1 ዬካፓ ጫሪንጮይዳ ቡሊ''ንቲ ዓኣ ካራ ታ ዴንቄኔ፤ ዬማና ዛዬ ዑኡሲጉዲ ኬኤዛ ቤርታኣ ዑኡዛሢ፦ «ሓኒ፥ ሃንጋ ኬስኬ፤ ሓይፓ ሴካ፥ ቤርታ ማዓንዳ ባኣዚ'' ታ ኔና ዻዋንዳኔ» ታኣም ጋዓዛ፥ 2 ቤዞማና ታኣኒ ዓያና ጌኤሺ ማሊሢዳ ጌሌኔ፤ ዓካሪ ዒማ''ና ጫሪንጮይዳ ካኣታ'' ዴዓ ዖይታ ጌሢንቲ ዓኣንቴ ታ ዴንቄኔ፤ 3 ዬኖ ዖይቶይዳ ዴዒ ዓኣሢኮ ዓውካራ ሚርጌ ሚዛጳ ዒያስጲዴና ሴርዲኖኔ ጌይንታ ሹጮ ዑፆ ማላያኬ፤ ካኣቱሞ ዖይቶኮ ኮይላ'' ሜሬጊዴ ጌይንታ ሹጮ ዑፆ ማላ ሚዛጲ ዡኡሎ ዓኣኔ። ሂዚ. 1፥26-28፤ 10፥1። 4 ዬያጉዲ ሃሣ ካኣቱሞ ዖይቶ ኮይላ'' ሜሌ'' ላማታሚ'' ዖይዶ ካኣቱሞ ዖይታ ዓኣኔ፤ ዬንሢ ዖይቶንሢዳ ቦኦሬ ማኣዖ ማይንቴያ ሃሣ ቶኦኮ''ይዳኣ ዎርቄፓ ኮሾ''ና ቦንቾም ዓጎ ባኮ ዓጌ ላማታሚ'' ዖይዶ ጋርቺ ዴዒ ዓኣኔ። 5 ካኣቱሞ ዖይታሢዳፓ ዜኤሊንሢና ዑኡሲና ሃሣ ጉጉንሢያ ኬስኬኔ፤ ሃሣ ዬያ ዖይታሢኮ ቤርታ ፖዒ ፖዓ ላንካይ ፆምፔ ዓኣኔ፤ ዬያታ ላንካዎ ፆኦሲ ዓያኖንሢኬ። ኬሲ. ማፃ 19፥16፤ ዮሓ. ፆፔዻ 8፥5፤ 11፥19፤ 16፥18፤ ሂዚ. 1፥13፤ ዮሓ. ፆፔዻ 1፥4፤ ዛካ. 4፥2። 6 ሓሣ ዬያ ዖይታ''ሢ ቤርታ ሌማሌኤሼጉዲ፥ ጌኤሽኪ ጴዻ ባዚ'' ዓኣኔ።

ካኣቱሞ ዖይቶ ኮይሎይዳ ዖይዶ ዛላ'' ሚርጌ ዓኣፒ ዓኣ ዖይዶ ዱማ ዱማ ማዢንቲ ዓኣኔ። 7 ቤርታኣ ባካሢ ዞቢ'' ማላያ፥ ላምዓሳሢ ጌማይ ማላያ፥ ሃይሣሳሢ ጊንሣ ዓሲ ዓኣፒ ካራ ማላ ዓውካሬ ዓኣያኬ፤ ዖይዳሳ፥ ጋፒንፃሢ ባራና ኮኦኬ ማላያኬ። ሂዚ. 1፥22፤ 1፥5-10፤ 10፥14። 8 ዬንሢ ዖይዶ ባኮንሢኮ ላሆ'' ላሆ'' ጋኣሲ ዓኣኔ፤ ዬያቶኮ ዙሎ''ና ጋሮናይዳ ዺቢ ዓኣፒ ዓኣያኬ፤ ዔያታ ዋንቶና ሮኦሮና፦

9 ዬንሢ ባኮንሢ ካኣቱሞ ዖይቶይዳ ዴዔሢም፥ ናንጊና ናንጋሢም፤ ቦንቾ፥ ሄርሺሢ፥ ጋላታኣ ሺኢሻ ዎዶ''ና ቢያ፥ 10 ላማታሞ ዖይዶ ጋርቾንሢ ናንጎና ናንጋሢም፥ ካኣቱሞ ዖይቶይዳ ዴዔሢም ጉምዓቲ ዚጋኔ፤ ዔያቶኮ ቶኦካ'' ዓጎ፥ ቦንቾ ባኮ ካኣቱሞ ዖይቶ ቤርታ ጌሢ፦