Eling'olo no Weli lya
Jodani
Okulimukisa ku ling'olo lya Jodani no weli
Elin̄olo la Jowani eli no matatekelo kame lina kun̄oliwa kwa mutumiwa Jowani mukaci no myaka makumi mutanu ni makumi aatu ni myaka mutanu (85) munyima no kuleiwa kwa Kilesite. Jowani kaku limukisa yonyene nji yo mun̄oli, kono ekauhanyo no matatekelo kamaimonisa nji, yo paki kuupilo ni kwinguka kwa Jesu (1.1-3). Omukwa no mun̄olelo kama ukufekile kanyi omun̄olelo namu Eliywi okwamana ni Jowani. Kame kulumeliwa nji Jowani yona kun̄ola Eliywi okwamana nji Jowani mane ni man̄olo aatu, 1 Jowani, 2 Jowani mane ni 3 Jowani abo yosiyoya mu Efesasi.
Jowani nakun̄ola eli lin̄olo kwaa sikulapela onje banako eyo Ekeleke aba ina kwikalanga muutata kutundelela kusikwata sina kwiisaniwa “Gnositics.” Aa aanu onyene kamana kulumela nji Jesu luli yo Nyambe kono kasa neli luli munu ni lutu no unu muno mulitunga. Mulibaka eli Jowani kame an̄ola eyi no upaki no kumona oupilo wa Jesu mane ni kumulema (1.1-3) Omulelo wa Jowani mu kun̄ola eli lin̄olo neli kutenda okuwabelelwa okumanenenwa, (1Jowani 1.4) okubabalela alumeli kukutenda esibi (1Jowani 2.1), okubukeleza alumeli kuti tuto nomapwa (1Jowani 2.26), mane niku sepisa alumeli nji namu yoyisiwa (5.13)
Emitwi no yambo
Jowani kama alimukisa elin̄olo lyaye mane nikuba etuso imweya eyo ana kulin̄olela (1.1-4).
Kame atoloka omo Nyambe atendele elisebeli mane nji tuyoye kanyi omo anakuyoyela Jesu (1.5-3;10).
Esisi tatama kama atupulukisa etaelo no oukusinga omunjili ku munjili (3.11; 5.12)
Kama amana elin̄olo lyaye mu (5.13-21.)
1
Eliywi no Oupilo
1 Kame tumi n̄olela eyi no liywii no moyo, esi si na kwikalako ku simuluho, esi tu na ku yupa, esi tu na mono ni miyo etu, mi natu kusi mona eso tuna leme ni maoko etu. 2 Cwale omoyo owo aba onaku monahala, mi sebeli tuumona kame tuba oupaki mi kame tu myambela omoyo no kwabwa, ou una kwikalako kwa Sitange, mi na ukulimukiswa kwaaci. 3 Esi tu na mono nesi tu na yupu so kame eso tu myambela, mi cwale naanyi muku wane naaci. Mi okuwana kwetu ni Sitetu kame tuli ni ku mwanaye Jesu Kilesite. 4 Mi kame tun̄ola etaba eyo nji etabo yetu ipetahale.
Nyambe yo Lisebeli
5 Eli eling'usa tuna yupu kwa Mwanaye, eli tu myambela, ninji Nyambe yo liseli, mi ka kwisa ouwii kwa yonyene simba mbicani. 6 Mi cwale aba twamba nji kame tuli bamweya ni yonyene, mi abo kame tweenda mu uwi, abo kame toonga mi ka tutende eniti mu maywi mane neyo tutenda. 7 Kono aba tweenda mu liseli, kanyi yonyene aba ali mu liseli, kame tuku wana bamweya, mi ounyinga wa Mwanaye Jesu kame u tu yowisa eibi yonje.
8 Aba twamba nji katu kwite esibi, kame tu koonga, mi eniti ka isako mwaaci. 9 Aba tu kwamba eibi yetu, yonyene niwa kusepahala mi niwaluka mbatulemene eibi yetu ni kutukenisa ku ouyi wetu wonje. 10 Aba twamba nji katusitenda esibi, kame twamba nji Nyambe niwa mapwa mi eliywi lyaye kalisamo mwaaci.