1 Ne midtavak si Bildad is tig-Shua te, 2 “Gemhanan wey telehuzen is Megbevayà. Edhimuwen din he melinew is langit he ginhedian din. 3 Egkevilang be is menge sundaru zin? Duen be lugar he wazà meteyawi te kerayag din? 4 Ebmenmenuwen te egkaǥi te etew he metazeng sikandin diyà te etuvangan te Megbevayà? Duen be etew he lumpiyu? 5 Emun minsan is bulan wey menge vituen kenà merayag is ked-ahaa zin duen, 6 iyan pe be is etew he utew minus is bali zin su iring dà te tetaru.”