137
ꞌBá Ịsịrayị́lị̃ drị̂ ꞌbã kí awájó Bãbụ̃lọ́nị̃ gá rĩ
1 Ị̃yị́ Bãbụ̃lọ́nị̃ drị̂ ꞌbã tị gá ꞌdãá,
ãma uri ándrá vũ gá, ãma awá dó
Zị̃yọ́nị̃ ꞌbã ị́jọ́ ꞌbã agájó ãmaní rĩ sĩ.
2 Ãma ũgĩ ándrá ụ̃ꞌdị́ ãmadrị̂ kí
mụ̃rị̃jị́ŋị̃ ị̃yị́tị gá rĩ kí ꞌbã kénĩ kí agá,
3 ãꞌdusĩku ꞌbá ãma rụlépi ãtíꞌbó ru rĩ
lẽ kí ándrá ãngo ĩꞌbaní úngó,
ꞌbá ãmaní ũcõgõ fẽlépi rĩ jọ kí,
“Ĩngo ãmaní úngó ĩminí jõ sĩ ãyĩkõ idéjó Zị̃yọ́nị̃ gá la ꞌbã ãzí ãlu!”
4 Ãma icó dó úngó Úpí drị̂ ngolé
ãmị́yọ́ŋá ꞌbã ãngũ gá íngoní ru?
5 Yẹ̃rụ́sãlẹ́mụ̃, ádrĩ ị́jọ́ ãvĩ ími drị̃ gá rá,
lẽ áma drị́ ãndá rĩ ꞌbã co dó ụ̃ꞌdị̂ ị̃dị́ ku!
6 Ádrĩ ị́jọ́ ãvĩ ími drị̃ gá rá,
ádrĩ Yẹ̃rụ́sãlẹ́mụ̃ ꞌbã
ị́jọ́ mání ãyĩkõ fẽlépi rĩ kí drị̃lẹ́ gá ãndânĩ ku,
lẽ áma ĩdra ꞌbã ĩbĩ ru áma atrákụ̃lẹ́ gá cí.
7 Úpí, mí igá drĩ ị́jọ́ ꞌbá
Ídõmũ drị̂ ꞌbã kí idélé rĩ kî,
mí agá drĩ ị́jọ́ ụ́ꞌdụ́ ándrá sĩ Yẹ̃rụ́sãlẹ́mụ̃ ꞌdụjó,
ụ́ꞌdụ́ ĩꞌbã kí sĩ jọjó la “Ĩmi andi ĩꞌdi vũ gá, ĩmi andi ĩꞌdi vũ gá rĩ ꞌbã drị̃ gá!”
8 Bãbụ̃lọ́nị̃, ála mụ ími andilé rá.
Drị̃lẹ́ba ꞌbá ími ũfẽlépi
ị́jọ́ míní idélé ãma ụrụꞌbá gá rĩ sĩ rĩ ꞌbanî.
9 Drị̃lẹ́ba ꞌbá anzịŋá ĩmidrị̂ kí ꞌdụlépi
sĩ kí ũgbãjó bõrõ ụrụꞌbá gá rĩ ꞌbanî!