1 A nig awg ghad cawg che chaw*15:1 awg ghad cawg che chaw Co ha phawd awr duhd sir duhd gag vehr che chaw haq koz che yaog. teq pa awr lehr, a sug yawd ved a lor awg khad haq maq te lehq, awg ghad nud che chaw teq pa ve ghad nud che awg ceng teq pa haq yeg khanr cawd che yaog. 2 A nig awg gha lia, a sug yawd awg pad awg ki huh chehd che chaw teq pa haq daq lag ir lag tug awg pun, i hehd ni ma cawd tug te vid-ag veg. 3 Awg lawn ghod ver, Khreq liz yawd awg ton ni ma cawd che†15:3 yawd awg ton ni ma cawd che Mt 20:28, Mk 10:45, 2K 8:9, Phi 2:5-8 haq yawd maq te. Liq phu khuhn buhq lar che heh, †15:3 Chid 69:9“Nawg haq kha muhd kha na koz che chaw teq pa ve kha muhd kha na koz che tawd khuhd awr lehr, ngag haq koz che yaog,” lehd koz buhq lar che yaog. 4 Awg lawn ghod ver, a mig thad lo kha buhq lar che teq pa awr lehr, a nig haq mar ax tug awg pun buhq lar che yaog. A nig yeg khanr lehq Liq phu awg khuhn a nig haq awg ghad pehar che haq te lehq a nig duhd law che ted ceng cawg tug, kha buhq lar che u ve teq pa awr lehr a nig haq mar ax che yaog 5 Yer suq Khreq heh te lehq nig hehd te ghad he lehq te ghad cawd daq hawr daq tug, yeg khanr vix lehq duhd sa vid vix che Ghig sa awr lehr nig hehd haq sir kae seh kae vid-oq. 6 Kheh te lehq nig hehd u kheh te ver, nig hehd ni ma teq sir-a lehax te lehq, a nig ved Jawd mawd Yer suq Khreq ve Awr pa Ghig sa haq chid ir chid muh khuhd te khuhd lehax chid muh gha tug yaog.

7 Kheh te lehq, Ghig sa haq awg mig awg phond cawg vid gha tug awg pun, Khreq nig hehd haq haq yug che heh, nig hehd te ghad he lehq te ghad haq haq yur-oq. 8 Awg lawn ghod ver, Ghig sa ve thed che ted ceng haq maw vid tug, Khreq awr lehr awg gig med soer che chaw‡15:8 awg gig med soer che chaw Yud daq chaw haq koz gad che yaog. teq pa ve awg ceg phehq che yaog lehz ngag koz che yaog. A pux nux teq pa haq pid lar che kar tiq teq pa haq yeg vid tug he lehq 9 yawd har kax vix che haq te lehq bid saz a naz chaw teq pa Ghig sa haq chid ir chid muh tug, Khreq awr lehr awg gig med soer che chaw teq pa ve awg ceg phehq vehr che yaog, Liq phu khuhn buhq lar che heh,

13 Daq che kehg che Awg ha phu ve kand pax haq te lehq, duhd law che awg khuhn nig hehd awg ghad kha sehax cawg chehd lar vid tug, duhd law tug cawag vid sehr phad Ghig sa awr lehr, nig hehd yonr che awg khuhn duhd sa che ted ceng he lehq ha lehg che awg gha lia kha peh vad-ag cawg vid-oq.

14 Ngag ved a vix a nax teq paog, nig hehd awr lehr daq che awg ceng‡15:14 daq che awg ceng Haq pehnd che haq koz che yaog. kha peh cawg che chaw, yonr che awg lawn haq kha sehax sir che ted ceng peh daq che chaw he lehq nig hehd te ghad he lehq te ghad mar daq vix che chaw phehq che yaog lehz ngag yonr che yaog. 15-16 Kheh ma khuhd, ngag awr lehr, bid saz a naz chaw teq pa awg pun Yer suq Khreq ve paw khod te tug Ghig sa ngag haq awg bon pehar lar che haq te lehq, nig hehd haq awg lawn ted pehg pehar duhd nuhd vid tug ngag ni ma tag che khuhn te lehq, awg lawn u ve teq pa haq ngag buhq ax che yaog. Daq che kehg che Awg ha phu awr lehr, bid saz a naz chaw teq pa haq daq vid kehg vid cheaq te lehq, i hehd haq tand tug heh te lehq§15:15-16 tand tug heh te lehq Pawd loq mar gha lar che bid saz a naz chaw haq koz che yaog. Ghig sa haq tand vid che te yand yawd ni ma cawd tug, ngag awr lehr Ghig sa ve ha lehg che bon khuhd mar vid sehr phad phehq che yaog. 17 Kheh te lehq, Ghig sa awg pun ngag te chehd che kanx awg lawn awg khuhn, Yer suq Khreq haq te lehq ngag ni ma ir kig cawg che yaog. 18-19 Awg lawn ghod ver, bid saz a naz chaw teq pa na yug tug, tawd yaw che he lehq kanx te che lehd ma koz, awg hez he lehq and tug kand pax awg khuhn lehd ma koz, daq che kehg che Awg ha phu ve kand pax awg khuhn lehd ma koz, Khreq ngag haq cud lehq te che teq pa awg lawn ma hez ver, awg kag awr ve awg lawn teq chaweh liz ngag maq ca koz. Kheh te cheaq te lehq, Yer ruq sar lehnr*15:18-19 Yer ruq sar lehnr Khreq yad awg mor tanr cawag kig med phehq che yaog. Cy 1:8 med te lehq Id lud riq†15:18-19 Id lud riq Mar ker dawd niq muhd mig awg naz phawd awr lo cawg che med phehq che yaog. muhd mig kha gag, kha caw yuhd Khreq ve ha lehg che bon khuhd ngag kha nehax mar vid vehor. 20 Kheh te lehq, yehg awg cuhz penr haq su te lar che awg thag huh ngag mad kawq cax te tug, Khreq ve awg meh haq maq gha kad jaw ser che chehd kig teq pa awg khuhn lehax ngag ha lehg che bon khuhd mar vid gad jad che yaog. 21 Liq phu khuhn buhq lar che heh,

22 Ha lehg che bon khuhd mar che kanx che ve haq te lehq, nig hehd chehd lo ngag maq gha lag gag tug laex pawz ngag haq tawr chuhd chehd che‡15:22 tawr chuhd chehd che Awg kaw jen ve lad chuhd ghig awg pad awg ki huh kanx te tug cawg mad jad chehd ser cheaq te lehq, i hehd chehd lo lag ma tand ser che haq koz gad che yaog. yaog. 23 A meha awr lehr, muhd mig che teq pa awg khuhn kanx te kig mad kawq cawg lehq, laex khuhq nig hehd chehd lo ngag lag gad jad cheaq te lehq, 24 Sa pen muhd mig lo ngag kae che te yand, nig hehd chehd lo ca gid lar haz tug duhd law chehd che yaog. Kheh te lehq, nig hehd geh teq cuhx teq jaw awg chawd te daq peg ver, muhd mig u ve lo ngag kawq cax kae tug nig hehd ngag haq ga ax tug liz ngag duhd law chehd che yaog. 25 Kheh ma khuhd, Yer ruq sar lehnr med khuhn chehd che Khreq yad teq pa haq ga vid tug, a meha Yer ruq sar lehnr med lo ngag kae chehd che yaog. 26 Awg lawn ghod ver, Mar ker dawd niq muhd mig he lehq A kha ya muhd mig khuhn chehd che Khreq yad teq pa awr lehr, Yer ruq sar lehnr med khuhn chehd che Khreq yad teq pa awg khuhn har che ghuhd che chaw teq pa haq ga vid tug, ha lehg ha ka te lehq phu tand tand vid lar che yaog. 27 I hehd awr lehr ha lehg ha ka tand vid che yaog. Awg cehg mag koz ver, i hehd awr lehr Yer ruq sar lehnr med khuhn chehd che Khreq yad phehq che Yud daq chaw teq pa geh jeg puhd lar che yaog. Awg lawn ghod ver, co ha phawd awr Yud daq chaw teq pa ve awg bon§15:27 Yud daq chaw teq pa ve awg bon Yer suq Khreq ve ha lehg che bon khuhd haq koz gad che yaog. teq pa haq bid saz a naz chaw teq pa liz gha ver, awg suhr awg sar phawd awr ve med nged jeg kor teq pa Yud daq chaw teq pa haq i hehd liz kawq ga vid cawd che yaog. 28 Kheh te lehq, kanx che haq ngag te peg lehq, laq sawnr che teq pa i hehd haq chid aq vid peg ver, nig hehd geh te lehq Sa pen muhd mig lo ngag kae tug yaog. 29 Ngag nig hehd geh gag che te yand, Khreq ve awg bon kha peh cawg che awg khuhn lag gag tug haq ngag sir che yaog.

30 A vix a nax teq paog, a nig ved Jawd mawd Yer suq Khreq haq te lehq lehd ma koz, Awg ha phu ve haq daq pehnd daq che haq te lehq lehd ma koz, ngag nig hehd haq kheh te lawg khawx che yaog. 31 Yud daq muhd mig awg khuhn maq yonr che chaw teq pa laq khuhn ngag gha pong lehq, Yer ruq sar lehnr med khuhn chehd che Khreq yad teq pa awg pun ga vid tug ngag te che kanx che ve haq Khreq yad teq pa ni ma cawd tug, ngag geh teq geha ngag awg pun bon hax ceh nux ga lawg ax mehr.*15:31 ngag awg pun bon hax ceh nux ga lawg ax mehr Yer ruq sar lehnr lo Pawd loq gha phud tug har che awg ceng cawg chehd che yaog. Cy 20:22-23 haq ngawx. 32 Kheh te lehq, Ghig sa ve a lor cawd ver, ha lehg ha ka nig hehd chehd lo gha lag gag lehq nig hehd geh ngag awg ghad kawq gha tug awg pun liz lawg-oq. 33 Duhd sa vid sehr phad Ghig sa awr lehr, nig hehd awg gha lia geh chehd vid-oq. A meng.