125
Úpí la ꞌbá ĩꞌdidrị̂ kí tãmba nĩ
1 ꞌBá ásị́ tị̃lépi Úpî drị̃ gá ri kí cécé ꞌbé Zị̃yọ́nị̃
ãko ãzí ꞌbã icólé ayalé ku rĩ áni, wó ĩꞌdi pá tu jãꞌdâ.
2 Úpí la ꞌbá ĩꞌdidrị̂ kí andre ce
ụ́ꞌdụ́ ãlu ãlu sĩ ãzíla vâ jãꞌdâ,
cécé ꞌbé ꞌbã kí Yẹ̃rụ́sãlẹ́mụ̃ andre cejó trộkị́lịrị rĩ áni.
3 ꞌBá ũnzí rĩ icó ũpĩ nalé
ãngũ fẽlé ꞌbá ãlá rĩ ꞌbaní rĩ agá ku,
drĩ na la rá, ĩꞌdi ꞌbá ãlá ri kí ũŋmĩ
sĩ ị́jọ́ ũnzí ngajó rá.
4 Úpí mí idé mũkẽ ꞌbá múké rĩ ꞌbaní
ꞌbá ãzị́táŋá mídrị̂ kí tãmbalépi rĩ kí abe.
5 Wó Úpí míní ꞌbá ru ujalépi gẹ̃rị̃ gọ́ꞌdọ́ ri kí agá rĩ ꞌbání drị̃rịma fẽ agâ,
ífẽ vâ drị̃rịma ꞌbá ị́jọ́ ũnzí ngalépi rĩ ꞌbaní ĩndĩ.
Ásị́ ị̃gbẹ̃ ꞌbã adru Ịsịrayị́lị̃ drị̃ gá.