9
Id sar rer laq chaw teq pa haq Ghig sa lez yug che
1 Khreq awg khuhn ngag thed-e ghad cawd ghad koz che yaog. Ngag her ka che ma hez. Daq che kehg che Awg ha phu haq te lehq ngag ved sir vix che ni ma liz, ngag geh teq geha awg lawn che haq sax khiz khanr che yaog. 2 Ngag ved ni ma awg khuhn ngag duhd har jad lehq,*9:2 ngag duhd har jad lehq Pawd loq yawd ved chaw ceng awg pun duhd har che haq koz che yaog. 9:3 khar thad liz ngag ni ma nag jad che yaog. 3 Awg lawn ghod ver, ngag ved chaw ceng, ngag ved a vix a nax Yud daq chaw teq pa awg pun, te gha ver, ngag awg ton Khreq haq phaz daq lehq khen che haq khanr gad che yaog. 4 I hehd awr lehr, Id sar rer laq chaw†9:4 Id sar rer laq chaw Yar koq ve yad 12 ghad haq koz gad che yaog. Khiz 23:28 teq pa phehq che yaog. Awg yad phehaq che ted ceng lehd ma koz, awg mig awg phond lehd ma koz, kar tiq sax caz teq pa lehd ma koz, awg lid tawd khuhd haq gha che lehd ma koz, a kor pi che awg lid lehd ma koz, kar tiq teq pa liz ma koz, awg gha lia i hehd ve phehq che yaog. 5 A pux nux‡9:5 A pux nux Ar brar hanr, Id caq, Yar koq teq pa haq koz che yaog. teq pa awr lehr, i hehd ve a pux nux teq pa te lehq, awg suhr awg sar phawd awr sawnr ver, Khreq liz i hehd ve chaw ceng phehq che yaog. Yawd awr lehr, awg gha lia ve awg khod-aq Ghig sa phehq che yaog. Co co taer taer yawd haq awg bon chid muh oq. A meng.
6 Kheh ma khuhd, Ghig sa ve tawd khuhd lug veh che heh ma hez. Awg lawn ghod ver, Id sar rer laq ve awg ceng awg khad awg gha lia awr lehr, Id sar rer laq chaw awg cehg mag phehq che ma hez.§9:6 awg cehg mag phehq che ma hez Maq yonr che Id sar rer laq chaw haq koz che yaog. Rm 2:28-29 7 Ar brar hanr ve awg yad awg dug awg gha lia liz yawd ved awg yad awg dug awg cehg mag phehq che ma hez. Kheh ma khuhd, †9:7 Khiz 21:12Id caq awg khuhn lehax nawg ved awg yad awg dug sawnr tug yaog lehd koz lar che yaog. 8 Koz gad che awr lehr che kheh yaog. Awg suhr awg sar haq caz daq che awg yad*9:8 Awg suhr awg sar haq caz daq che awg yad Id sar mer laq haq koz gad che yaog. Gal 4:23 awg dug teq pa awr lehr, Ghig sa ve awg yad awg dug phehq che ma hez. Kheh ma khuhd, kar tiq sax caz haq caz daq che awg yad†9:8 kar tiq sax caz haq caz daq che awg yad Id caq haq koz che yaog. Gal 4:23 awg dug teq pa lehax yawd ved awg yad awg dug phehq cheawg lehz sawnr lar che yaog. 9 Awg lawn ghod ver, kar tiq tawd khuhd che kheh koz lar che,
†9:9 Khiz 18:10, 18:14“Awg suhax che te yand
ngag kawq lag ver, Sar rad awr lehr yad par te ghad gha tug yaog,”
lehd koz lar che yaog.
10 U ve lehax ma hez. Rer behd kar liz a nig ved awr pa Id caq haq te lehq yad ceh ka hu chehd-ag huh, 11 yawd ved yad par u ve ni ghad maq pawag ser lehq ix mag daq che kanx liz mad daq che kanx liz maq gha te ser. Kheh ma khuhd, lez yug che awg khuhn Ghig sa yawd ved duhd teh lar che ted ceng maq gha lug tug, (Ghig sa chaw yad haq lez yug che awr lehr, chaw yad kanx te che haq te lehq lez yug che ma hez. Kheh ma khuhd, lez yug sehr phad Ghig sa haq te lehq yaog.) awr ye haq yawd koz vid che, 12 †9:12 Khiz 25:23“Awg vix var te ghad awr lehr, awg nax var te ghad ve awg ceg gha te tug yaog,” lehd koz vid che yaog. 13 Liq phu khuhn buhq lar che heh, †9:13 Ml 1:2-3“Yar koq haq ngag haq lehq‡9:13 Yar koq haq ngag haq lehq Yar koq haq ngag sang lehq haq che lehd koz gad che yaog. Khiz 29:31, 33 Id sawd haq ngag cand che yaog.”
14 Kheh te lehq, a nig khawd-ehg kheh koz tug cawar le. Ghig sa awg khuhn ma thed ma cawd che ted ceng cawg che la. Ma hez hawg. 15 Awg lawn ghod ver, yawd Mod ser haq koz vid che, †9:15 Tuhz 33:19“Ngag awg bon te vid gad che chaw haq ngag awg bon te vid lehq, ngag har kax vid gad che chaw haq ngag har kax vid tug yaog,” lehd koz che yaog. 16 Kheh te cheaq te lehq, he gad che haq te lehq gha che ma hez. Hax ceh nux te che haq te lehq gha che liz ma hez. Kheh ma khuhd, awg bon pid sehr phad Ghig sa haq te lehq gha che yaog. 17 Awg lawn ghod ver, Liq phu khuhn jawd mawd Phar rawd§9:17 Phar rawd Ed jid tuq muhd mig ve jawd mawd nux haq koz che yaog. Tuhz 9:16 haq Ghig sa koz vid che, †9:17 Tuhz 9:16Nawg awg khuhn ngag ved kand pax pheq tuhaz vid lehq, mig gig awg gha lia awg khuhn ngag ved awg meh buhg veh tug ngag nawg haq chid taz peha che yaog lehd koz vid che yaog. 18 Kheh te cheaq te lehq, awg bon te vid gad che chaw haq yawd te vid lehq, ni ma heh vid gad che chaw haq yawd heh vid che*9:18 ni ma heh vid gad … heh vid che Ni ma ir lehq maq na yug che haq koz che yaog. Tuhz 5:1-2 yaog.
Ghig sa ve nez nag che ted ceng he lehq har kax che ted ceng
19 Kheh te lehq, a thoq haq te lehq Ghig sa vend bax kawq tar ax ser-a le. Yawd ved a lor haq a sug tawr lar gha tuawg le lehz nawg ngag haq koz ax tug yaog. 20 Kheh ma khuhd, Ghig sa haq tawd kawq sang che chaw-og, nawg awr lehr a suawg le. Te lar che mawq khu awr lehr, te sehr phad haq, A thoq haq te ngag haq che kheh tea cheawg le lehd koz tuawg la. 21 Mawq khu te sehr phad awr lehr, mawq khu te tug a jeq awg thag lo kand pax cawg che ma hez hawg la. A jeq ted dig lehax awg khuhn a yed ir che che kanx awg pun khuhn yehd tug mawq khu ted mag he lehq ni gha lia awg pun khuhn yehd tug mawq khu ted mag haq yawd te gha che ma hez hawg la. 22 Che ve haq kha sur suar, Ghig sa awr lehr yawd nez nag che haq maw vid cuh gad lehq yawd ved kand pax haq sir vid cuh gad tug, lug vehr sez vehr tug awg pun ghu lar che nez nag che haq gha khanr tug mawq khu teq pa haq yawd duhd yehg gad yehg lehq yeg khanr chehd che†9:22 yeg khanr chehd che Yud daq chaw teq pa vend bax duhd phuhz tug haq Ghig sa law chehd che haq koz gad che yaog. 2Pt 3:9 ver, a thoq haq koz tug cawar le. 23 Che ve haq te lehq, awg mig awg phond cawg tug awg pun awg kawd maq thad liz yawd ghu teh lar che har kax tug mawq khu teq pa awg thag huh yawd ved awg mig awg phond khawd-ehg ma ir khawd-ehg ma mad che haq sir vid tug te ver, a thoq maq koz tug cawar le. 24 Yawd kha kug yug lar che a nig teq pa awr lehr, kheh te che mawq khu phehq che yaog. Yud daq chaw teq pa awg khuhn lehax kug yug che ma hez. Bid saz a naz chaw teq pa awg khuhn liz yawd kug yug lar che yaog. 25 Che haq kha sur suar, Hawd ser‡9:25 Hawd ser Liq phu awg pir awg khuhn lo ve cuh kar var te ghad phehq che yaog. liq awg khuhn lo Ghig sa koz che,
†9:25 Hs 2:23“Ngag ved chaw ceng ma hez che haq, ‘ngag ved chaw ceng,’ lehd koz lehq,
mad haq che yad mid haq, ‘haq che yad mid,’ lehz ngag koz tug yaog.
26 †9:26 Hs 1:10I hehd haq, Nig hehd awr lehr ngag ved chaw ceng ma hez lehd
koz jaw kig§9:26 koz jaw kig Yer ruq sar lehnr med haq koz che gha hawg. Isy 2:22-3:26, 56:6-8 awg khuhn,
teq chehd che Ghig sa ve awg yad awg dug phehq che yaog lehz i hehd haq ngag koz tug yaog.”
27 Id sar yaq*9:27 Id sar yaq Liq phu awg pir awg khuhn ve cuh kar var nux te ghad phehq che yaog. liz, Id sar rer laq chaw ceng awg lawn hehnd chawa kug lehq koz che, †9:27-28 Isy 10:22-23Id sar rer laq chaw teq pa awr lehr, lad chuhd ghig ve sehnd sir kheh taw mad liz, chaw a cehax lehax thaer khuhq che haq gha tug yaog. 28 Awg lawn ghod ver, Jawd mawd Ghig sa awr lehr mig gig khod-aq lo yawd ved tawd khuhd peh lawq vehr vid lehq har naq te tug yaog lehd koz lar che yaog. 29 Awg kawd maq thad Id sar yaq koz lar che heh,
†9:29 Isy 1:9“Awg gha lia khod-aq ir che Jawd mawd Ghig sa awr lehr,
a nig awg pun awg ceng awg khad maq teh lar haz ax ver,
Sawd donr med heh a nig phehq lehq,
Kawd mod raq†9:29 Sawd donr … Kawd mod raq Khiz 19:24-29, Isy 1:9, Bon 29:23 med haq kha sur suar a nig phehq tug yaog,”
lehd koz che yaog.
Yonr cheaq te lehq thed che cawd che chaw phehaq che
30 Kheh te lehq, a nig khawd-ehg kheh koz tug cawar le. Bid saz a naz chaw teq pa awr lehr, thed che cawd che ted ceng haq maq ca che liz, thed che cawd che haq gha vehor. Ngag che kheh koz che awr lehr, yonr lehq gha che thed che cawd che ted ceng haq koz gad che yaog. 31 Kheh ma khuhd, Id sar rer laq chaw teq pa awr lehr, awg lid tawd khuhd haq caz daq che thed che cawd che ted ceng haq ca liz, thed che cawd che u ve haq maq gha.‡9:31 maq gha Yud daq chaw awr lehr yonr che haq ma cud. Kanx haq lehax cud cheaq te lehq, Ghig sa chid bag che haq gha khanr che yaog. Gal 5:4 32 A thoq haq te lehq thed che cawd che ted ceng haq maq gha le lehd koz ver, yonr che haq ma cud lehq kanx haq lehax cud cheaq te lehq yaog. 33 Liq phu khuhn buhq lar che,
†9:33 Isy 8:14, 28:16“Ngawx lor. Yid onr awg khuhn lo chaw yad khi thid pog tug huhx meh§9:33 khi thid pog tug huhx meh Yer suq haq koz che yaog. 1Pt 2:4 dig,
par kuhd tug huhx meh dig haq
ngag kawx teh lar che yaog.
Kheh ma khuhd, yawd haq kha yonr che chaw awr lehr maq gha yaq taw,”
lehd koz buhq lar che heh te lehq, khi thid pog tug huhx meh dig u ve haq i hehd liz khi thid pog par vehr che yaog.
*9:2 9:2 ngag duhd har jad lehq Pawd loq yawd ved chaw ceng awg pun duhd har che haq koz che yaog. 9:3
†9:4 9:4 Id sar rer laq chaw Yar koq ve yad 12 ghad haq koz gad che yaog. Khiz 23:28
‡9:5 9:5 A pux nux Ar brar hanr, Id caq, Yar koq teq pa haq koz che yaog.
§9:6 9:6 awg cehg mag phehq che ma hez Maq yonr che Id sar rer laq chaw haq koz che yaog. Rm 2:28-29
†9:7 9:7 Khiz 21:12
*9:8 9:8 Awg suhr awg sar haq caz daq che awg yad Id sar mer laq haq koz gad che yaog. Gal 4:23
†9:8 9:8 kar tiq sax caz haq caz daq che awg yad Id caq haq koz che yaog. Gal 4:23
†9:9 9:9 Khiz 18:10, 18:14
†9:12 9:12 Khiz 25:23
†9:13 9:13 Ml 1:2-3
‡9:13 9:13 Yar koq haq ngag haq lehq Yar koq haq ngag sang lehq haq che lehd koz gad che yaog. Khiz 29:31, 33
†9:15 9:15 Tuhz 33:19
§9:17 9:17 Phar rawd Ed jid tuq muhd mig ve jawd mawd nux haq koz che yaog. Tuhz 9:16
†9:17 9:17 Tuhz 9:16
*9:18 9:18 ni ma heh vid gad … heh vid che Ni ma ir lehq maq na yug che haq koz che yaog. Tuhz 5:1-2
†9:22 9:22 yeg khanr chehd che Yud daq chaw teq pa vend bax duhd phuhz tug haq Ghig sa law chehd che haq koz gad che yaog. 2Pt 3:9
‡9:25 9:25 Hawd ser Liq phu awg pir awg khuhn lo ve cuh kar var te ghad phehq che yaog.
†9:25 9:25 Hs 2:23
†9:26 9:26 Hs 1:10
§9:26 9:26 koz jaw kig Yer ruq sar lehnr med haq koz che gha hawg. Isy 2:22-3:26, 56:6-8
*9:27 9:27 Id sar yaq Liq phu awg pir awg khuhn ve cuh kar var nux te ghad phehq che yaog.
†9:27 9:27-28 Isy 10:22-23
†9:29 9:29 Isy 1:9
†9:29 9:29 Sawd donr … Kawd mod raq Khiz 19:24-29, Isy 1:9, Bon 29:23
‡9:31 9:31 maq gha Yud daq chaw awr lehr yonr che haq ma cud. Kanx haq lehax cud cheaq te lehq, Ghig sa chid bag che haq gha khanr che yaog. Gal 5:4
†9:33 9:33 Isy 8:14, 28:16
§9:33 9:33 khi thid pog tug huhx meh Yer suq haq koz che yaog. 1Pt 2:4