15
Nzali liɓala mǝnana à kasǝî tàu mala Yahuda ka
Nzali mǝnana à kasǝî tàu mala Yahuda arǝ anggurkwar malea ka, kya bik nzong-nzali mala amǝ'Edom, sǝ sarǝa aban ká a pǝɗanban Zin aɓa Negev ɗār nǝ njar-kunmur. Nzong-nzali malea a njar-kunmur ka, tite a masǝlǝata kúnban mala Nggeamùr Tuɓamur a lumgumban mǝnana sǝn njar-kunmur ka, sǝ sarǝa wari a njar-kunmur mala Eauwe Akrabbim, sǝ sarǝa aban ká Zin. Kya eau nǝ njar-kunmur a Kadesh-Baniya, sǝ lidǝmba aban ká Hezǝron. Sǝ eau aban ká a Addar, sǝ san aban ká nǝ buì mala Karka. Kutio aban ká Azǝmon sǝ sarǝa wari arǝ myalmúr nzong-nzali Masar, sǝ kya masǝlǝa a nggeamùr. Mǝno ka nda nzong-nzali malea nǝ njar-kunmur.
Nzong-nzali malea nǝ njar-takuli ka, nda Nggeamùr Tuɓamur aban ká a máɗi Nggeasala Jodan.
Nzong-nzali malea nǝ njar-nza ka, tite a lumgumban mala Nggeamùr Tuɓamur a ban máɗi Nggeasala Jodan, eauwe aban ká a Bet-Hogǝla, sǝ sarǝa aban ká nǝ njar-nza mala Bet-Araba, sǝ kutio aban ká aban Tali mala Bohan, muna-ɓwabura mala Ruben. Nzong-nzalinì lo a Ɓangŋaban mala Akor, eauwe a Debir, sǝ pǝlǝ nǝ njar-nza aban ká Gilgal (mǝnana à sǝn ɓamǝsǝarǝia andǝ Eauwe Adumim nǝ bú njar-kunmur mala myalmúr ka). Pǝlǝa yì nzong-nzali ka kutio aban ká aban amáɗi-mùr mala En-Shemesh sǝ sarǝa aban ká En-Rogel. Pǝlǝa nzong-nzalinì eau nǝɓa Ɓangŋaban mala Ben Hinom aban ká ɓùnnó mala amǝ'Jebus (mǝnana nda Urǝshalima ka) nǝ njar-kunmur, pǝlǝa eauwe aban ká ɓong mgbangban mǝnana sǝn ɓamǝsǝarǝia andǝ Ɓangŋaban mala Ben Hinom nǝ njar-nzali, mǝnana nda a masǝlǝata Ɓangŋaban mala amǝ'Refa nǝ njar-nza ka. Pǝlǝa nzong-nzali mǝnia twal a ɓong mgbangbanì, sǝ dǝshi ban amgbeɗe mùr mala Neftowa, sǝ lo a ban mǝno ka, kya pur a ban anggea-là mala Nkono Efǝron. Pǝlǝa sarǝa sǝ kya pǝlǝa aban ká a Ba'ala (mǝnana gbal à tunǝi ama Kiriat-Jarim ngga). 10 Pǝlǝa nzong-nzalinì kàr nǝ njar-nzali a Ba'ala aban ká a Nkono Seyir. Kya kàrá a buì mala njar-nza aban ká a ɓùnnó mala Nkono Jeyarim (mǝnana à tunǝi ama Chesalon ngga) a njar-nza, sǝ sulǝo aban ká Bet-Shemesh. Pǝlǝa kúti nǝ Timna. 11 Nzong-nzali mǝnia pǝlǝa sarǝa aban ká ɓùnnó mala Ekǝron nǝ njar-nza, sǝ dǝshi Shikǝron. Pǝlǝa san aban ká a Nkono Ba'ala, sǝ sarǝa aban ká a Jabneel. Kya masǝlǝa a Nggeamùr Mediterani.
12 Nzong-nzali malea a njar-nzali ka nda Nggeamùr Mediterani. Amǝno ka, à nda ka nzong-nzali mǝnana à kàrì tàu mala Yahuda arǝ anggurkwar malea ka.
Nzali mǝnana à pè Kalip ka
(Akas 1:12-15)
13 Kǝla mǝnana Yahweh tsǝkî Jesǝwa nzongcau ka, Jesǝwa pè Kalip, muna-ɓwabura mala Jefune kāmbe nzali atà aɓwana mala Yahuda. Pè wi Kiriyat-Arba, mǝnana à tunǝì ama Hebǝron ngga. (Arba ka nda tár Anak). 14 Sǝ Kalip pǝr atau tàrú mala amǝ'Anak: Sheshai andǝ Ahiman andǝ Talmai, amǝkà Anak.*15:14 Sǝni aɓa: Ɓal 13:22,28,33; Nggur 9:2; Jes 21:11. 15 Pǝlǝa lo kano sǝ warinǝ munǝo arǝ aɓwana mǝnana nǝdo a Debir ka. Lullǝ Debir ɗiɗyal ka nda Kiriat-Sefer. 16 Pǝlǝa Kalip bang ama, <<Ɓwa mǝnana kat lì Kiriat-Sefer nǝ lwa ka, mǝ nǝ pè wi ɓoarnsarilem Aksa ɓǝ̀ duk māmí.>> 17 Nda Otǝniyel,15:17 Sǝni aɓa: Akas 3:8-11. muna-ɓwabura mala Kenaz, mǝ'kyauwa Kalip lì, sǝ Kalip pè wi ɓoarnsarile Aksa duk māmí ka.
18 Lang Aksa yina ka, nacau nǝ Otǝniyel ace mǝnana ɓǝ̀ zǝmbi wi tárrí Kalip ɓǝ̀ pè wi nzali a liro. Pǝlǝa Aksa sulǝî nzǝm mǝdambǝriso male, sǝ Kalip ɗì ama, <<Mana a earkice?>> 19 Pǝlǝa eari wi ama, <<Ida, ɓwamuram. Nzali mǝnana a pam ngga nda a Negev,15:19 Negev ka bu-nzali na a njar-kunmur, ban mǝnana mbulo kǝ nya kam bǝti ka. ado ka pam ban mǝnana ndanǝ amgbeɗe mùr ka gbal.>> Nda Kalip pè wi amgbeɗe mùr mana a mgbang-ban andǝ amgbeɗe mùr mana a tūliban ngga.
Anggea-là mala Yahuda
20 Mǝnia ka nda nzali liɓala mǝnana à kasǝî aɓwana mala tàu mala Yahuda arǝ anggurkwar malea ka. 21 Anggea-là mǝnana amala aɓwana mala Yahuda na a masǝlǝata kún ban, a njar-kunmur aban ká a nzong-nzali mala amǝ'Edom ngga à nda ka:
Kabzeel, andǝ Eda, andǝ Jagur, 22 andǝ Kina, andǝ Dimona, andǝ Adada, 23 andǝ Kedesh, andǝ Hazo, andǝ Itǝnan, 24 andǝ Zif, andǝ Telem, andǝ Beyalot, 25 andǝ Hazo-Hadata, andǝ Keriyot-Hezǝron (mǝnana nda Hazo ka), 26 andǝ Amam, andǝ Shema, andǝ Molada, 27 andǝ Haza-Gada, andǝ Heshmon, andǝ Bet-Pelet, 28 andǝ Haza-Shual, andǝ Biyasheba, andǝ Biziyotiya, 29 andǝ Ba'ala, andǝ Iyim, andǝ Ezem, 30 andǝ Eltolat, andǝ Chesil, andǝ Horma, 31 andǝ Zikǝlag, andǝ Madǝmana, andǝ Sansana, 32 andǝ Lebaot, andǝ Shilhim, andǝ Ayin, sǝ Rimon: yià kat ka anggea-là lumi-ɓari-bwamdǝ-tongno-nong-ine na andǝ amuna-là malea.
33 Anggea-là mǝnana à nda a kusǝ ankono ka à nda ka:
Eshtawol, andǝ Zora, andǝ Ashna, 34 andǝ Zanoha, andǝ En-Ganim, andǝ Tapuwa, andǝ Enam, 35 andǝ Jarmut, andǝ Adulam, andǝ Soko, andǝ Azeka, 36 andǝ Sharayim, andǝ Aditayim, andǝ Gedera, andǝ Gederotayim: anggea-là lum-nong-ine andǝ amuna-là malea.
37 Sǝ Zenan, andǝ Hadasha, andǝ Migǝdal-Gad, 38 andǝ Dileyan, andǝ Mizǝpe, andǝ Jokteel, 39 andǝ Lakish, andǝ Bozǝkat, andǝ Egǝlon, 40 andǝ Kabon, andǝ Lamam, andǝ Chitǝlish, 41 andǝ Gederot, andǝ Bet-Dagon, Naama sǝ Makkeda: anggea-là lum-bwamdǝ-tongno-nong-mwashat andǝ amuna-là malea.
42 Sǝ Libǝna, andǝ Eta, andǝ Ashan, 43 andǝ Ifta, andǝ Ashna, andǝ Nezip, 44 andǝ Keyila, andǝ Akzip, sǝ Maresha: anggea-là tongno-nong-ine andǝ amuna-là malea.
45 Sǝ Ekǝron andǝ alá andǝ amuna-là male; 46 sǝ twal a Ekǝron aban ká nggeamùr, yì alá mǝnana a nkanggari Ashdot ka, andǝ amuna-là malea.
47 Sǝ Ashdot, andǝ alá andǝ amuna-là male; sǝ Gaza, andǝ alá andǝ amuna-là male kya uk ɗār pur a myalmúr nzong-nzali Masar, andǝ abân arǝ gwanyi mala Nggeamùr Mediterani.
48 Anggea-là mǝnana à nda amúr ankono ka, à nda ka:
Shamir, andǝ Jattir, andǝ Soko, 49 andǝ Danna, andǝ Kiriat-Sanna (mǝnana nda Debir ka), 50 andǝ Anap, andǝ Eshtemo, andǝ Anim, 51 andǝ Goshen, andǝ Holon, sǝ Gilo: anggea-là lum-nong-mwashat andǝ amuna-là malea.
52 Sǝ Arap, andǝ Duma, andǝ Eshan, 53 andǝ Janim, andǝ Bet-Tapuwa, andǝ Afeka, 54 andǝ Humta, andǝ Kiriyat-Arba (mǝnana nda Hebǝron ngga), sǝ Ziyor: anggea-là tongno-nong-ine andǝ amuna-là malea.
55 Sǝ Mawon, andǝ Kamel, andǝ Zif, andǝ Jutta, 56 andǝ Jezǝril, andǝ Jokdeyam, andǝ Zanoha, 57 andǝ Kayin, andǝ Gibiya, sǝ Timna: anggea-là lum andǝ amuna-là malea.
58 Sǝ Halhul, andǝ Bet-Zur, andǝ Gedor, 59 andǝ Maarat, andǝ Bet-Anot, sǝ Eltekon: anggea-là tongno-nong-mwashat andǝ amuna-là malea.
60 Sǝ Kiriat-Baal (mǝnana nda Kiriat-Jarim ngga), andǝ Rabba: anggea-là ɓari andǝ amuna-là malea.
61 Anggea-là mǝnana à nda aɓa pǝɗanban ngga à nda ka:
Bet-Araba, andǝ Middin, andǝ Sekaka, 62 andǝ Nipshan, andǝ Nggea-là Tuɓamur, sǝ Engedi: anggea-là tongno-nong-mwashat andǝ amuna-là malea.
Amǝ'Jebus
63 Sǝama amǝ'Jebus, yì aɓwana mǝnana à ndanǝdo a Urǝshalima ka,§15:63 Ɓalli gbal aɓa: Akas 1:21; 2Sam 5:5-9. aɓwana mala Yahuda gandǝ pǝria ɗàng. Nda tsǝa sǝ amǝ'Jebus do atārǝia andǝ aɓwana mala Yahuda ba yalung ngga.

*15:14 15:14 Sǝni aɓa: Ɓal 13:22,28,33; Nggur 9:2; Jes 21:11.

15:17 15:17 Sǝni aɓa: Akas 3:8-11.

15:19 15:19 Negev ka bu-nzali na a njar-kunmur, ban mǝnana mbulo kǝ nya kam bǝti ka.

§15:63 15:63 Ɓalli gbal aɓa: Akas 1:21; 2Sam 5:5-9.