5
Yihr Yaa Doonge Kedea Yaa Rihj
5:1 1:21 A ge beehda ukiihj wa wun kedea a ge aniid kaa ajoohr Jeacuu Kriihjto kii ngo kedea ngo ngahya kejea boadh wahy uyoada, nyingu kwaya kwayo wu ukiihye, 5:2 Jon 21:15-17; Tiihy 20:28; 1Tim 6:5 ungahyu nyethen Juog ke kwaago beer mee. Kaahnu gen beer mee padh ke nying dhaano maa ater wun yi tiihy nu, abea bang gihn beehda tiihj, me wu naa apar ngo wu keedu wa ka daahd Juoge. Kedea padh tiihj maa adeehju yi cwihnyu ke nying koog. 5:3 2Kor 1:24; Pihp 3:17; Tii 2:7 Ge keá kaahnu ke cing nyooro, kaahnu gen beer bang ungoor gene kaa atiihyu kii ngo. 5:4 1Kor 9:24-25; 1Pii 1:4 Kaahnu gen beer mee beere muuny me guge tooro yoadu yoado bang Jeacuu ngad kwaag wun.
5:5 Epi 5:21; Jeam 4:6 Wa gihn nu thiow, wu yaa rihj lihngu lum yaa doonge kedea konyu rogu konyo ke dhe yooh me dhaano ree be leeye. Keá ngaa beel wa kaa agweede yi kitaab Juog naa,
“Juog be daahd ngad nhyaam
kedea muuny gihre cube ke yihr ngaa me padh ngad beel.”
5:6 Jeam 4:10 Nahgu nyoge me padh yaa beel nyum Juog ge yihre ne tee me duohng beere cahng pare ngo e wudhu tihnge ke maalo. 5:7 Mat 6:25-30; Pihp 4:6 Wiiu giih dieru ke nying gen yi cinge bang gihn e naa ngaa kwaag wun.
5:8 1Th 5:5-8 Ngahyu rogu ke kaahno bang gihn atiihb ukeehg ngad mahnu ngo uwihno ne daahd ngaa me dwaahnge wa gihr nguu maa awaahdh ge cej ngaa me came. 5:9 Epi 6:11-12; Jeam 4:7 Rogu keá meehgu dwaahngo yihre kedea magu yi yiiho gihru teeg mee kedea ngahyu ngo kejea kwaad giih ajohr ge ayoad wun ge ke tiihyo rog yaa ayiiho ke bang upiny cang.
10  5:10 1Th 2:12 Juog ngaa cub muuny, ge acuohn wun yi dhaahre ne beehdo tiehd ke Jeacuu Kriihjto, ubeehn ke ngude ucube thaahdhu piny beer mee uyuge wun teeg ubahnge yiiho gihru yea be lwagu batien kaa abuohju yihdh giih ajohr. 11 Kedea e ne yihre ne tee me guge tooro. E noono.
12  * 5:12 Cihla: 1Th 1:1 Beehda warga me thiin mee e gihn agweeda yihru kedea ngo acuba yi Cihla. Cihla, nea ke kur mara, e ngo umiiho maa ayiih lum Juog ne cohg. Ngo gaahna gaahno kejea wargahng ni cwihnyu umeehge teehngo bang gihn, dhe yooh maa adiehr, ge beehn Juoge udoge nyoge, ngo agweeda yihru. Dhe yoohn nu, baru maalo keehde.
13  5:13 Maarko: Pihl 24 Akuud yaa ayiih ge beed geen Baabihloanya ge akuud gen akwany Juoge wa akuud maru, wu amaahdh gene kedea Maarko waahda ke nying Jeacuu wu amaahdhe. 14 Maahdhu rogu naa aciel acielo ke cing apaar.
Beehdu ke yoohm rogu wu yaa anweehd Juoge ke Jeacuu Kriihjto.

5:1 5:1 1:21

5:2 5:2 Jon 21:15-17; Tiihy 20:28; 1Tim 6:5

5:3 5:3 2Kor 1:24; Pihp 3:17; Tii 2:7

5:4 5:4 1Kor 9:24-25; 1Pii 1:4

5:5 5:5 Epi 5:21; Jeam 4:6

5:6 5:6 Jeam 4:10

5:7 5:7 Mat 6:25-30; Pihp 4:6

5:8 5:8 1Th 5:5-8

5:9 5:9 Epi 6:11-12; Jeam 4:7

5:10 5:10 1Th 2:12

*5:12 5:12 Cihla: 1Th 1:1

5:13 5:13 Maarko: Pihl 24