1 Duen menge etew ne riyà ebpuun te Hudiya ne mibpendiyà te inged ne Antiyuka ne mibpenurù dan ke menge mibperetiyaya ketà. “Embiyà kenà kew ebpeetus iring dut te impenurù ni Moises rengan,” ke sikandan, “ne kenà kew ebpekeliyu rut te kedusa te Eleteala keniyu.” 2 Ne mibpekid-apul te mevaher en si Pablo ki Bernabe kandan, ne mibpekidlewanà dan mekeatag dut te impenurù ketà te menge etew. Tembù be ke menge mibperetiyaya ketà se midsuhù ki Pablo wey si Bernabe wey duma ne mibperetiyaya te ebpendiyà te inged ne Hirusalim su ebpekibalak dut te menge kedserihan wey ke menge pekilukesen mekeatag te ini ne penurù.

3 Ketà te ked-ipanew ran ne midtevangan dan dut te menge mibperetiyaya kayi te inged ne Antiyuka. Ne gewii te kebpevayà dan kayi te Pinisiya wey Semariya ne miguhud dan mekeatag dut te menge etew ne kenà Hudiyanen ne nekeperetiyaya en ki Hisus. Nerineg ini rut te menge mibperetiyaya ketà ne nengehalew ran nevenar. 4 Guna su nekeuma ran diyà te inged ne Hirusalim ne migalewhalew ran dut te menge mibperetiyaya, ke menge kedserihan, wey ke menge pekilukesen ketà. Ne impenudtul ni Pablo ki Bernabe ke langun ne mibpeveelan te Eleteala kandan ibpepevayà te tavang din. 5 Ugaid ne ruen menge mibperetiyaya ketà ne sakup te menge Paresiyu ne mid-itindeg se egkahi te, “Iyan iya se mebpeetus dan arà se menge etew ne kenà Hudiyanen wey medtuman dan dema te penduan ni Moises.”

6 Miburunburun ini se menge kedserihan wey ke menge pekilukesen su ebpengesaken dan mekeatag ketà. 7 Guna su neuhet en se kebpengasak dan ne mid-itindeg si Pedro ne migkahi te, “Menge suled, netuenan niyu en te kayi te keniyu ne siaken se nepemilì te Eleteala ne ebpesabut dut te Meupiya ne Tudtul diyà te menge etew ne kenà Hudiyanen su apey ran ebpekerineg ne ebpekeperetiyaya ran ki Hisus. 8 Ne ke Eleteala ne netuenan din ke hinawa te menge etew, ne mibpemasmasan din te kedtelimà din dut te menge etew ne kenà Hudiyanen su imbehey rin ke kedlumun dut te Kedesenan ne Ebpetuntul te Menusiyà kandan iring dut te kinevehey rin te kinelumun dut te Kedesenan ne Ebpetuntul te Menusiyà keyta. 9 Warà pebiraa te Eleteala,” ke si Pedro, “ke sikami ne menge Hudiyanen wey ke menge etew ne kenà Hudiyanen su ibpeliyu rin dema sikandan dut te kedusa rin te salà dan sabap dut te kineperetiyaya ran ki Hisus. 10 Na,” ke si Pedro, “meambe ke kiyug niyu ne ebperengitan niyu ke Eleteala ketà te ini se ibpetuman niyu dut te menge ruma tew ne mibperetiyaya ki Hisus! Su arà se ibpetuman niyu kandan ne penduan ni Moises, ne misan ke keep-epuan tew wey sikitew rema ne warà meketuman. 11 Ugaid ne tentenuri niyu menge suled,” ke si Pedro, “ne ini se kebperetiyaya tew se ebpekepeliyu keytew te menge Hudiyanen dut te kedusa te Eleteala su atag dut te kegkeyru rin. Ne engketà ded dema ke menge etew ne kenà Hudiyanen.”

12 Nerineg dà ini rut te menge etew ne nevurun ketà ne mibpeeneng-eneng dan. Ne mibpemineg dan ki Bernabe wey si Pablo te ebpenudtul mekeatag dut te ed-ul-ulaan dan ne mekegeyip wey ned-ulaula ne mekeinuinu dut ke migelevek dan diyà te menge etew ne kenà Hudiyanen impepevayà dut te gehem te Eleteala ne imbehey rin kandan.

13 Guna su nekeipus dan se edlalag ne migkahi en si Santiago te, “Pemineha niyu, menge suled, ini se egkehiyen ku. 14 Miguhud en ni Simon keniyu mekeatag dut te neuna ne impekita te Eleteala ne limù din dut te menge etew ne kenà Hudiyanen su apey ruen diyà te kandan ne ebpesakup kandin. 15 Ini se kebpesakup dut te menge etew ne kenà Hudiyanen te Eleteala ne iring dut te nekahi te menge etew ne ebpelambas te Lalag te Eleteala rengan su ruen ingkesurat ne lalag te Eleteala ne egkahi te,

19 “Ini,” ke si Santiago, “ne iya kayi te kedì ne itungan ne ini se menge etew ne kenà Hudiyanen ne imbehey ran ma ke hinawa ran te Eleteala ne kenà tew en igkereheni. 20 Iyan meupiya ne edsuratan ta sikandan ne egkehiyen tew te kenà dan megkaan te egkeenen ne indawey su inrenà ne siparat diyà te ledawan ne kenà tidtu ne Eleteala, ne kenà dan megkaan te binatang ne ebpekelen dà wey kenà dan megkaan te lengesa. Ne kenà dan dema mebpengingniyug. 21 Su ini ke penduan ni Moises ne netetahak din ne ibpetuman tew kandan ne neuhet en ne ebesaan ini diyà te menge baley ne ebpengedian te menge Hudiyanen te penduan dan te uman Gewii ne Id-imeley wey impesabut en ini diyà te langun ne inged.”

22 Ne ketà ne ini se menge kedserihan wey menge pekilukesen abpeg ke langun ne menge mibperetiyaya ne neumpung se ruen ebpemilien dan dut te menge ruma ran ne ibperuma ki Pablo wey ki Bernabe riyà te inged ne Antiyuka. Ne iyan dan nepemilì ne deruwa ne etew ne egkeedatan dut te langun ne mibperetiyaya ne si Hudas ne ed-ingeranan ded maa ki Bersabas wey si Silas. 23 Ne impepeewit dan kandan ke surat ne ini se migkahi rin,

30 Ketà ne migenat en arà se midsuhù ne ebpendiyà te Antiyuka. Nekeuma ran ne miburun dan ke langun ne mibperetiyaya ne imbehey ran kandan ke surat. 31 Ne ini se menge mibperetiyaya, nevasa ran ne nengehalew ran nevenar su nevag-et ke hinawa ran mekeatag dut te lalag ne nevasa ran. 32 Ne si Hudas ini ki Silas ne menge etew rema ne ebpelambas te Lalag te Eleteala ne meuhet se kinepekidlalag dan dut te menge mibperetiyaya su mibpenurù dan su apey ke kebperetiyaya ran ne mevag-et wey meilut. 33 Guna su malù neuhet se ked-ubpà ni Hudas ki Silas ketà, ne mid-ulì dan diyà te midsuhù kandan. Ne mibpemehetawan dan dut te menge mibperetiyaya ketà te Antiyuka se egkahi te, “Kerenan se metau te ked-ipanew niyu.” ( 34 Ugaid ne si Silas ne warà meduma su mibpelintetahak dà.) 35 Si Pablo wey si Bernabe ne mid-ubpaubpà den pà dema diyà te inged ne Antiyuka su sikandan wey arà se merakel ne menge ruma ran se ebpenurù wey ebpesabut te Lalag te Eleteala.

36 Nekebpipira ne hewii ne migkehiyan ni Pablo si Bernabe te, “Edlived ki su ebpemerisaan ta ke menge mibperetiyaya diyà te menge inged ne impesabut ta ke Lalag te Eleteala.” 37 Ne kiyug ni Bernabe ne edumaan dan si Juan ne ed-ingaranan ded maa ki Marcos, 38 ugaid ne warà megkiyug si Pablo te ebpekeruma si Juan su sikandin ne mid-ewaan dan diyà te inged ne Pempiliya su warà din medtigkeri ke kemerehenan taman te neipus ke helevek dan. 39 Ne nekedlewanà dan ne ketà ne mibpesuwayey ran. Ne si Bernabe, miduma rin si Juan ne ed-ingaranan ded maa ki Marcos ne mid-untud dan te kapal se ebpendiyà te inged ne Sipri. 40 Ne si Pablo, ne miduma rin si Silas ne mibpengeningeni ke menge mibperetiyaya se ebuyù te iru te Eleteala te edtuganur kandan dut te ked-ip-ipanew ran. 41 Ne mid-apet dan diyà te menge pruvinsiya ne Siriya wey Silisiya se ebpenurù su apey ebmeilut se kebperetiyaya dut te menge mibperetiyaya ketà.