6
ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤁᤢᤓᤠ᤹ ᤁᤧᤒᤡᤒᤠ ᤏᤢᤛᤡ ᤔᤏᤠᤜᤠ᤹ ᤔᤧᤛᤣᤃᤧ
ᤀᤠᤸᤗ ᤂᤧᤴ ᤕᤧᤶᤔᤥ ᤜᤢ᤹ᤛᤠᤶᤒᤠᤜᤠ᤹ ᤆᤰᤔᤧᤸᤗ᤹ᤀᤣ ᤔᤧᤒᤥ᤺ᤖᤧᤖ ᤔᤧᤒᤣ᤺ᤸᤗᤧ ᤃᤪᤡᤁ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ ᤏᤢ ᤜᤡᤒᤪᤢ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ᤀᤥ ᤂᤧᤔᤠ᤹ ᤐᤥᤃᤧᤖᤥ॥ ᤃᤪᤡᤁ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ᤖᤧ ᤀᤠᤏᤡᤃᤧ ᤔᤣᤔᤣᤍᤢᤔᤠᤜᤠ᤹ ᤌᤡᤰᤕᤠ᤺ᤴᤎᤰᤐᤠ ᤆᤠᤔᤠ ᤌᤢᤱᤔᤠ ᤔᤧᤜᤠᤛᤢᤒᤠᤀᤥ ᤏᤢ᤺ᤖᤡᤰᤁᤠᤱ ᤁᤶᤒᤪᤠᤱ ᤔᤧᤴᤈᤥᤃᤢᤛᤡᤴ ᤑᤠ᤹ᤀᤠᤱ ᤗᤢᤱᤔᤧᤜᤠ᤺ᤳᤋᤢᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤌᤡᤰ-ᤏᤧᤳ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤕᤖᤢᤛᤗᤧᤔᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤔᤧᤀᤢ᤺ᤳᤋᤢᤛᤡᤀᤠᤱ ᤀᤰᤂᤣ ᤔᤧᤔᤧᤳᤋᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤆᤥ᤺ᤰᤔᤠ ᤏᤢ ᤜᤢ᤹ᤔᤠᤛᤡ ᤗᤧᤵᤔᤠᤀᤠᤱ ᤆᤠᤔᤠ ᤌᤢᤱᤔᤠᤖᤧ ᤋᤱᤃᤠᤶ ᤆᤥ᤺ᤰᤔᤠ ᤔᤧᤗᤠ᤹ᤖᤡᤃᤧᤴᤗᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤗᤢᤶᤔᤥᤗᤠᤶ ᤏᤢᤛᤡ ᤔᤡᤱᤛᤥᤍᤠᤱᤒᤠ ᤑᤠ᤹ᤀᤠᤱ ᤁᤧᤀᤡᤱᤒᤠ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤏᤢ ᤛᤡᤰᤁᤢᤶᤍᤡᤱᤏᤡᤱᤘᤠ᤹ᤖᤧ ᤁᤢᤎᤡᤶ ᤁᤧᤒᤥ᤺ᤱᤒᤠ ᤔᤏᤠᤜᤠ᤹ ᤛᤣᤃᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ ᤀᤠᤏᤡᤃᤧ ᤁᤴ ᤗᤰᤐᤧᤴᤜᤠ᤹ ᤜᤢᤰᤛᤢᤵᤋᤢᤶᤛᤡᤶᤒᤧᤀᤠᤱ ᤆᤰᤔᤧᤸᤗ᤹ᤀᤣ ᤋᤢᤘᤠ ᤆᤥ᤺ᤰᤔᤠ ᤏᤢ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤆᤥ᤺ᤰᤔᤠᤀᤥ ᤏᤢ ᤜᤢ᤹ᤔᤠᤀᤥ ᤕᤧᤶ ᤐᤡᤖᤢᤶᤒᤧ᤹ᤖᤥ॥” ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤁᤴ ᤐᤠ᤺ᤴᤏᤡᤸᤗᤧ ᤁᤠᤰ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠᤛᤢᤖᤥ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤏᤢ ᤏᤛᤠ᤺ᤴᤏᤡᤸᤗᤧ ᤁᤢᤎᤡᤶ ᤁᤧᤒᤥ᤺ᤱᤒᤠ ᤛ᤻ᤋᤡᤑᤏᤛ. ᤜᤧᤰᤁᤩᤠᤱ ᤑᤡᤗᤡᤐ. ᤐᤪᤂᤢᤖᤛ. ᤏᤡᤁᤠᤏᤥᤖ. ᤋᤡᤔᤥᤏ. ᤐᤷᤔᤡᤏᤠᤛ. ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤗᤠᤶ ᤕᤜᤢᤍᤡ ᤛᤠᤶᤕᤥᤀᤥ ᤁᤧᤍᤠ᤺ᤒᤠ ᤀᤣᤴᤋᤡᤀᤥᤁᤛ᤻ᤔᤠ ᤏᤛᤠᤏᤡᤒᤠ ᤏᤡᤁᤥᤗᤛᤧᤴ ᤔᤧᤛᤣᤃᤢᤛᤡᤀᤠᤱ ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤔᤧᤍᤠᤖᤢᤛᤡᤖᤥ॥ ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤛᤶᤍᤠᤱ ᤜᤢᤰ ᤔᤧᤏᤧᤛ᤻ᤛᤢ ᤔᤧᤒᤡᤖᤢᤛᤡᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢ᤹ᤀᤡᤛᤠᤶ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤋᤢᤘᤠ ᤔᤧᤈᤥᤃᤢᤖᤥ
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤆᤰᤔᤧᤸᤗ᤹ᤀᤣ ᤔᤧᤛᤧ᤺ᤛᤢᤖ ᤔᤧᤍᤣ᤹ᤖᤢ॥ ᤜᤧᤰᤁᤩᤠᤱ ᤕᤖᤢᤛᤗᤧᤶᤔᤥ ᤜᤢ᤹ᤛᤠᤶᤒᤠᤜᤠ᤹ ᤕᤖᤡᤰ ᤔᤧᤒᤥ᤺ᤰᤂᤧᤖ ᤔᤧᤒᤣᤀᤠᤱ ᤕᤖᤡᤰ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧᤀᤠᤱ ᤁᤴ ᤏᤛᤠ᤺ᤴᤏᤡᤴ ᤋᤧᤴᤍᤡᤱ ᤔᤧᤈᤥᤃᤢᤖᤥ॥
ᤛ᤻ᤋᤡᤑᤏᤛᤧᤴ ᤔᤧᤍᤧᤶᤛᤢ᤹
ᤀᤠᤸᤗ ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤏᤢ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤍᤡᤶᤒᤠ ᤛ᤻ᤋᤡᤑᤏᤛᤧᤸᤗᤧ ᤔᤏᤠᤗᤢᤶᤔᤥ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤏᤢ ᤔᤡᤰᤛᤣ᤺ᤴᤜᤠ᤹ ᤆᤥᤃᤢᤖᤥ॥ ᤁᤖ “ᤆᤥ᤺ᤰᤕᤢᤶᤓᤥᤛᤠᤒᤠᤜᤠ᤹ᤖᤧᤴ* “ᤆᤥ᤺ᤰᤕᤢᤶᤓᤥᤛᤠᤒᤠ” ᤔᤧᤔᤧᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤋᤃᤡ ᤖᤥᤔᤡᤜᤠ᤹ᤖᤧ ᤂᤢᤏᤡ᤹ ᤕᤥ᤺ᤰᤐᤠ ᤕᤥ᤺ᤰᤔᤠ ᤔᤧᤘᤕᤧ॥ ᤆᤢᤶᤗᤢᤱᤜᤡᤶ” ᤔᤧᤵᤔᤏᤠᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤁᤧᤕᤠᤰᤐᤠ ᤁᤢᤓᤠ ᤔᤏᤠᤜᤠ᤹ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤔᤧᤒᤥᤃᤧ॥ ᤂᤧᤱᤜᤠ᤹ ᤛᤠᤀᤡᤖᤣᤏᤡ ᤏᤢ ᤀᤗᤧᤰᤈᤧᤴᤍᤪᤡᤕᤠ ᤕᤧᤰᤕᤰ. ᤜᤧᤰᤁᤩᤠᤱ ᤛᤡᤗᤡᤛᤡᤕᤠ ᤏᤢ ᤀᤣᤛᤡᤕᤠ ᤋᤧᤱᤃᤵᤛ᤻ᤔᤠ ᤕᤜᤢᤍᤡ ᤔᤧᤘᤕᤧᤖᤥ॥ ᤂᤧᤱᤜᤠ᤹ᤖᤧ ᤛ᤻ᤋᤡᤑᤏᤛᤏᤢ ᤐᤠ᤺ᤴ ᤌᤰᤔᤠ ᤔᤧᤜᤣ᤺ᤰᤋᤢ. 10 ᤁᤖ ᤛᤣᤛᤣᤔᤠᤱᤗᤠᤶ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤥ ᤛ᤻ᤋᤡᤑᤏᤛᤧᤴ ᤐᤠᤖᤧᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤐᤠ᤺ᤴᤎᤱᤅᤥ ᤏᤠ᤺ᤶᤔᤠ ᤔᤧᤴᤇᤢᤰᤋᤢᤴᤗᤥ॥
11 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤫᤠ᤺ᤳᤋᤠᤱ ᤔᤏᤠᤜᤠ᤹ ᤀᤰᤂᤣᤗ᤹ᤖᤡᤰ ᤐᤠ᤺ᤵᤔᤠ ᤔᤧᤜᤢᤛᤢᤛᤡᤖᤥ. “ᤀᤠᤏᤡᤃᤧᤃ ᤁᤸᤗᤧ ᤔᤥᤛᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠᤖᤧᤒᤠ ᤂᤧᤵᤛᤢᤶᤒᤧᤖᤥ॥”
12 ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹. ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤘᤣ᤹ ᤔᤏᤠᤜᤠ᤹ ᤔᤧᤓᤥ᤺ᤰᤂᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤍᤩᤧᤀᤠᤱ ᤛ᤻ᤋᤡᤑᤏᤛᤧᤴ ᤔᤧᤍᤧᤶᤛᤢᤀᤠᤱ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤕᤧᤈᤢᤶᤓᤥᤀᤥ ᤔᤧᤍᤣ᤹ᤖᤢᤖᤥ॥ 13 ᤜᤧᤰᤁᤩᤠᤱ ᤑᤥᤋᤩᤠᤒᤠ ᤋᤥ᤺ᤴᤍᤡ ᤐᤡᤛᤧ ᤔᤧᤍᤠᤖᤢᤛᤡᤒᤠᤜᤠ᤹ᤖᤧ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢ. “ᤁᤴ ᤔᤏᤠ᤺ᤸᤗᤧᤃ ᤀᤠᤵᤑᤠᤸᤗᤧᤛᤠᤱ ᤁᤴ ᤛᤣᤛᤣᤔᤠᤱᤜᤡᤶ ᤏᤢ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤠᤖᤧᤒᤠᤖᤰ ᤂᤧᤵᤛᤢᤶᤒᤧᤖᤥ॥ 14 ᤜᤧᤰᤁᤩᤠᤱ ᤁᤸᤗᤧᤃ. ᤏᤠᤛᤖᤋᤛ᤻ᤔᤠ ᤕᤧᤛᤢᤖᤧ ᤁᤴ ᤔᤠᤱᤜᤡᤶᤔᤡᤴ ᤕᤛ᤻ᤛᤢᤀᤠᤱ ᤔᤥᤛᤠᤖᤧ ᤀᤠᤒᤡᤖᤧ ᤀᤠᤕᤢᤛᤧᤒᤠ ᤛᤠᤰᤌᤡᤶᤜᤠ᤹. ᤆᤥ᤺ᤰᤌᤡᤶᤜᤠ᤹ ᤁᤧᤖᤧᤰ ᤗᤧᤰᤂᤢ ᤀᤠᤒᤡᤖᤧᤖᤥ ᤗ᤹ᤖᤡᤰ ᤐᤠ᤺ᤳᤋᤢᤖᤥ॥”
15 ᤜᤧᤰᤁᤩᤠᤱ ᤂᤧᤴ ᤆᤢᤶᤗᤢᤱᤅᤥ ᤁᤧᤕᤢᤱᤒᤠᤜᤠ᤹ᤖᤧ ᤂᤢᤏᤧ᤹ ᤀᤍᤰᤋᤰᤁᤠᤱ ᤀᤥᤔᤧᤔᤧᤳᤋᤢᤸᤗᤧ ᤁᤢᤏᤠᤖᤠ᤺ᤱᤃ ᤔᤠᤱᤗᤠᤀᤡᤱᤒᤠᤸᤗᤧᤴ ᤜᤧᤰᤁᤣ ᤀᤥ᤺ᤳᤋᤧᤒᤠ ᤔᤧᤏᤡ᤺ᤛᤢᤖᤥ॥

*6:9 “ᤆᤥ᤺ᤰᤕᤢᤶᤓᤥᤛᤠᤒᤠ” ᤔᤧᤔᤧᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤋᤃᤡ ᤖᤥᤔᤡᤜᤠ᤹ᤖᤧ ᤂᤢᤏᤡ᤹ ᤕᤥ᤺ᤰᤐᤠ ᤕᤥ᤺ᤰᤔᤠ ᤔᤧᤘᤕᤧ॥