4
Ajo tq'uqb'il Dios toj kya'j
1 Tb'ajlinxi' ikyjo, xi nka'yi'n jun ttzija jqo'n toj kya'j. Ex xi nb'i'n jun tq'ajq'ojil twi', a nyolintaq wuk'iy, tze'n tq'ajq'ojil chun, a tze'nkuxjo otaq nb'i'y nej. Chi' kyjalu'n: Ku tjatza tzalu'n, qu'n kxel nyek'i'n tey tkyaqiljo kb'ajil tib'ajxi lu'n.
2 Ex jun paqx tzaj tipin Xewb'aj Xjan wib'aja, ex xi nka'yi'n jun q'uqb'il tkub' toj kya'j, ja' nkawine Dios, ex q'uqletaq jun a'la tib'aj. 3 Me atzin a q'uqletaq antza, ikytzin ka'yi'n tze'nqeku tal ab'j nchi qoptz'aj wen; nchi tilk'aj ex manyor chiky'xix ka'yin. Ex atzin ti'jile q'uqb'il, attaq jun t-xew kan nqoptz'aj wen tze'nku jun tal ab'j esmeralda.*Ez. 1:26-28; 10:1 4 Ex ti'jile q'uqb'il lo, xi nka'yi'n kyaje toj ka'wnaq*Kyaje toj ka'wnaq, 24 n-ele, ex ikyxjo toj v. 10. nejinel q'uqleqetaq tib'aj kyaje toj ka'wnaq q'uqb'il, toktaq kyxb'alin sjanin wen, ex tokxtaq jun toj kywi' b'inchin tu'n q'anpwaq te jun yek'b'il te' kyoklin. 5 Ex ti'jjo q'uqb'il nchi etztaq qoptz'aj xloq'lin kya'j, ex tq'ajq'ojil ntinin wen, ex q'ankyaq.*Ex. 19:16; Tchi. 8:5; 11:19; 16:18 Ex twutzjo q'uqb'il nchi k'anttaq wuq tzaj,*Ez. 1:13 a jun yek'b'il ti'j Xewb'aj Xjan, a tz'aqlexix.*Tchi. 1:4 6 Ex twutz q'uqb'il, attaq jun ti' tze'nku ttxuyil a', a ẍtilin twutz, tze'nku jun ka'yb'il wutzb'aj.*Ez. 1:22
Ex toj tanmin kya'j ex ti'jile q'uqb'il, attaq kyaje ajb'il te Dios, aye ikyx chi ka'yin tze'nku txuk, me nojnin kyi'j tuk'a tb'aq' kywutz.*Ez. 1:5-10; 10:14 7 Atzin tnejil ajb'il iky ka'yin tze'nku b'alun; atzin tkab' tze'nku jun tal wakx, atzin toxin attaq twutz tze'nku jun xjal, ex atzin tkyajin, iky ka'yin tze'nku jun t'iw nlipin. 8 Ayetzin kyaje ajb'il attaq qaq t-xiky' teyile junjun, ex nojnintaq kyi'j tuk'a tb'aq' kywutz, tzmax tjaq' kyxiky'.*Ez. 1:18; 10:12 Tkyaqil q'ij ex tkyaqil qniky'in mi nchi kub' numj tu'n kyk'ulin, ex nkyq'ma'ntaq:
Xjanxix te, xjanxix te, xjanxix te tAjaw Tkyaqil,
a Dios nimxix tipi'n tu'n tb'ant tkyaqil tu'n,*Is. 6:2-3
a attaqa te tnejil; ex ate ja'lin, ex axji'y tzul kanin juntl majl twutz tx'otx'.
9-10 Ex junjun maj, aj tjaw kynimsi'n ajb'il tb'i Dios, a q'uqle tib'aj q'uqb'il, ex attaq tchwinqil te tnejil ex te jun majx, ex xi kyq'o'n nimxix toklin ex chjonte te, aye kyaje toj ka'wnaq nejinel nchi kub' meje twutz, ex nchi k'ulin te. Ex nxi kyq'o'n toj kywi', a b'inchin tu'n q'anpwaq te jun oyaj twutz, ex nxi kyq'ma'n:
11 Ay qAjaw ex qDiosa,
at te toklin tu'n t-xi tk'mo'n tkyaqil nimsb'il tb'iy, ex tokli'n ex tipi'n,
qu'n ate xkub' b'inchinte tkyaqiljo at,
ex noq tu'n tajb'ila ite' tkyaqiljo, a xkub' tch'iysi'n.