6
1 Rom 5.2; 1Kr 15.10Nda jɨ́ nə́ sə́nɔ̂ŋ Zɛmbî wə́ ŋgə́ sɛ̂y nə́, sə́ ka ŋgə cɨ nə bɨ́ nə́: «Kúgá fánda lə́g mpaam mə́ Zɛmbî ntɔ́ nə́ ndɛɛ́, bɨ kú dʉ́g mfíí á cínɔŋg.» 2 Iza 49.8; Luk 4.19-21Mpugá nə́ Zɛmbî nyə á cɨ nə́:
Ja fwámɛ́ fwála i á bə yí, mə á magʉlə mə́jəgʉla mwô.
Jwɔ́w wo á ŋgə jɨɨ kwííndyá yí, mə a shí kwíínd wo.
Fwámɛ́ fwála wə́ mə́ ka bə ga. Jwɔ́w wó jə́lá nə bii kwííndyá wə́ ga.
Minjugú mí Pwôl
3 Sə́ áŋgɛ̂ nə bwɛlɛ jɨɨ nə́ sə́ mə́ kwal múúd bɔɔgʉ́, nəcé sə́ acɛ́ɛ́lɛ́ sá nə́ buud bwə́ mpyényʉ́g isɛ́y bísʉ́. 4 4.2Sə́ ŋgə yida sɔ̧́ nə́ bɨ shwúg mənyúúl nə sə̂ mə́zhɨɨ́ mɛ̂sh dɨ́ nə́ sə́ bɨ́ fwámɛ́ ósɔ́ɔl ɔ mə́sáal ɔ́ Zɛmbî; sə́ ka ŋgə bul bə nə jísɔ́w: jísɔw *incwaw í ntʉg, jísɔw micúŋ, jísɔw yágʉ́wó, 5 11.23-29jísɔw bígə́, jísɔw mimbwug, jísɔw ociŋʉ́cində̂, jísɔw yɨ́ɨ́ŋgá ísɛ́y, jísɔw məfúfə məgwə̂, jísɔw mə́zha. 6 8.24; Rom 12.9; 1Kr 13.4-7; Gal 5.22-23; 1Tm 4.12Sə́ ŋgə ci mənyúul, sə́ nə mpúyá, sə́ nda nə milámʉsa, sə́ nə jɔ̧ lâm, Ŋkɛ̧́ŋkɛ̧́ Shíshim ŋgə́ kyey nə sə́, sə́ njúl nə cɛɛlí á kú nə məkə́ŋ, 7 10.4-5; Rom 13.12; 1Kr 2.4sə́ njúl nə ciyá jɨ́ bʉ́bə́lɛ́ yí, sə́ nə mpífə́ mə́ Zɛmbî, sə́ nə məkwɔ̧ɔ̧ mə dɔ́ɔ́mb mâ otʉ́təlí, mǎ lúmbʉ́lí nə mǎ kaambʉlə nyúul. 8 Gúl ja buud gúmal sə́, gúl ja bwə́ saambʉlə sə̂; gúl ja bwə́ mpyaam sə̂, gúl ja bwə́ sá sə́ məshwúmb; gúl ja bwə́ ŋwa sə́ nda buud ɔ mə́shɨɨgâ, sə́ báá njúl otʉ́təlî; 9 4.10gúl ja bwə́ ŋwa sə́ nda ojínə, í njúl nə́ buud bwə́ mpú sə̂, bwə́ ŋwa sə́ nda sə́ ŋgə júgʉla, í njúl nə́ sə́ ŋgə cʉgə, bwə́ dʉ́g sə́ nda sə́ bɨ́ íntʉ́gʉ́líd, njɨ muud kú gwú sə́, 10 isâ í cɛ́yʉg lámʉ́d yí: 7.4; Rom 5.3; 12.12 məshusʉg məshusʉg: 8.9; Flp 2.17; 4.12-13; 1Te 1.6bwə́ ŋgə́ sá sə́ isâ í cɛ́yʉg lámʉ́d yí, sə́ báá njɨ məshusʉg məshusʉg, sə́ njúl mə́búwa dɨ́, njɨ sə́ ŋgə́ sá nə́ bɔ́ɔ́l bwə́ bígʉ́g, sə́ ŋgə́ fúfə nə sâ jɛ̂sh, njɨ sə́ mbííd byɛ̂sh.
11 Yé bwááŋg wâ Kɔrɛ̂nt, sə́ á jaaw bɨ́ isâ byɛ̂sh kú shweel tɔɔ ŋgwûd, sə́ á juw bɨ́ milâm mísʉ́ nə́ wúŋgʉ́lúŋ. 12 Sə́ báá sə́ afwóyɛ́ yɔw cɛɛlʉ́lə bɨ̂, bɨ wə́ bɨ acɛ́ɛ́lɛ́ lə́g cɛɛlí sə́ ŋgə́ cɛɛl bɨ́ yí. 13 1Kr 4.14Ságá nə́mə́ sə́ nda sə́ ŋgə́ sá bɨ́ nə́. Mə ŋgə cɨ nə bɨ́ tâŋ nda bwán bâm náaá «juwʉgá nə́mə́ sə́ mílám mín nə́ wúŋgʉ́lúŋ!»
Kúgá fʉla sámbá nə oháádɛn
14 1Kr 6.9-13; 10.21; Ifz 5.5-11Kúgá fʉla sámbá nə oháádɛn* Naá, Pwôl ŋgə cɛɛl cɨ buud bwə́ cúgɛ́ búúd ɔ́ Krîst wá., kə sá dúl váál mbɛɛ mpwɔ̧ɔ̧da kú nə wɨ́ɨ́mbʉ́lé; nyáyɛ́ mpwəmá nyɨ́ nə ŋkul bə mpə́dʉ́gá bíshʉ́lə mə́cɛ̧ɛ̧ nə bə́lə kú bísh mə́cɛ̧ɛ̧ yí? Dáyɛ́ kɔw mə́ŋkɛnya bə́nɔ̂ŋ yídʉ́gʉ́ bɨ́ nə ŋkul bə nə ndɨ́ yí? 15 Dáyɛ́ váál cʉ́ŋ wɨ́ nə ŋkul bə mpə́dʉ́gá *Krîst bá Beliár† Beliár mə kə́ nə́ Sátan. yí? Jáyɛ́ wɔ́ŋgɔ́ mbúgʉla bá háádɛn‡ Dʉ́gʉ́g sâ sə́ ámə cɨ mpánzə́ 14 dɨ́ yí. jɨ́ nə ŋkul bə nə ndɨ́ yí?
16 Ləv 26.12; Zhe 32.38; Eze 37.27; 1Kr 3.16Mpáánzə́ Zɛmbî í mə́ bwɛlɛ fʉla jɨ́ nə ozɛmbî wâ yadʉ́g? Mpugá nə́ shé báá shé jɨ Mpáánzə́ mə́ Zɛmbî á kuwô, nəcé Zɛmbî nyə á cɨ́ nə́:
Mə bá ji bwə́dɨ́, sə́nɔ́ŋ mə bá cʉgə,
mə bə Zɛmbî wáŋ, bâŋ bə kúl jâm.
17 Iza 52.11; Mbʉ́ 18.4Nə́ ndɛɛ́,
wúgá na bwə́dɨ́, béégyágá nə bwo, Cwámba ŋgə cɨ ntɔ́.
Kúgá kúnya nə sâ ádʉdanâ.
Mə ka bá ŋwa bɨ́ nə məshusʉg.
18 2Sa 7.14; Iza 43.6; Amo 4.13; Mbʉ́ 11.17Mə bá bə bɨ́ sɔ́ɔ́ŋgʉ́,
bɨ́ bə mə bwân wəábudûm nə wəábudâ.
Cwámba á ŋkul nyɛ̂sh ŋgə cɨ ntɔ́.
6:1 Rom 5.2; 1Kr 15.10
6:2 Iza 49.8; Luk 4.19-21
6:4 4.2
6:5 11.23-29
6:6 8.24; Rom 12.9; 1Kr 13.4-7; Gal 5.22-23; 1Tm 4.12
6:7 10.4-5; Rom 13.12; 1Kr 2.4
6:9 4.10
6:10 isâ í cɛ́yʉg lámʉ́d yí: 7.4; Rom 5.3; 12.12 məshusʉg məshusʉg: 8.9; Flp 2.17; 4.12-13; 1Te 1.6
6:13 1Kr 4.14
6:14 1Kr 6.9-13; 10.21; Ifz 5.5-11
*6:14 Naá, Pwôl ŋgə cɛɛl cɨ buud bwə́ cúgɛ́ búúd ɔ́ Krîst wá.
†6:15 Beliár mə kə́ nə́ Sátan.
‡6:15 Dʉ́gʉ́g sâ sə́ ámə cɨ mpánzə́ 14 dɨ́ yí.
6:16 Ləv 26.12; Zhe 32.38; Eze 37.27; 1Kr 3.16
6:17 Iza 52.11; Mbʉ́ 18.4
6:18 2Sa 7.14; Iza 43.6; Amo 4.13; Mbʉ́ 11.17