1 ዬካፓ ሚርጌ ዓሲ ዑኡሲ ማላ፥ ዼኤፒ ዑኡሲ ጫሪንጮይዳ፦

4 ዒማ''ና ላማታሚ'' ዖይዶ ጋርቾንሢና ዖይዶ ባኮንሢ ካኣቱሞ ዖይታ'' ዴዒ ዓኣ፥ ፆኦዛሢም ባሊቶና ሳዖ ባንሢ ሂርኪ ጌይ፦

5 ዬካፓ፦

6 ሃሣ ጊንሣ ሚርጌ ዓሲ ዑኡሲ፥ ዼኤፒ ዎታ'' ዎርዚ ዋኣሢና ዼኤፒ ጉጉንሢ ዑኡሲ ማላ ዑኡሲ፦

9 ኪኢታንቻሢ ሃሣ፦ « ‹ማራዓሢኮ ዔፖ ሙዖም ዔኤሊ''ንቴ ዓሳ ባሊቲና ዓኣያኬ› ጌይ ፃኣፔ» ታኣም ጌዔኔ፤ ሄሊ''ሳዖ ሃሣ፦ «ሓይ ፆኦሲኮ ጎኔ ቃኣላኬ» ጌዔኔ። ማቲ. 22፥2-3።

10 ታኣኒ ዬያ ኪኢታንቻሢም ዚጋኒ ዒዛ ቶኮ ዴማ'' ባሊቶና ሂርኪ ጋዓዛ፥ ዒዚ ጋዓንቴ፦ «ሃሼ''! ሓያይዲፖ! ታኣኒያ ኔናንታ ዬሱሴ ዛሎ'' ማርካዻ ዒሾንሢንታ ዎላ'' ማማዻያኬ፤ ፆኦሲም ዚጌ።

«ዬሱሴ ፔጋሲ ዻዌ ጎኑማ ፆኦሲ ማሊፆ ኬኤዛ ዓሶ ዻንጎና ኬኤዛ ዓያኖኬ» ጌዔኔ።

11 ዬካፓ ጫሪንጫ ቡሊ''ንቴም፥ ዒኢካ ቦኦሬ ፓሮ ታ ዴንቄኔ፤ ፓራሢ ቶጌሢ፦ «ጉሙርቂንታያ ሃሣ ጎኔ ዓሲ» ጌይንታያኬ፤ ዒዚ ፂሉ''ሞና ዎጋያ ሃሣ ዖልታያኬ። ሂዚ. 1፥1፤ ዓይኑ. 96፥13፤ ዒሲ. 11፥4። 12 ዓኣፓ ዒዛኮ ዔኤታ ታሚ ማላኔ፤ ሃሣ ዒዛኮ ቶኦኮ''ይዳ ቦንቾሮ ዓጎ ባካ ሚርጌ ዓጊንቲ ዓኣኔ፤ ዒዛይዳፓ ዓታዛ ሜሌ'' ዖኦኒያ ዔሩዋያ፥ ፃኣፒንቴ ሱ'ንሢ ዒዛይዳ ዓኣኔ፤ ዳኣኔ. 10፥6። 13 ዒዚ ሱጉሢ ሄሊ'' ፑርቲሴ ማኣዖ ማይንቲ ዓኣኔ፤ ዒዛኮ ሱ'ንፃ «ፆኦሲ ቃኣላ» ጌይንታያኬ። 14 ዒማ''ና ቦኦሬ ፓሮ ቶጌ፥ ቦኦሬ ጌኤሺ ዓፒላ ማይንቴ፥ ጫሪንጫ ዓኣ ዖሎ ዓሳ ዒዛ ጊንፆ ዓኣዻኔ፤ 15 ሜሌ'' ዴሮ'' ዖሊ ባሻንዳ ዓጬ፥ ጬንቻ ዓፓሮ ዒዛኮ ዻንጋፓ ኬስኬኔ፤ ዒዚ ሚጪንቱዋዖ ሄ'ርቂ ዔያቶ ዎይሣንዳኔ፤ ሃሣ ዒዚ ቢያ ባኣዚ'' ዳንዳዓ ፆኦዛሢኮ ዼኤፖ ዻጎና ዎይኖ ሄ'ርቂ ጩኡጶ ቤዛ ዎይኖ ሄ'ርቃንዳኔ፤ ዓይኑ. 2፥9፤ ዒሲ. 63፥3፤ ዒዮ. 3፥13፤ ዮሓ. ፆፔዻ 14፥20። 16 ዒዛኮ ማኣዓሢና ጉባዞ''ናይዳ፦ «ካኣቶ''ኮ ካኣቲ፥ ጎዳቶኮ ጎዳ» ጋዓ ሱ'ንሢ ፃኣፒንቲ ዓኣኔ።

17 ዬካፓ ሃሣ ፔቴ'' ፆኦሲኮ ኪኢታንቻ ዓቦ'' ዑፃ ዔቂ ዓኣንቴ ታ ዛጌኔ፤ ዒዚ ጫሪንጮይዳ ባራና ካፖም ዼኤፒ ዑኡሲና፦ «ፆኦሲ ጊኢጊሼ፥ ዼኤፖ ሙዖ ሙዓኒ ቡኪንቱዋቴ፤ 18 ዒንሢ ቡኪንታሢ ካኣቶ'' ዓሽኮ፥ ፖኦሊሶ ዓይሣ ዓሶ ዓሽኮ፥ ዖሎ ዖላ ዶዶ ዓሶ ዓሽኮ፥ ፓራሢ ቶጊ ዖላ ዓሶና ፓራሢና ዓሽኮ፥ ዎይሣ ዓሶና ዴማ'' ማዒ ዎርቃ ዓሶናኮ ዓሽኮ፥ ዻኮ'' ዓሶና ዼኤፖ ዓሶና ዓሽኮ፤ ዬያጉዲ ዓሲ ቢያኮ ዓሽኮ ሙዓኒኬ» ጌይ ዒላቴኔ።

19 ሓሣ ቦዓሢንታ ሳዖ ካኣቶ''ንታ ፔኤኮ ዖላ ዓሶና ዎላ'' ቦኦሬ ፓራሢ ቶጌሢና ዒዛኮ ዖላ ዓሶና ዖልታኒ ቡኪንቲ ዓኣንቴ ታ ዛጌኔ፤ 20 ጋዓንቴ ቦዓሢ ዓዺንቴኔ፤ ሃሣ ዒዛና ዎላ'' ዒዛ ቤርታ ዱማ ዱማ ዓኪ ባኣዚ'' ማዻ፥ ሉኡዙሞና ፆኦሲ ማሊፆ ኬኤዛሢያ ዓዺንቴኔ፤ ዒዚ ቦዓሢ ማላቶ ዔኪ ዓኣዞንሢና ዬያም ዚጋዞንሢ ዱማ ዱማ ዓኪ ባኣዚ'' ማዺ ዻዊሢና ዻቢሻኔ፤ ዒማ''ና ዬንሢ ላምዖንሢ ሼምፔና ዓኣ ጎይሣ ዓኣንቴ ዔኤታ ታሞ ባዞ''ይዳ ዓጊንቴኔ። ዮሓ. ፆፔዻ 13፥1-18። 21 ዓቴዞንሢ ሃሣ ቦኦሬ ፓራሢ ቶጌ ዓሢኮ ዻንጋፓ ኬስካ፥ ጬንቾ ዓፓራ ዎዼኔ፤ ዒማ''ና ካፓ ቢያ ዓሽኮ ዔያቶኮ ሙይ ሚሽኬኔ።