1 Tutui malole ia. Manetualain Anan*Dedeꞌa ‘Manetualain Anan’ taa hambun nai susula isi-isik luma. tutuin ia. Ndia naden Yesus Karistus, fo Manetualain tudu mema kana, neme makahulun ele mai so. Tutuin natahuhuun leoiak:

2 Yesus bei taa mulai tao Ndia ue-ledin, tehuu Manetualain nadenu nakahuluk hataholi esa so, nade Yohanis. Yohanis musi neu sadia dalak soaneu Yesus mamain. Huu makahulun ele, Manetualain pake mana toꞌu halak esa so, nade Baꞌi Yesaya. Ana sulak mema kana so, nae:

4-6 Hataholi la lateme loke Yohanis na, lae, Mana Salanik. Ana leo nai mamana nes. Baloꞌa papaken, nana tenuk neme banda onta bulun mai. Kalikeen nana taok neme banda louk mai. Ndia nanaꞌa-nininun, lamak ma fani oe nula. (Yohanis dala sodan ia, sama leo Baꞌi Elia nai fai makahulun ele.)✡2 Mane-mane kala 1:8

Faik ndia, hataholi la noꞌuk leme kota Yerusalem mai, ma, basa propinsi Yudea isi nala, mai latonggo lo Yohanis nai ndia mamanan ndia. Ala mai sangga lita Yohanis, ma, lamanene nanonolin. Yohanis nafada sala nae, “Ei musi manaku, ma, laꞌo ela basa ei sala-singgo mala, fo suek Manetualain koka heni sala-singgo kala sila. Basa, na, ei musi salani dei, fo dadik tanda nae, ei mole mia Lamatuak so.”

Boe ma, ala manaku sala-singgo nala, de, ana salani sala leme lee Yarden.

7 Ana nafada nae, “Neu ko hambu Hataholi esa, ana selin lena heni au, ana sangga mai. Leomae kada dadik neu Ndia hataholi nadedenun boe oo, au taa andaa.†Susula dedeꞌa Yunani isi-isik nana sulak, nae, ‘Makatele fo sefi sapatun talin boe oo au taa andaa.’ Ndia sosoan, nae, Yohanis kada hataholi anak, de leo mae daꞌdi Lamatuak Yesus nadedenun boe oo, ndia taa nandaa. 8 Au bisa salani ei unik kada oe mesan, tehuu, dei fo Ana tao lena heni au, huu Ana tao nahenu ei dale mala, no Manetualain Dula Dale Malalaon.”

9 Faik ndia, Yesus neme nggolo Nasaret fo nai propinsi Galelea mai, fo natonggo no Yohanis. Boe ma Yohanis salani Ndia neme lee Yarden. 10 Ledoeik Yesus kalua neme oe dale mai, tutik nita lalai natahuꞌak. Basa boe ma, Manetualain Dula Dalen sama leo mbui lunda esa, konda neu Yesus. 11 Boe ma lamanene Manetualain halan neme lalai mai, nae,

12 Basa ndia, boe ma Manetualain Dula Dalen hela noo Yesus neni mamana nes esa neu. 13 Nai ndia hambu banda fui la boe. Yesus leo nai mamanak ndia, faik haa hulu. Nai ndia, nitu la malanggan mai fufudi-oꞌodo Yesus fo suek Ana tungga ndia, tehuu taa nala sana. Basa ndia, boe ma Manetualain ata nala leme nusa-sodak mai de ala ono-lau Ndia.

14 Fain, ala tao Yohanis Mana Salanik neni bui dale neu, boe ma Yesus neni nusa Galilea neu, fo Ana tui-bengga Manetualain Hala Malolen nai ndia. 15 Ana nafada, nae,

16 Faik esa, Yesus laꞌok tungga dano Galilea bifin. Ana nita hataholi esa, nade Simon, no fadin, nade Anderias. Dua sala dala iꞌak. Sila ue-ledin tungga-tungga faik ndindia. 17 Yesus noke sala de nae, “Wei! Mai fo tungga Au leo. Ei mateme sangga iꞌak tungga-tungga faik, tehuu hatematak ia, na, Au sangga tao ei dadik miu mana sangga samanek.” 18 Lamanene leondiak, boe ma dua sala foꞌa laꞌo ela sila dala nala, de leu tunggamemak Ndia.

19 Basa ndia, boe ma Yesus laꞌok nakandoo fa, boe ma nita Sabadeus ana nala. Kaꞌak nade Yakobis ma fadin nade Yohanis. Dua sala lafafaꞌu mbuꞌa nala lai ofak lain. 20 Yesus noke dua sala, de, nae, “Wei! Mai fo tungga Au.” De dua sala laꞌo ela aman no hataholi mana tao ues lai ofak lain. Boe ma leu tunggan Ndia.

21 Boe ma Yesus no hataholi kahaa kala, mana tungga Ndia, laꞌok losa nggolo Kapernaum. Faik fo hataholi Yahudi la fai huhule-haladoin,‡Hataholi Yahudi la fai huhule-haladoin, fai hahaen, do fai hahae tao ues, ala lae ‘Fai Sabat’. boe ma Yesus maso neni uma huhule-haladoik dale neu, de nanoli nai ndia. 22 Hataholi la lamanene Ndia kokolan, boe ma basa hataholi heran lalan seli, huu Ana bubuluk tebe-tebe nanonolik ndia isin. Ndia taa sama leo hataholi Yahudi la mese nala.✡Mateos 7:28-29

23 Faik ndia, hambu hataholi nitu nalak esa. Ndia boe oo, maso neni uma huhule-haladoik dale neu, boe ma nitu manai hataholi ndia dalek, nakau nae, 24 “Wei! Yesus, hataholi Nasaret aa! O dedeꞌa hatam mua ai! O sangga mai tao makalulutu ai do? Ai malelak O so. O ia ndia Hataholi fo makahulun ele Manetualain helu, nae, Ana fee O mai. O ia, Lamatuak Hataholi Malalaon fo salan taa.”

25 Tehuu Yesus nasapala kana nae, “Seu o bafam! Kalua muma hataholi ndia dalek mai leo!”

26 Boe ma nitu ndia tao nala hataholi ndia ana leꞌa nalan seli. Boe ma ana kalua neme hataholi ndia dalek mai, ma nakau tingga-tingga. 27 Basa boe ma, basa hataholi malai uma huhule-haladoik ndia dale kala lamanggonggoak. Boe ma basa sala lakokola, lae, “Awii! Hata ia bae? Ana palenda nitu la fo ala kalua, boe ma ala tungga Ndia hihii-nanaun. Nanonoli beuk ia hetu maa? Tou lasik ia, Dedeꞌa-kokolan ana seli, maa!”

28 Boe ma hataholi la mulai tui lafeok neme bafak mai neni bafak neu, de nakambela losa basa nggolo kala malai propinsi Galelea ndia.

29 Ledoeik ala kalua leme uma huhule-haladoik dale mai, boe ma Yesus neni Simon no Anderias uman neu. Yakobis no Yohanis leu noꞌu lon. 30 Nai ndia, Simon alinan sumai, de nakambeꞌuk nai koi lain. Ledoeik Yesus no ana mana tungga nala leni uma dale leu, boe ma hataholi la mai lafada lae, “Ina lasik sumai.”

31 Basa ndia, boe ma Yesus neu tilo ina lasik, boe ma Ana toꞌu nala liman, de nafofoꞌan. Boe ma, ina lasik sumain mopon heni tuti kana. Basa boe ma, ina lasik kalua, de neu ono-lau sala.

32 Ledoeik ledo mulai tesa, boe ma hataholi la loo sila hataholi kamahedi nala, ma hataholi nitu nala kala leni Yesus mai, fo loke tulu-falik. 33 Losa basa hataholi la kota esa isi nala mai lakahohombu, lai uma ndia pasan. 34 Hataholi la sila hedi nala mata-mata kala, tehuu Yesus tao nahai basa sala. Ma Ana husi kalua heni nitu makadotok nalan seli. Tehuu Ana taa mboꞌi nitu la sila kokolak, huu lalelak Ndia.

35 Neu foꞌa mai lolembilan, fo bei makikiu anak, tehuu Yesus foꞌa, de Ana neni uma ndia deak neu so. Ana neni mamana linok esa neu, de Ana hule-haladoi, ma nakokola no Manetualain. 36 Ledoeik Simon asa foꞌa, tehuu taa lita Yesus so, boe ma ala leu sanggan. 37 Ledoeik ala latonggo lo Ndia, boe ma lafada lae, “Ama, hataholi noꞌu kala sangga Ama.”

38 Tehuu Ana nataa nae, “Ndia malole boe. Tehuu malolenak ita teni nggolo feꞌek mana dekak nai iak teu dei. Huu Au sangga afada Hala Malole neu sala boe. Te Au ue-leding ndia.”

39 Basa boe ma, Ana laꞌok ndule basa propinsi Galelea, de nafada Manetualain Hala Malolen nai sila uma huhule-haladoin dale. Ma Ana husi heni nitu la leme hataholi la dalek mai boe.✡Mateos 4:23; 9:35

40 Faik ndia, hataholi kamahedi kusta esa neni Yesus mai. Boe ma ana sendek lunggulanggan de noke tulun Yesus nae, “Ama aa! Fali mala au dei! Huu au bubuluk Ama bisa tao mahai au heding ia, fo suek hataholi la boso nunute au. Sadi Ama nau.”

41 Basa ndia boe ma Yesus tuda kasian neu hataholi ndia, boe ma Ana look liman neu de Ana tai laꞌen, boe ma nafada nae, “Memak! Au nau! De, o hai leo!” 42 Nggenge neuk hataholi ndia hedin mopon. Boe ma ana hai tutik. 43 Boe ma Yesus nadenu hataholi ndia fali, ma Ana fee nasanenedak neun, 44 nae, “Masanenedak neulalau. O hai ia so, tehuu taa bole mafada sudi see, baa! O musi tungga Baꞌi Musa palendan dei. De, muni malangga anggama muu, fo ana palisak o aom, ma ana mete o heꞌdim mopo tetebes so, do beik. Boe ma o musi fee tunu-hotuk, dadik tanda makasi, fo suek basa hataholi la bubuluk lae, o hai tebe-tebe so.”✡Malangga Anggama la Heti-heun 14:1-32

45 Tehuu hataholi ndia kalua nala deak, boe ma neu tui nafeok sudi nai bee. Basa ndia, boe ma hataholi noꞌu kala lasanggak fo latonggo lo Yesus, losak Ana taa bisa natodak matan nai kota ndia. De Ana leo nahele nai kada mamana nes manai kota deak. Tehuu hataholi la lafaan leme basa mamanak lalaꞌen mai, fo ala nau latonggo lo Ndia.