3
बपतिस्मा देन वालो यूहन्ना को उपदेश
(मरकुस १:१-८; लूका ३:१-१८; यूहन्ना १:१९-२८)
उन दिनो म यूहन्ना बपतिस्मा देन वालो यहूदिया को सुनसान जागा म आय क यो प्रचार करन लग्यो: ३:२ मत्ती ४:१७; मरकुस १:१५“पापों सी मन फिरावो, कहालीकि स्वर्ग को राज्य जवर आय गयो हय।” ३:३ यशायाह ४०:३यो उच आय जेकी चर्चा यशायाह भविष्यवक्ता को द्वारा करी गयी:
“जंगल म एक पुकारन वालो को आवाज होय रह्यो
हय, कि प्रभु को रस्ता तैयार करो,
अऊर ओकी सड़के सीधी करो।”
३:४ २ राजा १:८यूहन्ना ऊंट को बाल को कपड़ा पहिन्यो होतो अऊर कमर म चमड़ा को पट्टा बान्ध्यो हुयो होतो। ओको जेवन टिड्डियां अऊर जंगली शहेद होतो। तब यरूशलेम, अऊर पूरो यहूदिया क्षेत्र, अऊर यरदन को आजु-बाजू को गांव म रहन वालो सब लोग निकल क ओको जवर आयो, उन्न अपनो अपनो पापों को पश्चाताप कर क् यरदन नदी म ओको सी बपतिस्मा लियो।
३:७ मत्ती १२:३४; २३:३३पर जब ओन अपनो जवर बहुत सो फरीसियों अऊर सदूकियों ख बपतिस्मा लेन लायी आवतो देख्यो, त ओन कह्यो, “हे सांप को पिल्ला, तुम्ख कौन न जताय दियो कि आवन वालो गुस्सा सी भगो? येकोलायी पापों सी मन फिराव की लायक फर लावो; ३:९ यूहन्ना ८:३३अऊर अपनो अपनो मन म यो मत सोचो कि हमरो बाप अब्राहम आय; कहालीकि मय तुम सी सच कहू हय कि परमेश्वर इन गोटा सी अब्राहम लायी सन्तान पैदा कर सकय हय।” 10  ३:१० मत्ती ७:१९टंग्या झाड़ों की जड़ी पर रखी हुयी हय, येकोलायी जो जो झाड़ अच्छो फर नहीं लावय, ऊ काट्यो अऊर आगी म झोक्यो जावय हय। 11 “मय त पानी सी तुम्ख मन फिराव को बपतिस्मा देऊ हय; पर जो मोरो बाद आवन वालो हय; ऊ मोरो सी ताकतवर हय; कि मय ओको पाय कि चप्पल उठावन को लायक नहाय। ऊ तुम्ख पवित्र आत्मा अऊर आगी सी बपतिस्मा देयेंन। 12 ओको सूपा ओको हाथ म हय, अऊर ऊ अपनो खरियान अच्छो तरह सी साफ करेंन, अऊर अपनो गहूं ख त ढोला म जमा करेंन, पर भूसा ख ऊ आगी म जलायेंन जो बुझन की नहीं।”
यीशु को बपतिस्मा
(मरकुस १:९-११; लूका ३:२१-२२; यूहन्ना १:३१-३४)
13 ऊ समय यीशु गलील प्रदेश सी यरदन नदी को किनार पर यूहन्ना को जवर ओको सी बपतिस्मा लेन आयो। 14 पर यूहन्ना यो कह्य क ओख रोकन लग्यो, “मोख त तोरो हाथ सी बपतिस्मा लेन कि जरूरत हय, अऊर तय मोरो जवर आयो हय?”
15 पर यीशु न ओख यो उत्तर दियो, “अब त असोच होन दे, कहालीकि हम्ख यो रीति सी सब सच्चायी ख पूरो करनो ठीक हय।” तब ओन ओकी बात मान ली।
16 अऊर यीशु बपतिस्मा ले क तुरतच पानी सी ऊपर आयो, अऊर उच समय ओको लायी स्वर्ग खुल गयो, अऊर ओन परमेश्वर को आत्मा ख कबूत्तर को जसो उतरतो अऊर अपनो ऊपर आवतो देख्यो। 17  ३:१७ मत्ती १२:१८; १७:५; मरकुस १:११; लूका ९:३५अऊर, स्वर्ग सी या आकाशवानी भयी: “यो मोरो प्रिय बेटा आय, जेकोसी मय बहुत सन्तुष्ट हय।”

3:2 ३:२ मत्ती ४:१७; मरकुस १:१५

3:3 ३:३ यशायाह ४०:३

3:4 ३:४ २ राजा १:८

3:7 ३:७ मत्ती १२:३४; २३:३३

3:9 ३:९ यूहन्ना ८:३३

3:10 ३:१० मत्ती ७:१९

3:17 ३:१७ मत्ती १२:१८; १७:५; मरकुस १:११; लूका ९:३५