Zaburi 87
Zaburi mar yawuot Kora. Wer.
1 Oseguro mise mare ewi got maler;
2 Jehova Nyasaye ohero rangeye mag Sayun,
moloyo kuonde dak duto mag Jakobo.
3 Ji wacho gik madongo kuomi,
yaye dala maduongʼ mar Nyasaye:
Sela
4 “Abiro kwano Rahab*Nying machielo midendogo Misri. gi Babulon
e kanyakla mar joma ongʼeya,
nyaka Filistia bende, kod Turo, kaachiel gi Kush
kendo abiro wacho ni, ‘Ngʼatni nonywol ei Sayun.’ ”
5 Adier, nowachi kuom Sayun niya,
“En min ogendini mathoth,
kendo Nyasaye Man Malo Moloyo owuon biro chunge.”
6 Jehova Nyasaye biro ndiko e kitabu mindikoe nying ogendini kama:
“Jali nonywol ei Sayun.”
Sela
7 Sa ma giloso wer to giniwer niya,
“Soknina duto ni e iyi.”