1-2 Na yug vix che awg ceg heh te lehq, awg mid ma teq pa liz, a sug yawd ved awg phad mawd awg huhx lo kha nehax chehd-oq. Nig hehd ve awg phad mawd ted pehg pehar awr lehr, Khreq yad ma phehq liz, nig hehd yawz yan vix che he lehq daq kehg che awg lid awg khad*3:1-2 daq kehg che awg lid awg khad Awg khed sawnr mar che haq keh daq che kanx te mar che awr lehr lex lehq daq che yaog, lehd koz gad che yaog. 1Ti 2:9 teq pa te che haq i hehd gha mawg che te yand, nig hehd teq chaweh ma koz mar vid liz, nig hehd ve daq che awg lid awg khad haq te lehq, nig hehd i hehd haq mar yug gha tug yaog. 3 Nig hehd awg khed sawnr che awr lehr, cuhz kheh muh phed che, si khen cuhx che, veq jid kad jid che, awg thang phawd awr awg khed sawnr che lehax tad phehq vid. 4 Kheh ma khuhd nig hehd awg khed sawnr che awr lehr, ni ma nud nehg che he lehq taq hiax chehd vix che, awg khuhn phawd awr ni ma khuhn ve awg khed sawnr che†3:4 awg khuhn phawd awr ni ma khuhn ve awg khed sawnr che Ni ma he lehq ni ma tar khad haq koz che yaog. Rm 7:22, Ef 3:16 ted ceng phehq vid-oq. Awg khed sawnr che che ted ceng awr lehr, mad lug vix lehq, Ghig sa mehz khuhd suhr awg phuhd khaz jad che yaog. 5 A mig thad lo Ghig sa khuhn duhd law chehd che daq kehg che yad mid teq pa liz, a sug yawd awg ton haq awg khed che kheh te sawnr che yaog. I hehd awr lehr, a sug yawd ved awg phad mawd awg huhx lo kha nehax chehd vix che yaog. 6 Sar rad awr lehr, Ar brar hanr ve tawd haq na yug lehq yawd haq jawd mawd‡3:6 jawd mawd Khiz 18:12 haq ngawx. lehd koz kug che heh, nig hehd liz daq che haq te lehq u kheh te tug awg pun kuhz vix che ni ma mad cawg ver, nig hehd Sar rad ve yad mid teq pa phehaq che yaog.

7 Che heh te lehq, awg phad mawd teq paog, a sug yawd ved awg mid ma geh chehd che awg khuhn, yawd awg pun duhd ngawx vix che ni ma cawg vid-oq. I hehd awr lehr, nig hehd haq keh awg ghad nud§3:7 awg ghad nud Awg suhr awg sar phawd awr haq lehax koz gad che yaog. liz, co ha teq che awg bon haq nig hehd geh teq geha awg sinx cad sehr phad phehq che haq te lehq, i hehd haq yawz yan-o. Che kheh te ver, nig hehd bon lawg che haq tawr chuhd lar tug*3:7 bon lawg che haq tawr chuhd lar tug Yaq daq lehq vend bax ma phehd daq che haq koz che yaog. Isy 59:1-2 mad cawg.

8 Awg leh med ve tawd awr lehr, nig hehd awg gha lia ni ma teq sir lehax tar-oq. A vix a nax te ghad he lehq te ghad har kax daq lehq haq daoq. Ni ma nud-u ghad te lehq, su awg huhx lo ni ma nehr ghad tar-oq. 9 Su awg haeg tea liz, awg haeg tad kawq te khuhq. Su kha muhd kha na koz ax liz, kha muhd kha na tad kawq koz khuhq. Kheh ma khuhd, i hehd haq bon naq vid-oq. Nig hehd awg bon gha tug awg pun, Ghig sa nig hehd haq kug yug lar peor.

13 Nig hehd daq che haq hax ceh nux te chehd ver, a sug nig hehd haq ca lag yaq tuawg le. 14 Kheh ma khuhd, thed che cawd che haq te lehq nig hehd gha tuq gha khanr vix cawd ver, awg bon ir che yaog.‡3:14 awg bon ir che yaog Mt 5:10-11, Phi 1:29 haq ngawx. I hehd koz kuhz ax che haq ta kuhz, soq saq che ni ma liz tad cawg vid. 15 Nig hehd ve ni ma awg khuhn Khreq haq Jawd mawd yaog lehz sawnr lar lehq yawz yan-o. Nig hehd duhd law lar che§3:15 duhd law lar che Yer suq haq yonr che haq te lehq gha tug awg mig awg phond haq koz che yaog. awg lawn haq kha na ngawx che chaw teq pa haq khawd-ehg kheh te yaw khuhq vid tug, khar thad liz kha nehax ghu lar-oq. Kheh ma khuhd, ni ma nud nehg lehq yawz yan che awg khuhn teo. 16 Nig hehd sir vix che ni ma haq kehr ghad cawg vid-oq. U kheh te ver, Khreq awg khuhn nig hehd te che daq che awg lid awg khad teq pa haq su khaex lehq vend bax tar che te yand, nig hehd haq u kheh te che chaw teq pa awr lehr, gha yaq taw tug yaog. 17 Ghig sa ni ma cawd ver, daq che haq te lehq tuq che khanr che haq gha khanr che awr lehr, haeg che haq te lehq gha khanr che haq keh lex lehq daq che yaog. 18 Awg lawn ghod ver, Khreq awr lehr a nig ved vend bax haq te lehq te pawz lehax gha suh che yaog. Ghig sa geh a nig haq sir koeq gha tug, thed che cawd che chaw te ghad awr lehr, ma thed ma cawd che chaw teq pa awg pun khanr suh che yaog. Yawd awg ton suh liz, yawd awg ha kawq teaq che yaog. 19 Yawd ved awg ha haq te lehq yawd kae lehq, thawnr khuhn chehd che*3:19 thawnr khuhn chehd che Muhd naz hoq khuhn chehd chehd che haq koz gad che yaog. 4:6 haq ngawx. awg ha teq pa haq bon ca maer che yaog. 20 Awg ha u ve teq pa awr lehr, Nod ar ve awg coaq huh Ghig sa khuhd maq na yug che haq te lehq, thawnr khuhn chehd chehd che yaog. Nod ar huh lawd kor nux haq te chehd thad, chaw yad Ghig sa khuhd haq na yug tug Ghig sa yeg khanr lehq law chehd liz, i hehd maq na yug. Kheh te lehq, chaw hex ghad lehax a kaz awg khuhn lo gha pong che yaog. 21 Che heh te lehq, a meha baz tiz sar awr lehr, nig hehd haq pong ax che yaog. Baz tiz sar†3:21 Baz tiz sar Yonr che haq te lehq Yer suq ve awg suhr chuhd phu ax che haq koz che yaog. 1:19 lehd koz che awr lehr, awg ton haq hehr lar che awg med chuhd kha che haq koz che ma hez. Kheh ma khuhd, Yer suq Khreq kawq teq tuag che haq cud lehq, sir vix che ni ma daq veh kehg veh vid tug Ghig sa geh lawg khawx che haq koz che yaog. 22 Yer suq Khreq awr lehr muhd nuh maq lo taz koeq lehq, Ghig sa ve laq yaq awr pax awr huh‡3:22 Ghig sa ve laq yaq awr pax awr huh Awg mig awg phond he lehq kand pax cawg che haq mar lar che yaog. Rm 8:34, Ef 1:19-20 chehd chehd che yaog. Muhd nuh maq cuh yad teq pa, uq penr sehr phad teq pa he lehq kand pax cawg sehr phad teq pa liz yawd awg huhx lo chehd cuh vid lar che yaog.