12
Mudá bá ŋkɔɔndú
1 Iza 7.14; 26.17Dúl məma *shimbá í mú wɔ́ɔ́s joŋʉd; í á bə, mudá mə́ bwáád yásə́ tâŋ káándə́, məkuú mə tə̂l nyə mbyólʉ́d, nyə nə *tûm gúmə́ lúúd, tûm gúmə́ wɔɔŋg í njúl nə wəacén-cénî wûm nə óbá. 2 Nyə á bə nə bum nə́ ntámb, a ŋgə́ kɨ̂m nə məcɛy mə́ minʉ́ nə́ a zə byâ.
3 ŋkɔɔndú: 12.7, 9, 13; 13.2; 16.13; 20.2; Dan 7.7, 24Dúlʉ́gá shimbá í mú nyiŋgə wɔ́ɔ́s joŋʉd. Jâŋ í á bə, dúl váál ŋkɔɔndú ŋkí bwaag, a njúl tɨ́tɨɨ̂ nə́ zhwuŋ, a mbíd milúú zaŋgbá nə məlaag wûm; milúú zaŋgbá mínɨ mí njúl, lúú wɛ̂sh nə *tûm ícî. 4 Dan 8.10Kwundú yé í á wéénd wəacén-cénî wâ joŋ, kɔw ŋgwûd á məkɔw məlɔ́ɔl, wusə shí. Ŋkɔɔndú ɛ́nɛ nyə á kə tɔ̂w mudá nyə á ŋgə bə nə́ a zə́ byá yɛ́ mpwóómbʉ́d nə́, njɨ nə́ mwán mə́ byɛ̂l, a də. 5 19.15; Sôm 2.9Mudá ɛ́nɛ mú byá mwán, mwámudûm, mwán mə́ jə́lá nə fála íkúl nə ŋkʉ́d yɛ́. Bwə́ mú ntâg ŋkɛ́ny mwán yé wɔɔŋgʉ́ kə nə nyə wə́ Zɛmbî, nyə́dɨ́ caaŋgə́d. 6 1Oj 17.1-7; 19.5-7; Mat 2.13 mwɔ̂w tɔ́ɔ́shin nə mitəd mimbá nə məwûm mə́saman: 11.2Mudá nyɛ mú túb kə shí a shwééshá dɨ́, kʉ́l Zɛmbî nyə á bwey kwambʉlə nyə jiya yí, shú nə́ bwə́ kə́g wɨ́ɨl nyə wu tâŋ mwɔ̂w tɔ́ɔ́shin nə mitəd mimbá nə məwûm mə́saman.
7 Dan 10.13; Yûd 9Nə́ ndɛɛ́, dɔɔmb í á ka zə kyɛɛg joŋʉd. Míshiyɛ̂l bə́nɔ̂ŋ *wəéŋgəles bɛ́ jáŋ kɔ́ɔ́mb, ŋkɔɔndú bə́nɔ̂ŋ bɛ́ wə́éŋgəles jáŋ kɔ́ɔ́mb. 8 Njɨ, ŋkɔɔndú bə́nɔ̂ŋ jé gwooŋg bwə́ áshígɛ́ lal mə́ŋkul; nə́ ndɛɛ́ bwə́ mú bə kú ná nə jiya joŋʉd. 9 20.2; Mət 3.1; Iza 14.12; 27.1; Luk 10.18; Yuá 12.31Nə́ ndɛɛ́, nda Míshiyɛ̂l bə́nɔ̂ŋ wəéŋgəles bɛ́ bwə́ á ntɔ̧ bwo nə́, bwə́ á ka wáŋgʉlə wusə ŋkɔɔndú anʉ́nɨ́ ɛ́nɛ kʉ́ga shí, nywâ a yág bwə́ jɔ́w nə́ Njwû məjamb yɛ́ wɔɔŋgʉ́, nyə Sátan, muud ŋgə́ shɨɨg buud ɔ shí ndon bɛ̂sh yɛ́, bwə́ á wáŋgʉlə wusə bə́nɔ̂ŋ bɛ̂sh wəéŋgəles bɛ́.
10 4.11; 11.15 múúd ontaandɛ̂: Zhb 1.9-11; Zak 3.1Mə mú gwág dúl kə́l í ŋgə́ cɨ nə ŋkulû joŋ dɨ́ nə́:
Fwála Zɛmbî mə cʉg búúd yí í mə́ wɔ́ɔ́s,
nə ŋkul nyɛ́, nə íjwûga byé,
nə mpə̂l mə́ Krîst yé.
Nəcé bwə́ mə́ wáŋgʉlə wusə múúd ontaandɛ̂ shí.
Nyə muud nyə á dʉ kə nə ontaandɛ̂ ɔ́ ómínyɔŋʉ̂ bʉ́sʉ́
kə dʉ jaaw Zɛmbî tɔɔ ibulú, tɔɔ mimwásə́ yɛ́.
11 6.9; Mat 16.25 Mwâ Ncwəmbɛ: 5.6; 1Yn 2.14; 5.4Bwə́ á mə́ ntɔ̧ nyə ŋkul nəcé məcií mə Mwâ Ncwəmbɛ.
Bwə́ á mə́ ntɔ̧ nə́mə́ nyə ŋkul nəcé bwiiŋgʉ́lə bwə́ á bwiiŋg láŋ mə́ Yésus yí,
bwə́ áshígɛ́ cɛɛl cʉg jáŋ váál á nə́ bwə́ fúndə́ shwɨy.
12 18.20Gwə́ wə́ mə́ cɨ́ nə́:
nə joŋ lʉ gwɔ̂w, nə bɨ́ bɔɔŋg njúl nûŋ joŋ dɨ́ wá,
gwágʉ́gá məshusʉg!
Njɨ, məntágʉla nə bɨ́, shí nə mâŋ!
Nəcé Njwû məjamb mə́ shulə nûŋ bɨ́dɨ́,
a mpú nə́ fwála í mə́ lʉ́g nyə bíbíyá,
a mə́ ntâg bul nyada.
13 Ja məma ŋkɔɔndú ɛ́nɛ nyə a dʉ́g nə bwə́ mə́ wáŋgʉlə wusə nyə shí yí, nyə á ka zə julya nə mudá nyə a byá mwân mwámudûm yɛ́. 14 mimbú mílɔ́ɔl nə kʉ́l: 11.2Njɨ, bwə́ mú yə múdá wɔɔŋgʉ́ məma mə́faafʉgə́ mə́bá nda məfaafʉgə́ mə́ mpal, nə́ a jéélʉg kə shí a shwééshá dɨ́, nyə́dɨ́ jiyad, kʉ́l bwə́ jəla nə kə wɨ́ɨl nyə yí. Nyə á ji wu mimbú mílɔ́ɔl nə kʉ́l, ŋkɔɔndú nda kumə wu. 15 Nywá a yág ɛ́nɛ nyə á ŋgə yámb məjúwó nə mpu yé, mə́ ŋgə́ wô nda ŋgwɔ̧ɔ̧́ ŋgə wáámb mudá nə́ mə́ kə́ cɔ̧̂ nə nyə. 16 Ká, shí í mú kyɛm múdá, í beeg mpu, minə ŋgwɔ̧ɔ̧́ wɛ̂sh ŋkɔɔndú nyə á ŋgə yámb nə mpu nɨ. 17 6.9; 11.7; 13.7; Dan 7.21Ŋkɔɔndú mú jág gwág múdá wɔɔŋgʉ́ mpimbə. A mú ka zə kə lúmbʉli nə bɔɔŋg bwə́ mə́ lʉ́g mpwoŋ buud mə múdád wá, búúd bwə́ ŋgə́ baagʉlə isâ Zɛmbî nyə á cɨ nə́ í bə́g yí, bwə́ ŋgə́ bwiiŋg láŋ mə́ Yésus wá. 18 A mú ka kə tɔ̂w shɛ̧ á máŋʉd.
12:1 Iza 7.14; 26.17
12:3 ŋkɔɔndú: 12.7, 9, 13; 13.2; 16.13; 20.2; Dan 7.7, 24
12:4 Dan 8.10
12:5 19.15; Sôm 2.9
12:6 1Oj 17.1-7; 19.5-7; Mat 2.13 mwɔ̂w tɔ́ɔ́shin nə mitəd mimbá nə məwûm mə́saman: 11.2
12:7 Dan 10.13; Yûd 9
12:9 20.2; Mət 3.1; Iza 14.12; 27.1; Luk 10.18; Yuá 12.31
12:10 4.11; 11.15 múúd ontaandɛ̂: Zhb 1.9-11; Zak 3.1
12:11 6.9; Mat 16.25 Mwâ Ncwəmbɛ: 5.6; 1Yn 2.14; 5.4
12:12 18.20
12:14 mimbú mílɔ́ɔl nə kʉ́l: 11.2
12:17 6.9; 11.7; 13.7; Dan 7.21