1 Chaw awg gha lia khod-aq lo uq penr sehr phad*13:1 uq penr sehr phad Muhd mig phawd awr ve jawd mawd haq koz che yaog. Tit 3:1, 1Pt 2:13 teq pa awg huhx lo, nig hehd awg gha lia kha nehax chehd-oq. Awg lawn ghod ver, Ghig sa geh gha che ma hez ver, uq penr tug kand pax mad cawg. I hehd cawg chehd che kand pax teq pa liz Ghig sa teh lar che yaog. 2 Kheh te cheaq te lehq, uq penr sehr phad teq pa haq phuhz che chaw awr lehr, Ghig sa teh lar che a yad haq tawr chuhd che phad phehq che yaog. Tawr chehd che chaw teq pa awr lehr, cir yanr che haq gha khanr tug yaog. 3 Awg lawn ghod ver, daq che kanx haq te che chaw teq pa awr lehr, jawd mawd teq pa haq kuhz tug mad cawg. Kheh ma khuhd, haeg che haq te che chaw teq pa awr lehr kuhz tug cawg che yaog. Uq penr sehr phad teq pa haq kuhz tug mad cawg che chaw te gad la. Daq che haq teo. Che kheh te ver, yawd nawg haq chid muh tug yaog. 4 Awg lawn ghod ver, nawg awg pun awg bon cawg tug, yawd Ghig sa ve awg ceg†13:4 Ghig sa ve awg ceg Isy 45:1 haq ngawx. phehq che yaog. Kheh ma khuhd, nawg haeg che haq te ver, kuhz chehd-oq. Awg lawn ghod ver, yawd awr lehr a teh kheha puhd chehd che ma hez. Awg haeg kha te che chaw teq pa haq cir yanr vid tug, yawd awr lehr Ghig sa ve awg ceg te che yaog. 5 Kheh te cheaq te lehq, uq penr sehr phad awg huhx lo kha nehax chehd-oq. Cir yanr che haq kuhz cheaq te lehq te che lehax taq te. Nawg ved sir vix che ni ma‡13:5 sir vix che ni ma Kuhz lehq na yug che lehax maq te cawd hawg. Haq cheaq te lehq na yug che ted ceng te cawd che yaog. 1 Pt 2:19, Cud 8:2 haq te lehq te che liz phehq vid-oq. 6 Kheh te cheaq te lehq, nig hehd awg khawnr liz ke vid chehd che yaog.§13:6 awg khawnr liz ke vid chehd che yaog Mt 22:17 Awg lawn ghod ver, uq penr sehr phad teq pa awr lehr, Ghig sa ve kanx te che phad te lehq kanx che ve haq i hehd khar thad liz te don chehd che yaog. 7 I hehd awg gha lia haq pid kenr pid cawd che heh pid-oq. Awg khawnr saw che chaw teq pa haq awg khawnr ke vid-oq. A mod saw che chaw teq pa haq a mod ke vid-oq. Tar ir kenr che chaw teq pa haq tar ir-oq. Yawz yan kenr che chaw teq pa haq yawz yan-o.

8 Jeg a cehax liz ta puhd. Kheh ma khuhd te ghad he lehq te ghad, haq daq che jeg*13:8 haq daq che jeg Te ghad haq te ghad haq daq che haq koz che yaog. ted ceng haq puhd lar-oq. Awg lawn ghod ver, awg pad awg ki huh chehd che chaw teq pa haq haq che chaw awr lehr, awg lid tawd khuhd haq te peh lawq vehr che yaog. 9 †13:9a Tuhz 20:13-15, 20:17, Bon 5:17-19, 5:21Hax chawd hax paz maq gha te, chaw haq maq gha dawz vehr, su ved med nged haq maq gha khuhd, su ved med nged jeg kor haq maq gha sex lae lehd koz lar che awg lid tawd khuhd teq pa he lehq awg kag awr ve cawg lar che awg lid tawd khuhd teq pa awr lehr, †13:9b Ak 19:18“Nawg awg ton haq haq che heh, awg pad awg ki huh chehd che†13:9 awg pad awg ki huh chehd che Lk 10:25-37 haq ngawx. chaw teq pa haq haoq,” lehd koz lar che te khuhd awg khuhn peh lawq vehr che yaog. 10 Haq che ted ceng awr lehr, awg pad awg ki huh chehd che chaw haq awg haeg maq te. Kheh te cheaq te lehq, haq che ted ceng awr lehr, awg lid tawd khuhd haq te peh lawq che‡13:10 awg lid tawd khuhd haq te peh lawq che Haq vix che chaw awr lehr, awg lid tawd khuhd haq na yug lehq te che chaw phehq che lehd koz gad che yaog. yaog.

11 Kheh te lehq, a meha ve awg yand awr lehr nig hehd yuhq nuhd-ag cawd che awg yand gag vehr che haq nig hehd sir chehd che haq te lehq, che ve haq kha sehax teoq. Awg lawn ghod ver, a nig awg kawd maq yonr suhx suhax te che te yand haq keh, a meha thaer khuhq che ted ceng lex lehq a nig haq ned vehr che yaog.§13:11 a nig haq ned vehr che yaog Yer suq kawq yaq tug awg yand ned lag chehd che haq koz che yaog. 8:23 12 Muhd khax vehr che awg yand*13:12 Muhd khax vehr che awg yand A meha phehaq chehd che haeg che awg yand haq koz gad che yaog. Mt 24:33 pong vehr tez lehq, muhd kaw ve awg yand†13:12 muhd kaw ve awg yand Awg leh med Yer suq kawq yaq tug awg yand haq koz che yaog. 1K 7:29, Phi 4:5, 1Pt 4:7 lag gag vehr tez che yaog. Kheh te lehq, naz hoq che kanx teq pa haq kuhz kha lar haz lehq, awg ghiz ve laq cax teq pa haq veq dehag veg. 13 Ha lehg tug te pong te lex lehq juhg dawg buhz che, hax chawd hax paz te lehq haeg che haq te pong te lex che, su haq yaq daq jiz daq lehq khawehx che che teq pa haq taq te. Muhd kaw huh te kenr che teq pa‡13:13 Muhd kaw huh te kenr che teq pa Kenr che cawd che heh a saq teaq veg lehd koz gad che yaog. haq a nig teag veg. 14 Kheh te lehq, Jawd mawd Yer suq Khreq haq veq deh-o.§13:14 Yer suq Khreq haq veq deh-o Yer suq haq ni ma khuhn chehd kig pid che haq koz che yaog. Awg suhr awg sar a lor awg khad haq te kae tug teq chaweh taq ghu lar.*13:14 teq chaweh taq ghu lar Te gad che heh taq te, lehd koz gad che yaog.