Mbula-Bwazza Ɓalban 26

Ɓaria ɓalban

1 Anzǝm mana kwánó-ɓikea malǝna ka, Yahweh bangcau nǝ Musa andǝ Eleaza muna-ɓwabura mala Haruna, yì pǝris ama, 2 <<Wu ɓal làkkì mala aɓwana arǝ atau mala amǝ Isǝrayila a ɓinalea kat, koya ɓwabura mǝnana pǝlǝa-ɓǝlban male bingŋǝna lumi-ɓari aban ká dǝmba ka; mǝnana karǝna-ɓwa nǝ̀ gandǝ ká lwa ka.>> 3 Pǝlǝa Musa andǝ Eleaza pǝris bangcau nǝ aɓwana mǝnia ka, aɓa ɓawanban mala Mowap, a nkaring Nggeasala Jodan, a Jeriko, ama, 4 <<Wu ɓal làkkì mala aburana mana pǝlǝa-ɓǝlban malea bingŋǝna lumi-ɓari aban ká dǝmba,>> kǝla mana Yahweh banggi Musa ka.

Amǝnia ka à nda ka amǝ Isǝrayila mǝnana à purî ɓá nzali Masar ka.

Tàu mala Ruben

5 Amǝkà Ruben, muna-dǝmba mala Yakupu, arǝ anggurkwar malea ka à nda ka:

Amǝ'Hanok a nggurkwar mala muni Hanok;

Amǝ'Palu a nggurkwar mala muni Palu;

6 Amǝ'Hezǝron a nggurkwar mala muni Hezǝron, sǝ

Amǝ'Karmi a nggurkwar mala muni Karmi.

7 Amǝnia ka à nda ka aɓala mala amuna andǝ amǝkà Ruben kǝla mana à ɓallia ka, aburana á-lumi-ine-bwamdǝ-á-tàrú nǝ gbǝman-tongno-nong-ɓari nǝ lumi-tàrú (43,730).

8 Palu nda tár Eliyap, 9 sǝ amuna-burana mala Eliyap ka à nda ka Nemuyel, andǝ Datan sǝ Abiram. Amǝnia ka à nda ka kǝ Datan andǝ Abiram mǝnana ɓwabundǝa twalia ɓǝà duk amǝgulo amur aɓwana, sǝ à yì mgbicau arǝ Musa andǝ Haruna ka; ɗǝm ngga à nda atà aɓwana mǝnana à kpata Kora à yì mgbicau arǝ Yahweh ka;* 10 sǝ nzali mǝn kúni myalia kat, atārǝia andǝ Kora, mǝnana amǝtè wǔ, lang bǝsa yi twalta aburana gbǝman-ɓari nǝ lumi-tongno ka (250).† Mǝno ka yi duk gir nunkiru aban acili amǝ Isǝrayila kat. 11 Sǝama amuna-burana mala Kora ka à wù ɗàng.

Tàu mala Shimiyon

12 Amǝkà Shimiyon arǝ anggurkwar malea ka à nda ka:

Amǝ'Nemuyel a nggurkwar mala muni Nemuyel;

Amǝ'Jamin a nggurkwar mala muni Jamin;

Amǝ'Jakin a nggurkwar mala muni Jakin;

13 Amǝ'Zera a nggurkwar mala muni Zera, sǝ

Amǝ'Shawul a nggurkwar mala muni Shawul.

14 Amǝnia ka à nda ka aɓala mala amuna andǝ amǝkà Shimiyon kǝla mana à ɓallia ka, aburana á-lumi-ɓari-bwamdǝ-á-ɓari nǝ gbǝman-ɓari (22,200).

Tàu mala Gad

15 Amǝkà Gad arǝ anggurkwar malea ka à nda ka:

Amǝ'Zefon a nggurkwar mala muni Zefon;

Amǝ'Hagi a nggurkwar mala muni Hagi

Amǝ'Shuni a nggurkwar mala muni Shuni;

16 Amǝ'Ozǝni a nggurkwar mala muni Ozǝni;

Amǝ'Eri a nggurkwar mala muni Eri;

17 Amǝ'Arodi a nggurkwar mala muni Arodi, sǝ

Amǝ'Areli a nggurkwar mala muni Areli.

18 Amǝnia ka, à nda ka aɓala mala amuna andǝ amǝkà Gad kǝla mana à ɓallia ka, aburana á-lumi-ine nǝ gbǝman-tongno (40,500).

Tàu mala Yahuda

19 Amuna-burana mala Yahuda ka à nda ka Er andǝ Onan, sǝ yià ka à wǔ aɓa nzali Kan'ana.‡

20 Amǝkà Yahuda arǝ anggurkwar malea ka à nda ka:

Amǝ'Shela a nggurkwar mala muni Shela;

Amǝ'Perez a nggurkwar mala muni Perez;

Amǝ'Zera a nggurkwar mala muni Zera.

21 Amǝkà Perez ka à nda ka:

Amǝ'Hezǝron a nggurkwar mala muni Hezǝron, sǝ

Amǝ'Hamul a nggurkwar mala muni Hamul.

22 Amǝnia ka, à nda ka aɓala mala amuna andǝ amǝkà Yahuda kǝla mana à ɓallia ka, aburana á-lumi-tongno-nong-ɓari-bwamdǝ-tongno-nong-mwashat nǝ gbǝman-tongno (76,500).

Tàu mala Isaka

23 Amǝkà Isaka arǝ anggurkwar malea ka à nda ka:

Amǝ'Tola a nggurkwar mala muni Tola;

Amǝ'Puwa a nggurkwar mala muni Puwa;

24 Amǝ'Jashup a nggurkwar mala muni Jashup, sǝ

Amǝ'Shimiron a nggurkwar mala muni Shimiron.

25 Amǝnia ka, à nda ka aɓala mala amuna andǝ amǝkà Isaka kǝla mana à ɓallia ka, aburana á-lumi-tongno-nong-mwashat-bwamdǝ-á-ine nǝ gbǝman-tàrú (64,300).

Tàu mala Zebulu

26 Amǝkà Zebulu arǝ anggurkwar malea ka à nda ka:

Amǝ'Seret a nggurkwar mala muni Seret;

Amǝ'Elon a nggurkwar mala muni Elon, sǝ

Amǝ'Jali a nggurkwar mala muni Jali.

27 Amǝnia ka, à nda ka aɓala mala amuna andǝ amǝkà Zebulu kǝla mana à ɓallia ka, aburana á-lumi-tongno-nong-mwashat nǝ gbǝman-tongno (60,500).

Tàu mala Manasa

28 Amǝkà Yisǝfu arǝ anggurkwar malea nǝban amuna-burana male Manasa andǝ Ifǝrem ngga à nda ka:

29 Amǝkà Manasa:

a nggurkwar mala muni Makir ka à nda ka Amǝ'Makir; sǝ Makir ka nda tár Gilǝyat;

Amǝ'kau a nggurkwar mala Gilǝyat ka à nda ka Amǝ'Gilǝya. 30 Sǝ amǝkà Gilǝyat ka à nda ka:

Amǝ'Iyeza a nggurkwar mala muni Iyeza;

Amǝ'Helek a nggurkwar mala muni Helek;

31 Amǝ'Asǝriyel a nggurkwar mala muni Asǝriyel;

Amǝ'Shekem a nggurkwar mala muni Shekem;

32 Amǝ'Shemida a nggurkwar mala muni Shemida, andǝ

Amǝ'Hefa a nggurkwar mala muni Hefa.

33 Zelofihat, muna-ɓwabura mala Hefa ka, kum kǝ muna-ɓwabura ɗàng; amuni ka amuna-mamǝna na, sǝ alullǝia ka à nda ka Mahla, andǝ Noha, andǝ Hogǝla, andǝ Milka, sǝ Tǝrza.

34 Amǝnia ka, à nda ka aɓala mala amuna andǝ amǝkà Manasa kǝla mana à ɓallia ka, aburana á-lumi-tongno-bwamdǝ-á-ɓari nǝ gbǝman-tongno-nong-ɓari (52,700).

Tàu mala Ifǝrem

35 Amǝkà Ifǝrem ngga à nda ka:

Amǝ'Shutela a nggurkwar mala muni Shutela;

Amǝ'Beka a nggurkwar mala muni Beka, andǝ

Amǝ'Tahan a nggurkwar mala muni Tahan.

36 Amǝkà Shutela ka à nda ka:

Amǝ'Eran a nggurkwar mala muni Eran;

37 Amǝnia ka, à nda ka aɓala mala amuna andǝ amǝkà Ifǝrem kǝla mana à ɓallia ka, aburana á-lumi-tàrú-bwamdǝ-á-ɓari nǝ gbǝman-tongno (32,500). Yià mǝnia ka, à nda ka amǝkà Yisǝfu arǝ anggurkwar malea.

Tàu mala Benjami

38 Amǝkà Benjami arǝ anggurkwar malea ka à nda ka:

Amǝ'Bela a nggurkwar mala muni Bela;

Amǝ'Ashbel a nggurkwar mala muni Ashbel;

Amǝ'Ahiram a nggurkwar mala muni Ahiram;

39 Amǝ'Shufam a nggurkwar mala muni Shefufam, andǝ

Amǝ'Hufam a nggurkwar mala muni Hufam.

40 Amǝkà Bela nǝban amuni Arǝd andǝ Naaman ngga à nda ka:

Amǝ'Arǝd a nggurkwar mala Arǝd, andǝ

Amǝ'Naaman a nggurkwar mala Naaman.

41 Amǝnia ka, à nda ka aɓala mala amuna andǝ amǝkà Benjami kǝla mana à ɓallia ka, aburana á-lumi-ine-bwamdǝ-á-tongno nǝ gbǝman-tongno-nong-mwashat (45,600).

Tàu mala Dan

42 Amǝkà Dan arǝ anggurkwar malea ka à nda ka:

Amǝ'Shuham a nggurkwar mala muni Shuham.

Amǝnia ka, à nda ka aɓala mala muna andǝ amǝkà Dan arǝ anggurkwar malea. 43 Amǝ'Shuham kat arǝ anggurkwar malea, kǝla mana à ɓallia ka, aburana á-lumi-tongno-nong-mwashat-bwamdǝ-á-ine nǝ gbǝman-ine na (64,400).

Tàu mala Asha

44 Amǝkà Asha arǝ anggurkwar malea ka à nda ka:

Amǝ'Imǝna a nggurkwar mala muni Imǝna;

Amǝ'Ishvi a nggurkwar mala muni Ishvi, andǝ

Amǝ'Beriya a nggurkwar mala muni Beriya.

45 Beriya ka amǝkè nda ka:

Amǝ'Heba a nggurkwar mala muni Heba, andǝ

Amǝ'Malkiyel a nggurkwar mala muni Malkiyel.

46 Asha ka ndanǝ muna-ɓwama, à tunǝki ama Sera.

47 Amǝnia ka, à nda ka aɓala mala amuna andǝ amǝkà Asha kǝla mana à ɓallia ka, aburana á-lumi-tongno-bwamdǝ-á-tàrú nǝ gbǝman-ine (53,400).

Tàu mala Naftali

48 Amǝkà Naftali arǝ anggurkwar malea ka à nda ka:

Amǝ'Jazil a nggurkwar mala muni Jazil;

Amǝ'Guni a nggurkwar mala muni Guni;

49 Amǝ'Jeza a nggurkwar mala muni Jeza, andǝ

Amǝ'Shilem a nggurkwar mala muni Shilem.

50 Amǝnia ka, à nda ka aɓala mala amuna andǝ amǝkà Naftali kǝla mana à ɓallia ka, aburana á-lumi-ine nǝ á-tongno nǝ gbǝman-ine (45,400).

Làkkì malea kat-kat andǝ gau nzali

51 Làkkì mala aburana mala amǝ Isǝrayila kat-kat ka, á-gbǝman-tongno-nong-mwashat nǝ á-mwashat nǝ gbǝman-tongno-nong-ɓari nǝ lumi-tàrú na (601,730).

52 Yahweh banggi Musa ama, 53 <<Awu nǝ gau nzali amur amǝnia ka, ɓǝ̀ duk girkuma malea, nǝ kpata làkkì mala alullǝ aɓwana mǝnana à ɓallia ka. 54 Tàu mǝnana gul ka, kasǝia wia nzali liɓala kpǝm, sǝ tàu mǝnana kyau ka, kasǝia wia nzali liɓala bǝti; koya tàu ka ɓǝ̀ kum nzali kǝla mana làkkì mala aɓwana mana à ɓallia, pàk ka. 55 Sǝama dumǝna púp ama nzali ka à nǝ̀ gakki nǝ bwal-shishar. Nzali liɓala mǝnana koya tàu nǝ̀ kum ngga awu nǝ kārǝi arǝ làkkì mala alullǝ aɓwana aɓalǝi. 56 Gau nzali liɓala amur atau mǝgulke andǝ atau mǝkeke ka, awu nǝ kpate nǝ bwal-shishar.>>§

Tàu mala Lawi

57 Aɓwana mǝnana à ɓallia arǝ anggurkwar malea a tàu mala Lawi ka, à nda ka:

Amǝ'Gashon a nggurkwar mala muni Gashon;

Amǝ'Kohat a nggurkwar mala muni Kohat, sǝ

Amǝ'Merari a nggurkwar mala muni Merari.

58 Anggurkwar mala Lawi ka, à nda ka:

Nggurkwar mala Amǝ'Libǝni;

Nggurkwar mala Amǝ'Hebǝron;

Nggurkwar mala Amǝ'Mali;

Nggurkwar mala Amǝ'Mushi, sǝ

Nggurkwar mala Amǝ'Kora.*

Kohat ka, nda kà Amram.† 59 Mālá Amram ngga, nda Jochebet, mǝkà Lawi, mǝnana à ɓǝlî Lawi a Masar ka. Jochebet ɓǝlî Amram amuna mǝnia ka: Haruna andǝ Musa sǝ Miriyam mǝ'eambia muna-ɓwama. 60 À ɓǝlî Haruna amuna-burana mǝnia ka: Nadap andǝ Abihu, andǝ Eleaza sǝ Itamar.‡ 61 Sǝama Nadap andǝ Abihu ka à yi wú lang à pàgir nǝ bǝsa mǝnana à earnǝi raka aɓadǝm Yahweh.§

62 Aburana mala Amǝ'Lawi mana à ɓallia, yià mǝnana twal a ɓǝlban malea ka à bingŋǝ́nà zongŋo mwashat aban ká dǝmba ka, à nda á-lumi-ɓari-bwamdǝ-tàrú (23,000). Yia ka à ɓallia atà aɓia amǝ Isǝrayila ɗàng acemǝnana à pea wia kǝ nzali liɓala ɗàng.

63 Amǝnia ka à nda ka aɓwana mana Musa andǝ Eleaza pǝris ɓallia, lang à nda aban ɓal amǝ Isǝrayila a ɓawanban Mowap a kún Nggeasala Jodan a Jeriko ka. 64 Sǝama aɓalǝ amǝnia yì aɓwana ka, kǝɓwa pà kàm atà aɓwana mala nza mǝnana Musa andǝ Haruna pǝris ɓal amǝ Isǝrayila a pǝɗanban Saina ka ɗàng.* 65 Mǝnia ka nda acemǝnana Yahweh bángŋǝ́nià amǝno yì amǝ Isǝrayila ama à nǝ̀ wukio a ɓabondo, sǝ kǝɓwa pà kàm mana à nyi ka ɗàng, she Kalip muna-ɓwabura mala Jefune andǝ Jesǝwa muna-ɓwabura mala Nun.†

*26:9 26:9 Ɓalli aɓa: Ɓal 16:1-3.

†26:10 26:10 Ɓalli aɓa Ɓal 16:31-35.

‡26:19 26:19 Ɓalli aɓa: Tite 38:3-4,6-11.

§26:56 26:56 Ɓalli gbal aɓa: Ɓal 33:53-54; 34:13; 36:2; Jes 14:2; 18:6-11; 19:51; 21:4-8; 1Kpa 6:61,63,65; Ang 78:55; Ezǝk 45:1.

*26:58 26:58 Ɓalli gbal aɓa: Pur 6:21,24; Ɓal 3:17-20.

†26:58 26:58 Ɓalli gbal aɓa: Pur 6:18-20.

‡26:60 26:60 Ɓalli gbal aɓa: Pur 6:23; 24:1,9; 28:1; Ɓal 3:2,4; 1Kpa 6:3.

§26:61 26:61 Ɓalli gbal aɓa: Pǝris 10:1-7; 1Kpa 24:1-2.

*26:64 26:64 Ɓalli aɓa: Ɓal 1:17-54; 3:39.

†26:65 26:65 Ɓalli aɓa: Ɓal 14:26-35.