5
1 5:1 Mat 5:48; 1Jon 3:1 Me neehn maano nahgu nyethen Juog maa anhyaare e kea romu rogu rih Juog. 2 *5:2 3:17-18; 4:2, 15-16; 1Kor 8:1; 2Kor 5:14; Gal 6:10; Pihp 2:2; Klo 2:2; 3:14-15Ne gihr remo: Gal 1:4; Judea 10:5-10 Kedea cubu cwihnyu yi nhyaahro wa kaa anhyaar Jeacuue won, uwiie ree yi thoo ke nyingo. Wahye acube yi thoo ne gihr remo yihr Juog ke dhe yooh me nhyaar Juoge. Juog gihn atiihy Jeacuue ngo anhyaare.
3 5:3-5 Gal 5:19-215:3 Klo 3:5 Me neehn maano nahgu jo yiiho, giih bal wale giih cwaahne wale giih lahj cwihny ge keá kuong ke lihngo kejea ge tiihyu tiihyo bange ge maahn nea ge yug yaa Juoge yugo. 4 5:4 4:29; Klo 3:8 E thiow, keá ne ngaa thoohr lubo ne cud rih dhaano, wale keá ne ngaa yahdo kaa ayaany bal, abea nahge ke Juog cog e ne koohre muohju. 5 5:5 Rom 5:17 Dhiilu ngo ke ngahyo kejea kwaad ngaa yug giih bal, wale giih cwaahne wale giih lahj cwihny, Dhaahr Jeacuu kedea Juog be kuonge ke yoado ne weey weey. Ngad lahj cwihny room ka ngaa me wuor giih tieng ne wuor Juog. 6 5:6 Rom 1:18; Epi 2:3; Klo 2:4, 8; 3:6 Rogu keá weehgu dwaahngo yihr nyoge ke luub tooy cwihny, bang gihn kwaad luub nu ge ne weehg cwihny Juog rahnyo rog yaa be wuor lume. 7 Caahn e wu keá mahd tiehd keehd kwaad yaa rob luub nu.
8 †5:8 Coon: 2:3, 11-12; 4:17-18, 22; Klo 3:7; Tii 3:3Nyoge me ngahy Juog: Jon 8:12; Klo 1:13; 1Pii 2:9 Coon wu anahg nyoge me beed yi muudho me Juog anaa akwihyu, abea naa adoohngu ne nyoge me ngahy Juog e wu tooro yi muudho. Nea maano e wu dhiil beehdo yi daahr Juog 9 5:9 Gal 5:22-23 naa abiohgrwaale kedea ke tiihy gihn me beer kedea rob adiehr. Kaano wu niid ne nyoge me beed yi daahr Juog. 10 5:10 Rom 12:2; 1Th 5:22 Ceju gihn meehg cwihny Juog mihno. 11 Cwihnyu keá thoohru ne yug kwaad giih cwaahne e yug yi muudho, abea dhiilu ngo ke cier piny kejea kwaad giih nu ge reje. 12 (Keehd rob now ke nying giih tiihy gene ke piny kahl yaahr kuohm me duohng.) 13 5:13 Jon 3:20-21 Abea nea kwaad giih nu tiihy gene ke piny, ge beehn wong daahr e kihd gen ke ngahyo thiow. 14 5:14 Jeam 5:8 Bang gihn, gihn nii daahr ngo uneehno ne dahr. Ke nying gihn nu e ngo arob naa, “Yih ngaa aneno ni, tahngi uduu wahyi rihi keehdo kedea Kriihjto daahre yih umeenye.”
15 Wa maano, cubu wudhu piny rih dhe yoohn ka beehdu kii ngo. Wu keá beehdo ke beehd nyoge me gihn me ngahy gene tooro, abea beehdu ke beehd nyoge me ngahy luube. 16 5:16 Klo 4:5 Nea dhe yoohn tiihy gihn me beer nud e kea tiihyu ngo bang gihn awaahn ni piny anyoan ke giih anyoohne. 17 5:17 1:17; Rom 12:2 Rogu keá yugu ne nyoge me wudh gen tooro, abea dhiilu cwihnyu ke deedo ne ngey gihn daahd Juoge bangu. 18 5:18 Rom 13:13 Rogu keá wiiu yi koongo bang gihn ngo yihny wun now, abea tiihyu ke gihn me weehg Wahy Juog yaahng koohmu. 19 5:19-20 Klo 3:16-17; Judea 13:15 Ge mahd wudhu kea rubu e wu puoj Juog e wu wahr wahy apoong Juog ke gen yi kitaab Juog kedea wahy poong Juog mooge. Kiidu wahr giih nu kiido e aduunu athoohru ne puoj Juog ne cohg. 20 Leeyu Juog Wuur yi kwaad gihr ukuom cang ke nying Jeacuu Kriihjto Ruohdho.
Dhe Yoohn Kaahn Paajo
21 5:21–6:9 Klo 3:18–4:1; 1Pii 2:18–3:7; 1Tim 2:1-13; Tii 2:1-10; 1Jon 2:12-175:21 1Pii 5:5 Beehdu ke rogu e dhaano wuor leeb wad gen ne nyoadh ka wuoru Ngad Boadh nyoge.
22 5:22-24 Klo 3:18; Tii 2:5; 1Pii 3:15:22 1Kor 14:34-35 Wu maahn, wuoru leehb cuowu wa ka wuoru Ngad Boadh nyoge. 23 5:23 1:22; 1Kor 11:3 Dhecuow en ne wiihe ne lubo paajo, wa ka nahge Jeacuu en ne wiihe ne lubo ke nying akuud yaa ayiiho e beehda kuohme. Jeacuu e beehda ruohdh akuud yaa yiiho e ne boadh nyoge. 24 Wa maano e luub cuow cang ne teed gene dhiil maahne kaa lihngo, wa ka dhiil akuud yaa yiihoe lum Jeacuu ke lihngo.
25 5:25-28 1:23; Klo 3:19; 1Pii 3:75:25 3:19 E cuow dhiilu maahnu ke nhyaaro wa ka nhyaahr Jeacuue akuud yaa yiiho, adhaahr ucube ree yi thoo ke nying gen. 26 ‡5:26 Luogwahy: Rom 6:3-4; Tii 3:5; Judea 10:22 Ree acube yi thoo beere akuud yaa yiiho yuge yugo utoor adhemuohme batien kaa aluoge yaa ayiiho ke piih ke dhe yoohn puohny Ciig Beer. 27 5:27 1:4; 2Kor 11:2; Pihp 1:10; Klo 1:22 Ree acube thiow beere akuud yaa yiiho mahd bange e ne cal cal, kihd awuohj, adhemuohm wale gihn me raaj me thiin tooro ree. 28 Cuow thiow dhiil gene maahn gen ke nhyaaro wa ka nhyaar gene koohm gen ke ngude, bang nhyaar dhaago nyoadh ngo kejea dhaano ree anhyaare. 29 Kihd ngaa me kwaahdh kuohme tooro, wa ka buohj dhaane ke cej cam me came kedea ubuohje ke koar kuohme utoor gihn me yoad ngo. Jeacuu thiow ubuohj ke nying akuud yaa yiiho wa maano. 30 5:30 1:23; 1Kor 12:27 Buohj Jeacuu ngahyo bang gihn wo beehda akuud yaa yiiho, ge beehda kuohme. 31 Agweed yi kitaab Juog naa,
“Dhecuow wahn ge ke men,
ge wiie ke piny umade ree bang ciihe
beere ge udoohng ne kuohm acielo.”
32 5:32 Any 19:7 Yi gihn ni agweed, nud kaa adiehr me lum yea apoohdo e kuu anyoadh abea nea mara, e ngo rubo kaa nying Jeacuu kedea akuud yaa yiiho. 33 E thiow, lum ni be rubo kaa nying Jeacuu kedea yaa yiiho keed gen. Ngo teed ngo kejea kwaad dhecuow cang nhyaare ciihe wa kuohme, kedea kwaad dhaago cang wuore cuore.
5:1 5:1 Mat 5:48; 1Jon 3:1
*5:2 5:2 3:17-18; 4:2, 15-16; 1Kor 8:1; 2Kor 5:14; Gal 6:10; Pihp 2:2; Klo 2:2; 3:14-15Ne gihr remo: Gal 1:4; Judea 10:5-10
5:3 5:3-5 Gal 5:19-21
5:3 5:3 Klo 3:5
5:4 5:4 4:29; Klo 3:8
5:5 5:5 Rom 5:17
5:6 5:6 Rom 1:18; Epi 2:3; Klo 2:4, 8; 3:6
†5:8 5:8 Coon: 2:3, 11-12; 4:17-18, 22; Klo 3:7; Tii 3:3Nyoge me ngahy Juog: Jon 8:12; Klo 1:13; 1Pii 2:9
5:9 5:9 Gal 5:22-23
5:10 5:10 Rom 12:2; 1Th 5:22
5:13 5:13 Jon 3:20-21
5:14 5:14 Jeam 5:8
5:16 5:16 Klo 4:5
5:17 5:17 1:17; Rom 12:2
5:18 5:18 Rom 13:13
5:19 5:19-20 Klo 3:16-17; Judea 13:15
5:21 5:21–6:9 Klo 3:18–4:1; 1Pii 2:18–3:7; 1Tim 2:1-13; Tii 2:1-10; 1Jon 2:12-17
5:21 5:21 1Pii 5:5
5:22 5:22-24 Klo 3:18; Tii 2:5; 1Pii 3:1
5:22 5:22 1Kor 14:34-35
5:23 5:23 1:22; 1Kor 11:3
5:25 5:25-28 1:23; Klo 3:19; 1Pii 3:7
5:25 5:25 3:19
‡5:26 5:26 Luogwahy: Rom 6:3-4; Tii 3:5; Judea 10:22
5:27 5:27 1:4; 2Kor 11:2; Pihp 1:10; Klo 1:22
5:30 5:30 1:23; 1Kor 12:27
5:32 5:32 Any 19:7