ ཨེ༌བར༌པ༌གུན༌ནི༌ ཕ༌མེས༌པོ༌ ཨིན༌པིན༌། 22 ཤེམ༌མི༌ བུ༌ཚ༌གུན༌ ཨེ༌ལམ༌, ཨ༌ཤེར༌, ཨར༌ཕ༌ཤེད༌, ལུད༌ དང༌ ཨ༌རམ༌ གུན༌ ཨིན༌པིན༌། 23 ཨ༌རམ༌ ནི༌ ཨུཟ༌, ཧལ༌, གི༌ཏར༌ དང༌ མེ༌ཤེག༌ གུན༌ནི༌ ཕ༌མེས༌པོ༌ ཨིན༌པིན༌། 24 ཨར༌ཕ༌ཤེད༌ ནི༌ ཤེ༌ལག༌གི༌ ཨ༌བ༌, ཡང༌ ཤེ༌ལག༌ ནི༌ ཨེ༌བར༌རི༌ ཨ༌བ༌ གྱུར༌། 25 ཨེ༌བར༌ལ༌ བུ༌ཚ༌ ཉིས༌ ཡོད༌པིན༌: ཅིག༌པོའེ༌ མིང༌ང༌ པེ༌ལེག༌ ༼ཀ༌བོའེ༌ དོན༌བོ༌ པོ༌བུད༌ཅེས༌༽ ཅིའ༌ཟེར༌ན༌ ཁོའེ༌ ཏུས༌ལ༌, ཇིག༌རྟེན༌ནི༌ མི༌གུན༌ནི༌ ནང༌ང༌ པོ༌བུད༌། ཡང༌ ཁོའེ༌ ནོའེ༌ མིང༌ང༌ ཡོག༌ཏན༌ ཟེར༌རད༌པིན༌། 26 ཡོག༌ཏན༌ ནི༌ ཨལ༌མོ༌དད༌, ཤི༌ལེཕ༌, ཧ༌ཟར༌མ༌ཝེད༌, ཡི༌ར༌, 27 ཧ༌དོ༌རམ༌, འུ༌ཟལ༌, དིག༌ལ༌, 28 འོ༌བལ༌, ཨ༌བི༌མེལ༌, ཤི༌བ༌, 29 འོ༌ཕིར༌, ཧ༌ཝི༌ལ༌ དང༌, ཡོ༌བབ༌ གུན༌ནི༌ ཕ༌མེས༌པོ༌ ཨིན༌པིན༌, ཡང༌ ཁོང༌གུན༌ ཡོག༌ཏན༌ནི༌ པུར༌གྱུད༌ ཚང༌མ༌ ཨིན༌པིན༌། 30 ཁོང༌གུན༌ དུག༌སའེ༌ ས༌ཀྱད༌བོ༌ མེ༌ཤ༌ནེ༌ ཏངས༌ཏེ༌ ཤར༌ ཆོགས༌ལ༌ ཡོད༌ཁན༌ནི༌ རི༌ ཡུལ༌, སི༌ཕར༌ ཆོགས༌ལའང༌ ཕེལ༌། 31 ཏེ༌གུན༌ ཤེམ༌མི༌ པུར༌གྱུད༌གུན༌ ཨིན༌པིན༌། ཁོང༌གུན༌ མི༌རིགས༌ གྱུར༌ ཡང༌ མི༌རིགས༌གུན༌ནི༌ ནང༌ང༌ སྡེ༌སོ༌སོའ༌ རང༌རང༌ སོ༌སོའེ༌ སྐད༌ དང༌ ས༌ཀྱད༌ གུན༌ ཡོད༌པིན༌།
32 ཏེ༌ ཚང༌མ༌ ནི༌ ནོ༌ཨཱའེ༌ བུ༌ཚ༌གུན༌ནི༌ པུར༌གྱུད༌གུན༌ ཨིན༌ནོག༌, ཡང༌ མིར༌གྱུད༌ སོ༌སོའེ༌ མིང༌གུན༌ སྐྱེ༌ཚིར༌ ནང༌ཞིན༌ལ༌ བྲིས༌ཏེ༌ ཡོད༌ཏེ༌ ཨིན༌ནོག༌། ཆུ༌ལོག༌གི༌ སྟིང༌ནེ༌ འིན༌ན༌ མི༌རིགས༌གུན༌ནི༌ ཀ༌ནེ༌ ཇིག༌རྟེན༌ གང༌པོའེ༌ ནང༌ང༌ གྱལ༌ཁབ༌གུན༌ ཕེལ༌ཏེ༌ ཨིན༌པིན༌།