1 Alepi sa na vavakatona i Semu, i Gami beto i Japeti, ira na tuna marene i Noa qai vapore tudia marene pa liguna na popogoso kolo.

2 Ira na tuna marene i Japeti sa: I Qoma, i Maqoqu, i Madai, i Javani, i Tubali, i Meseki beto i Tirasi.

3 Ira na tuna marene i Qoma sa: I Asikenazi, i Ripati beto i Toqama.

4 Ira na tuna marene i Javani sa I Elisa, i Tasisi, na tutina i Kitimi beto na tutina i Rodamini. 5 (Pa tadira aipira na tinoni qai susuvere tata pa babatana sa qai qaqata rijo votu lao pa dia pipikata ia pa dia gorena pa korapana na dia pukuna pa okokoto dia parangana.)

6 Ira na tuna marene i Gami sa: I Kusi, i Miziraimi, i Puti beto i Kenani.

7 Ira na tuna marene i Kusi sa I Seba, i Havila, i Sabita, i Rama beto i Sabiteka.

Ira na tuna marene i Rama sa: I Seba beto i Dedani.

8 I Kusi sa vaporea si Nimirodi isa kai varene neneqina pa abana totonai sa lavata sae. 9 Kai tinoni ropa neneqina tai Iahova; sa vei isa sa na paranga sa tapopoja sa, <<Mu vevei i Nimirodi kai tinoni ropa neneqina tai Iahova,>> sasau sa na paranga. 10 Ira na kuta gugusu lavata momoe pa ona binangara isa sa pa Babiloni, pa Ereki, pa Akadi beto pa kaline keta pa ia pa Sina. 11 Beto koko pa ia isa sa lao pa Asiria ketakoi sa sa roitinia isa sa pa Ninive, pa Rehoboti Ire, pa Kala 12 beto pa Reseni isa pa vaikorapaina pa Ninive beto na gugusu lavata pa Kala.

13 I Miziraimi sa vaporeria sira na puku tinoni Ludaii, Anamai, Naputuhai, 14 Paturutai, Kasulhai (ketakoi qai koko lame vei ira na puku tinoni Pilisitaini) beto Kaputorai.

15 I Kenani sa vaporea si Sidon na tuna marene pa moa beto ira na puku tinoni Hitai, 16 Jebusai, Amorai, Qiqasai, 17 Hivai, Akai, Sinai, 18 Avadai, Zemarai beto Hamatai.

Pa liguna lao na bubutu Kenani sa qai qaqatia tinganai vei eqa 19 ko na voloso pa Kenani sa kamu tu koko pa Sidoni lao vei pa Qera kamu tu pa Qaza, beto poni sa lao vei pa Sodomu, pa Qomora, pa Adima beto pa Zeboimi kamu tu pa Lasa.

20 Aipira sira na tuna marene i Gami pa dia gorena beto parangana pa dia pipikata ia beto pukuna.

21 I Semu isa na tasina momoe i Japeti ba sa pore tuna marene tugu. Isa sa na dia tite ira doru na marene pa tutina i Ebe.

22 Ira na tuna marene i Semu: I Elami, i Asu, i Apasadi, i Ludi beto i Aramu.

23 Ira na tuna marene i Aramu: I Uzu, i Hulu, i Qeta beto i Meseki.

24 I Apasadi sa vaporea si Sela, beto i Sela sa vaporea si Ebe.

25 Karu na tuna marene si Ebe: Kame na isongona si Peleqi, ura pa totoso sa korapa suvere isa sa na abana sa sa tapikata; na tasina marene si Jokotani.

26 I Jokotani sa vaporeria sira Alimodadi, i Selepi, i Hazamaveti, i Jera 27 i Hadorami, i Uzali, i Dikila, 28 i Obali, i Abimaeli, i Seba, 29 i Opi, i Havila beto i Jobabi. Ira doru aipira sa na tuna marene i Jokotani.

30 Na pikata ia qai suveria sa gogojo koko pa Mesa ko sa lao vei pa Sepa, pa ia kukubona pa kale sagere tapo.

31 Aipira sira na tuna marene i Semu pa dia gorena, dia parangana, dia pipikata ia beto pukuna.

32 Ko aipira sa na goredi na tuna marene i Noa pa okokoto dia tututi pa korapana na dia pukuna. Koko pa goredi aipira, na pupuku tinoni sa qaqatia doru eqa pa abana pa liguna na popogoso kolo.