ഈ ലേഖനത്തില്‍ എഴുത്തുകാരനെപ്പറ്റി സൂചനകളില്ല. എന്നാൽ ആദിമ സഭ അപ്പോസ്തലനായ യോഹന്നാൻ എഴുതി എന്നു അംഗീകരിച്ചിട്ടുണ്ട് (ലൂക്കോസ് 6:13,14). മൂന്നു ലേഖനങ്ങളിലും യോഹന്നാന്‍റെ പേര് പരാമർശിച്ചിട്ടില്ലെങ്കിലും ശക്തമായ മൂന്നു തെളിവുകളുടെ അടിസ്ഥാനത്തിൽ യോഹന്നാന്‍ എഴുതി എന്ന് ഉറപ്പിക്കാം. ഒന്നാമത് ഒന്ന് രണ്ടു നൂറ്റാണ്ടുകളിലെ എഴുത്തുകാരൻ ഇത് യോഹന്നാന്‍റെ രചനയാണെന്ന് പ്രസ്താവിച്ചിട്ടുണ്ട്. രണ്ടാമത് ഇതിൽ ഉപയോഗിച്ചിരിക്കുന്ന ഭാഷാശൈലി യോഹന്നാന്‍റെ സുവിശേഷത്തിൻ്റെതാണ്. മൂന്നാമതായി എഴുത്തുകാരൻ യേശുവിനെ മുഖാമുഖമായി കാണുകയും അവനെ സ്പർശിച്ചിട്ടുമുള്ളതായി പറഞ്ഞിരിക്കുന്നു (1 യോഹ 1:14, 4:14).

ഏകദേശം എ. ഡി 85-95.

യോഹന്നാൻ ഈ ലേഖനം എഫെസൊസിൽ വച്ചു എഴുതി. അപ്പോസ്തലൻ തന്‍റെ വാർദ്ധക്യ കാലം ചിലവഴിച്ചത് അവിടെയാണ്.

ആർക്കുവേണ്ടിയാണ് ലേഖനം എഴുതപ്പെട്ടതെന്ന് സ്പഷ്ടമല്ല. എന്നിരുന്നാലും വിശ്വാസസമൂഹത്തിന് എഴുതപ്പെട്ടു എന്നാണ് ഇതിന്‍റെ ഉള്ളടക്കം ചൂണ്ടിക്കാണിക്കുന്നത് (1 യോഹ. 1:34, 2:12-14). വിവിധയിടങ്ങളിൽ ഉള്ള വിശുദ്ധന്മാർക്ക് വേണ്ടി എഴുതപ്പെട്ടു. പൊതുവായി പറഞ്ഞാൽ എവിടെയുമുള്ള ക്രൈസ്തവ ജനത്തിന് വേണ്ടി (1 യോഹ 2:1).

കൂട്ടായ്മയെ പരിപോഷിപ്പിക്കുവാനും, സന്തോഷം ഉള്ളവരായി പാപത്തിൽനിന്ന് ഒഴിവുള്ളവരായി രക്ഷാ നിർണ്ണയം പ്രാപിച്ച് യേശുക്രിസ്തുവുമായുള്ള വ്യക്തിപരമായ കൂട്ടായ്മയിൽ നിലനില്ക്കുവാനുമുളള ആഹ്വാനം ആണ് ഈ ലേഖനം. സഭയിൽ നിന്നും പുറത്താക്കപ്പെട്ട ദുരുപദേഷ്ടാക്കന്മാർ സഭയിൽ നിന്നും അനേകരെ സുവിശേഷത്തിന്‍റെ സത്യത്തിൽനിന്ന് തെറ്റിക്കുവാൻ ശ്രമിക്കുന്നു എന്ന പ്രശ്നത്തെയും ഈ ലേഖനം കൈകാര്യം ചെയ്യുന്നു.

ദൈവവുമായുള്ള കൂട്ടായ്മ